ஏப்ரல் 4

ஏப்ரல் 4 (April 4) கிரிகோரியன் ஆண்டின் 94 ஆம் நாளாகும். நெட்டாண்டுகளில் 95 ஆம் நாள். ஆண்டு முடிவிற்கு மேலும் 271 நாட்கள் உள்ளன.

நிகழ்வுகள்

• 1147 – மாஸ்கோ குறித்த முதலாவது வரலாற்றுப் பதிவு.
• 1460 – பேசெல் பல்கலைக்கழகம் அமைக்கப்பட்டது.
• 1581 – உலகைச் சுற்றி வலம் வந்தமைக்காக பிரான்சிஸ் டிரேக் சர் பட்டம் வழங்கிக் கௌரவிக்கப்பட்டார்.
• 1660 – ஆங்கிலேய உள்நாட்டுப் போரில் குற்றம் இழைத்தவர்களுக்குப் பகிரங்க மன்னிப்பு வழங்கும் அறிவிப்பை இங்கிலாந்தின் இரண்டாம் சார்லசு மன்னர் வெளியிட்டார்.
• 1721 – ராபர்ட் வால்போல் ஐக்கிய இராச்சியத்தின் 1-வது பிரதமராகப் பதவியேற்றார்.
• 1812 – அமெரிக்கத் தலைவர் ஜேம்ஸ் மாடிசன் ஐக்கிய இராச்சியத்திற்கு எதிரான 90-நாள் வணிகத் தடையை சட்டமாக்கினார்.
• 1814 – முதலாம் நெப்போலியன் முதற்தடவையாக முடி துறந்து தனது மகன் இரண்டாம் நெப்போலியனை பிரான்சின் மன்னனாக அறிவித்தார்.
• 1818 – 13 சிவப்பு மற்றும் வெள்ளை நிறங்களைக் கோடுகளுடனும் ஒவ்வொரு மாநிலத்துக்கும் ஒரு நட்சத்திரம் (அப்போது 20) என்றவாறான அமெரிக்கக் கொடியை ஐக்கிய அமெரிக்க சட்டமன்றம் அங்கீகரித்தது.
• 1841 – வில்லியம் ஹென்றி ஹாரிசன் நுரையீரல் அழற்சியினால் காலமானார். பதவியில் இருக்கும் போது இறந்த முதலாவது அமெரிக்க அரசுத்தலைவர் இவராவார்.
• 1850 – இங்கிலாந்தின் கொட்டன்ஹாம் என்ற ஊரின் பெரும் பகுதி தீயில் அழிந்தது.
• 1865 – அமெரிக்க உள்நாட்டுப் போர்: கூட்டுப் படைகள் ரிச்மண்ட் நகரைக் கைப்பற்றிய அடுத்த நாள் அமெரிக்க அரசுத்தலைவர் ஆபிரகாம் லிங்கன் கூட்டமைப்பின் தலைநகருக்குப் பயணம் மேற்கொண்டார்.
• 1866 – உருசியாவின் இரண்டாம் அலெக்சாண்டர் சென் பீட்டர்ஸ்பேர்க் நகரில் கொலை முயற்சி ஒன்றில் இருந்து மயிரிழையில் தப்பினார்.
• 1905 – இந்தியாவில் இமாச்சலப் பிரதேசம், காங்ரா, தரம்சாலா ஆகிய இடங்களில் இடம்பெற்ற நிலநடுக்கத்தில் 20,000 பேர் வரை உயிரிழந்தனர்.
• 1925 – செருமனியில் எஸ்எஸ் காவல்படை என அழைக்கப்படும் சுத்ஸ்டாப்பெல் அமைக்கப்பட்டது.
• 1933 – அமெரிக்கக் கடற்படையின் வான்கப்பல் ஏக்ரோன் நியூ செர்சி கரையில் மூழ்கியது.
• 1939 – இரண்டாம் பைசல் ஈராக்கின் மன்னரானார்.
• 1944 – இரண்டாம் உலகப் போர்: பிரித்தானிய-அமெரிக்கப் படையினரால் புக்கரெஸ்ட் நகர் மீது நடத்தப்பட்ட வான் தாக்குதல்களில் குறைந்தது 3,000 பேர் வரை கொல்லப்பட்டனர்.
