மருத மரம்

கரு மருது
படிமம்:Terminalia elliptica NP.JPG
மருத மரம்
உயிரியல் வகைப்பாடு
திணை:	நிலைத்திணை
பிரிவு:	பூக்கும் தாவரம்
வகுப்பு:	Magnoliopsida
வரிசை:	Myrtales
குடும்பம்:	Combretaceae
பேரினம்:	Terminalia
இனம்:	T. elliptica
இருசொற் பெயரீடு
Terminalia elliptica Willd.

மருத மரம், மருதங்காய்

மருதம் பூ

கரு மருது என்பது ஒரு மர வகையாகும். இது தெற்கு மற்றும் தென்கிழக்கு ஆசியா, நேப்பாளம், வங்காளதேசத்தில் அதிகம் காணப்படுகிறது. இம்மரம் 30 மீட்டர் உயரம் வளரக்கூடியது. இதன் இலைகளைப் பட்டுப்பூச்சி உணவாக உண்கிறது.

சங்க காலத்தில் மருதம்

சிறப்பு கருதி மருத மரத்தைத் ‘திருமருது’ எனப் போற்றினர்.

மருத மரம் ஆற்றோரங்களிலும் வயலோரங்களிலும் செழித்து வளரும்.

மருத மரத்தில் வெண்மருது கருமருது, பில்லமருது எனப் பல வகைகள் உண்டு. பில்லமருது வீட்டுக்கு நிலை, சன்னல் சட்டங்கள் போன்றவை செய்யப் பயன்படுகிறது.

மரத்தின் உட்புறம் சிவப்பு.

உதிர்ந்த பூவும் சிவப்பு.

மருத மரம் செழுமையான நிழலைத் தரும்.

உழவர்க்கு நிழல்

நெல்லை விடியலில் போரடித்த உழவர் நண்பகலில் மருதமர நிழலில் எருதுகளுடன் இளைப்பாறுவார்களாம்.

நாகதெய்வக் கோயில்

மருத மரத்தடியில் நாகதெய்வ வழிபாடு நிகழ்ந்தது.

மதுரை

மதுரை என்னும் ஊர்ப்பெயர் மருதத்துறை > மதுரை எனக் கொள்ளும் அளவுக்கு வையை ஆற்றங்கரையில் மருத மரங்கள் மிகுதி.

காவிரியாற்று ஆர்க்காடு

அரசன் சேந்தனின் தந்தை அழிசி. அவனது ஊர் ஆர்க்காட்டின் காவிரித் துறையில் மருத மரங்கள் மிகுதி.

மருத வேலி

புகார் என்னும் காவிரிப்பூம்பட்டினத்தின் கடற்கரைப் பகுதிக்கு ‘நெய்லங்கானல்’ என்னும் பெயர் உண்டு. அங்கிருந்த தாமரைப் பொய்கைக்கு கைதைமரம் வேலியாக அமைந்திருந்ததாம். இது மதுரையிலிருந்த தாமரைக் குளத்துக்கு மருதமரம் வேலியாக அமைந்திருந்தது போல அமைந்திருந்த்தாம்.

மருத மாலை

திருபரங்குன்றத்தைத் தொழ வந்த சூரர மகளிர் தலையில் சண்பகப் பூவையும், மார்பில் மருத மர மலர்களை இலைகளோடு சேர்த்துக் கட்டிய மாலையையும் அணிந்திருந்தார்களாம்.

வெளி இணைப்புகள்

பி.எல்.சாமி முதலான அறிஞர்கள் காட்டும் மருத மரம் - படம்.

இவற்றையும் காண்க

சங்ககால மலர்கள்

மருத நிலம்

படிமம்:Terminalia elliptica, Madurai.jpg

மருதமரம், முல்லைப் பெரியாறு பிரதான கால்வாய் அருகே, செம்புக்குடிபட்டி, மதுரை

அடிக்குறிப்பு

தமிழர்விக்கி பொதுவகத்தில்,
மருதம்
என்பதின் ஊடகங்கள் உள்ளன.