கோங்கம்

கோங்கம்
Cochlospermum religiosum blossoms
உயிரியல் வகைப்பாடு
திணை:	தாவரம்
தரப்படுத்தப்படாத:	பூக்கும் தாவரம்
தரப்படுத்தப்படாத:	இருவித்திலைத் தாவரம்
தரப்படுத்தப்படாத:	ரோசிதுகள்
வரிசை:	Malvales
குடும்பம்:	Bixaceae
பேரினம்:	Cochlospermum
இனம்:	C. religiosum
இருசொற் பெயரீடு
Cochlospermum religiosum (L.) Alston

கோங்க முகை

கோங்க மலர்

கோங்கம் என்று சங்கப்பாடல் கூறும் மரத்தை இக்காலத்தில் கோங்கு (Cochlospermum religiosum) எனக் கூறுகின்றனர்.

கோங்கமரம் இக்காலத்தில் வீட்டுப்பொருள்கள் செய்யப் பயன்படுகிறது. இதனால் செய்யப்பட்ட பொருள்கள் இலேசாகவும், மழமழப்பாகவும், மஞ்சள்-நிறதிலும் இருக்கும்.

சங்ககால மகளிர் குவித்து விளையாடியதாகத் தொகுக்கப்பட்டுள்ள 99 மலர்களில் கோங்கம் பூவும் ஒன்று.

கோங்கமரம், பூ, தாது பற்றிய சங்கநூல் செய்திகள்

• எலியின் காது கோங்கம் பூவின் மையப் பகுதி போல இருக்கும்
• கோங்க மலரைப் பதத்தோடு பறித்தெடுப்பர்
• கோங்கின் மகரந்தப் பொடிகளை மகளிர் மேனியில் பூசிக்கொள்வர். அதற்காக அவற்றைச் செம்பாலான செப்புகளில் சங்ககாலத்தில் விற்பனை செய்வர். செல்வர் அவற்றை சம அளவு பொன் கொடுத்து வாங்குவர்.
• கோங்க-மலரின் முகை மகளிர் முலைபோல் இருக்கும்.
• மதுரையை அடுத்த வையை ஆற்றுப் படுகையில் பாணர் முற்றத்தில் கோங்க மலர்கள் கொட்டிக்கிடக்கும்.
• கோங்கம்பூ குடை போலவும், மீன் போலவும் இருக்கும்.
• கோங்கின் அடிமரத்தில் செதில்கள் பொரிந்திருக்கும். பூ பொன்னிறத்தில் இருக்கும்.
• மரத்திலிருந்து கோங்கமலர் காம்பறுந்து விழுவது யானை ஓட்டுநர் வீசும் தீப்பந்தம் போல விழும்.
• கோங்கமரத்தில் அதிரல் கொடி ஏறிப் படரும்.

இவற்றையும் பார்க்க

சங்ககால மலர்கள்