• 1945 – இரண்டாம் உலகப் போர்: அமெரிக்கப் படைகள் செருமனியில் ஓர்டிரஃப் கட்டாய பணி முகாமை விடுவித்தன.
• 1945 – இரண்டாம் உலகப் போர்: சோவியத் இராணுவத்தினர் அங்கேரியை செருமனியிடம் இருந்து விடுவித்துத் தமது கட்டுப்பாட்டுக்குள் கொண்டு வந்தனர்.
• 1949 – பனிப்போர்: பன்னிரண்டு நாடுகள் ஐக்கிய அமெரிக்காவின் தலைமையில் ஒருங்கிணைந்து நேட்டோ அமைப்பை உருவாக்கின.
• 1960 – செனிகல், மற்றும் பிரெஞ்சு சூடானை உள்ளடக்கிய மாலி கூட்டமைப்புக்கு விடுதலை தர பிரான்சு ஒப்புக் கொண்டது.
• 1968 – அமெரிக்காவின் கறுப்பினத் தலைவர் மார்ட்டின் லூதர் கிங் டென்னிசி மாநிலத்தில் மெம்பிசு நகரில் யேம்சு ரேய் என்பவனால் படுகொலை செய்யப்பட்டார்.
• 1968 – நாசாவின் அப்பல்லோ 6 விண்கப்பல் விண்ணுக்கு ஏவப்பட்டது.
• 1969 – மருத்துவர் டெண்டன் கூலி உலகின் முதலாவது தற்காலிக செயற்கை இதயத்தைப் பொருத்தினார்.
• 1973 – உலக வணிக மையத்தின் இரட்டைச் சிகரங்கள் நியூயார்க்கில் திறக்கப்பட்டன.
• 1975 – மைக்ரோசாப்ட் நிறுவனம் பில் கேட்ஸ், பவுல் ஆல்லென் ஆகியோரின் கூட்டில் ஆல்புகெர்க்கியில் தொடங்கப்பட்டது.
• 1975 – வியட்நாம் போர்: சாய்கோன் நகரில் அனாதைக் குழந்தைகளை ஏற்றிச் சென்ற அமெரிக்க விமானம் வீழ்ந்து நொருங்கியதில் 172 பேர் உயிரிழந்தனர்.
• 1979 – பாகிஸ்தானின் முன்னாள் அரசுத்தலைவர் சுல்பிக்கார் அலி பூட்டோ தூக்கிலிடப்பட்டார்.
• 1981 – ஈரான் – ஈராக் போர்: ஈரான் வான்படை 50 ஈராக்கிய வானூர்திகளைத் தாக்கி அழித்தது.
• 1983 – சாலஞ்சர் விண்ணோடம் தனது முதலாவது விண்வெளிப் பயணத்தை ஆரம்பித்தது.
• 1984 – அமெரிக்கத் தலைவர் ரானல்ட் ரேகன் வேதியியல் ஆயுதங்களைத் தடை செய்யும் கோரிக்கையை முன்வைத்தார்.
• 1991 – பென்சில்வேனியாவில் உலங்குவானூர்தி ஒன்று ஆரம்பப் பள்ளி ஒன்றின் மீது வீழ்ந்ததில் அதில் பயணம் செய்த மேலவை உறுப்பினர் ஜோன் ஐன்சு உட்பட ஏழு பேர் உயிரிழந்தனர்.
• 1999 – பாப்பரசரின் வேண்டுகோளையும் புறக்கணித்து நேட்டோ வான்படைகள் உயிர்த்த ஞாயிறு நாளன்று முன்னாள் யுகோசுலாவியா மீது குண்டுகளை வீசின.
• 2002 – அங்கோலாவின் உள்நாட்டுப் போரை முடிவுக்குக் கொண்டுவரும் நோக்கில் அங்கோலா அரசும் யுனிட்டா போராளிகளும் அமைதி ஒப்பந்தத்தில் கையெழுத்திட்டன.
• 2009 – பிரான்சு நேட்டோ அமைப்பில் மீண்டும் இணைந்தது.
• 2013 – இந்தியாவின் தானே நகரில் கட்டடம் ஒன்று இடிந்து வீழ்ந்ததில் 70 பேர் உயிரிழந்தனர்.

பிறப்புகள்

• 1846 – ரவுல் பிக்டே, சுவிட்சர்லாந்து இயற்பியலாளர் (இ. 1929)
• 1855 – மனோன்மணீயம் பெ. சுந்தரம் பிள்ளை, தமிழறிஞர் (இ.1897)
• 1889 – மாகன்லால் சதுர்வேதி, இந்திய ஊடகவியலாளர், கவிஞர் (இ. 1968)
• 1892 – கார்ல் வில்லெம் ரெய்ன்முத், செருமனிய வானியலாளர் (இ. 1979)
• 1895 – ஜோன் கொத்தலாவலை, இலங்கைப் படைத்துறை அதிகாரி, அரசியல்வாதி (இ. 1980)
• 1905 – நிரூபன் சக்கரபோர்த்தி, திரிபுரா மாநில முன்னாள் முதலமைச்சர் (இ. 2004)
• 1909 – பி. ஆர். மாணிக்கம், தமிழகக் கட்டடக் கலைஞர் (இ. 1964)
• 1911 – எடித் கெல்மன், அமெரிக்க வானியலாளர் (இ. 2007)
• 1912 – கா. ம. வேங்கடராமையா, தமிழகக் கல்வெட்டறிஞர், தமிழறிஞர் (பி. 1912)
• 1914 – டேவிட் குடால், ஆத்திரேலிய தாவரவியலாளர் (இ. 2018)
• 1923 – பா. கா. மூக்கைய்யாத்தேவர், தமிழக அரசியல்வாதி (இ. 1979)
• 1928 – மாயா ஏஞ்சலோ, அமெரிக்கக் கவிஞர் (இ. 2014)
• 1931 – ரஞ்சன் விஜேரத்ன, இலங்கை அமைச்சர் (இ. 1991)
• 1934 – குரோனிது இலியூபார்சுகி, உருசிய ஊடகவியலாளர், செயற்பாட்டாளர் (இ. 1996)
• 1948 – அப்துல்லா ஓசுலான், துருக்கிய செயற்பாட்டாளர்
• 1975 – அக்சய் கண்ணா, இந்தி நடிகர்
• 1976 – சிம்ரன், தென்னிந்தியத் திரைப்பட நடிகை.
• 1979 – கீத் லெட்ஜர், ஆத்திரேலிய நடிகர் (இ. 2008)

இறப்புகள்

• 397 – அம்புரோசு, உரோமை ஆயர், புனிதர் (பி. 338)
• 1544 – உருய் உலோபேசு டி வில்லலோபோசு, எசுப்பானிய நாடுகாண் பயணி (பி. 1500)
• 1617 – ஜான் நேப்பியர், இசுக்கொட்டிய கணிதவியலாளர், இயற்பியலாளர், வானியலாளர் (பி. 1550)
• 1807 – ஜெரோம் இலாலண்டே, பிரான்சிய வானியலாளர் (பி. 1732)
• 1841 – வில்லியம் ஹென்றி ஹாரிசன், அமெரிக்காவின் 9வது அரசுத்தலைவர் (பி. 1773)
• 1846 – ரவுல் பிக்டே, சுவிட்சர்லாந்து இயற்பியலாளர் (இ. 1929)
• 1919 – பிரான்சிஸ்கோ மார்த்தோ, போர்த்துக்கீசப் புனிதர் (பி. 1908)
• 1929 – கார்ல் பென்ஸ், மெர்சிடிஸ்-பென்ஸ் வாகனத்தை வடிவமைத்த செருமானியப் பொறியியலாளர், தொழிலதிபர் (பி. 1844)
• 1968 – மார்ட்டின் லூதர் கிங், நோபல் பரிசு பெற்ற அமெரிக்க செயற்பாட்டாளர் (பி. 1929)
• 1972 – காயிதே மில்லத் முகம்மது இசுமாயில், இந்திய முசுலிம் தலைவர் (பி. 1896)
• 1979 – சுல்பிக்கார் அலி பூட்டோ, பாக்கித்தானின் 4வது அரசுத்தலைவர் (பி. 1928)
• 1983 – குளோரியா சுவான்சன், அமெரிக்க நடிகை (பி. 1899)
• 1987 – அக்ஞேய, இந்திய ஊடகவியலாளர், எழுத்தாளர் (பி. 1911)
• 1990 – கி. இலட்சுமண ஐயர், ஈழத்து எழுத்தாளர், கல்வியாளர்
• 2001 – கே. ஆர். கல்யாணராமன், தமிழக எழுத்தாளர் (பி. 1919)
• 2001 – இலீசி ஒத்தெர்மா, பின்லாந்து வானியலாளர் (பி. 1915)
• 2012 – கிருஷ்ணா டாவின்சி, தமிழக எழுத்தாளர், நடிகர் (பி. 1968)

சிறப்பு நாள்

• குழந்தைகள் நாள் (ஆங்காங், சீனக் குடியரசு)
• விடுதலை நாள் (செனிகல், பிரான்சிடம் இருந்து 1960)
• அமைதி நாள் (அங்கோலா)
• நிலக்கண்ணிகள் குறித்த அனைத்துலக விழிப்புணர்வு நாள்

வெளி இணைப்புகள்

தமிழர்விக்கி பொதுவகத்தில் விரைவில் வருவதற்கு உதவி செய்யுங்கள்.

• பிபிசி: இன்றைய நாளில்
• நியூயார்க் டைம்சு: இன்றைய நாளில்
• ஏப்ரல் 4 வரலாற்று நிகழ்வுகள், OnThisDay.com