எம். எஸ். கோபாலகிருஷ்ணன்
| இயற்பெயர்/ அறியும் பெயர் |
எம். எஸ். கோபாலகிருஷ்ணன் |
|---|---|
| பிறந்ததிகதி | 10 சூன் 1931 |
| பிறந்தஇடம் | மைலாப்பூர் |
| இறப்பு | சனவரி 3, 2013 (அகவை 81) |
| அறியப்படுவது | கருநாடக வயலின் இசைக்கலைஞர் |
| குறிப்பிடத்தக்க விருதுகள் | பத்ம பூசன், பத்மசிறீ, கலைமாமணி, சங்கீத நாடக அகாதமி விருது, சங்கீத கலாநிதி |
எம். எஸ். கோபாலகிருஷ்ணன் , (M. S. Gopalakrishnan, பரவலாக MSG, 10 சூன் 1931 - 3 சனவரி 2013), கர்நாடக இசையில் தேர்ந்த வயலின் இசைக் கலைஞர். இவர் பத்மசிறீ, கலைமாமணி, சங்கீத நாடக அகாதமி விருது மற்றும் சங்கீத கலாநிதி போன்ற விருதுகளைப் பெற்றவர். 2012ஆம் ஆண்டில் இவருக்கு இந்திய அரசு பத்ம பூசன் விருது[1] வழங்கியது.
வாழ்க்கையும் பணிவாழ்வும்
சென்னை, மைலாப்பூரில் சூன் 10,1931 அன்று பிறந்தவர் கோபாலகிருஷ்ணன். கர்நாடக இசை மற்றும் இந்துத்தானி இசையை தமது தந்தையார் பேராசிரியர். பரூர் சுந்தரம் அய்யரிடம் பயின்றார். இவர் தந்தை 1910-ல் வட இந்தியாவில் வயலினை அறிமுகம் செய்தவர். கோபாலகிருஷ்ணன் தனது 8 வது அகவையிலேயே இசை கச்சேரிகளில் பங்கேற்கத் தொடங்கினார். அரியக்குடி இராமானுஜ ஐயங்கார், செம்பை வைத்தியநாத பாகவதர், ஆலத்தூர் சகோதரர்கள், பல்லடம் சஞ்சீவ ராவ் என அந்தக் காலத்தின் முன்னணிப் பாடகர்கள் பலருக்கும் வயலின் வாசித்தார். வாய்ப்பாட்டு இசைக்கச்சேரிகளில் பக்க வாத்தியமாக மட்டுமில்லாமல், தனி வயலின் கச்சேரியாக ஐம்பதாண்டுகள் நடத்தினார். ஆத்திரேலியா, ஐக்கிய அமெரிக்கா, ஐக்கிய இராச்சியம், நெதர்லாந்து, தென்னாபிரிக்கா மலேசியா, ஹாங்காங் ஆகிய நாடுகளுக்கு இசைப்பயணம் சென்றார்.
இவரது மகளான முனைவர் எம். நர்மதா வயலின் இசைக்கலைஞர் ஆவார்.
பெற்ற விருதுகள்
ஆண்டு விருது
- 1960 வயலின் வாத்திய சாம்ராட் - மும்பை சிவானந்த ஆசிரமம், இந்தியா
- 1975 பத்மசிறீ - இந்திய அரசு
- 1976 வயலின் வாத்தியச் சக்கரவர்த்தி - நியூயார்க், அமெரிக்கா
- 1978 கலைமாமணி - தமிழக அரசு, இந்தியா
- 1979 கேரள சங்கீத நாடக அகாதமி விருது, இந்தியா
- 1980 டி.சௌடைய்யா விருது - கர்நாடகம், இந்தியா
- 1982 சங்கீத நாடக அகாதமி விருது[2]
- 1997 சப்தகிரி சங்கீத வித்வமணி - திருப்பதி தேவத்தானம், இந்தியா
- 1998 சங்கீத கலாநிதி - மியூசிக் அகாதமி சென்னை, இந்தியா
- 2012 பத்ம பூசன் - இந்திய அரசு
- 2012 சங்கீத கலாசிகாமணி விருது - இந்தியன் ஃபைன் ஆர்ட்ஸ் சொசைட்டி
மறைவு
2013 சனவரி 3 அன்று, இந்திய நேரப்படி அதிகாலை 2 மணிக்கு சென்னையிலுள்ள ஒரு மருத்துவமனையில் தனது 82ஆவது வயதில் கோபாலகிருஷ்ணன் காலமானார்.[3]
மேற்கோள்கள்
- ↑ தமிழகத்தில் 7 பேருக்கு பத்ம விருதுகள் புதுவை விவசாயிக்கு பத்மஸ்ரீ[தொடர்பிழந்த இணைப்பு] தினமணி, சனவரி 26,2012
- ↑ "Akademi Awardee". சங்கீத நாடக அகாதமி. 16 டிசம்பர் 2018 இம் மூலத்தில் இருந்து 2018-03-16 அன்று. பரணிடப்பட்டது.. https://web.archive.org/web/20180316232654/http://sangeetnatak.gov.in/sna/Awardees.php?section=aa. பார்த்த நாள்: 16 டிசம்பர் 2018.
- ↑ "Violin maestro MSG passes away". The Hindu. 2013-01-03. https://archive.today/20130313213011/http://www.thehindu.com/news/cities/chennai/chen-arts/chen-music/violin-maestro-ms-gopalakrishnan-dies-at-82/article4266387.ece. பார்த்த நாள்: 2013-01-03.
உசாத்துணை
'வேலைக்குப் போகாதே' கட்டுரை, எழுதியவர்:ரிஷிகேஷ்; வெளியீடு: தினமணி - இசை விழா மலர் (2011 - 2012)
- பத்ம பூசண் விருது பெற்றவர்கள்
- இந்திய வயலின் கலைஞர்கள்
- பத்ம பூசண் விருது பெற்ற தமிழர்கள்
- பத்மசிறீ விருது பெற்ற தமிழர்கள்
- சங்கீத நாடக அகாதமி விருது பெற்றவர்கள்
- சங்கீத கலாநிதி விருது பெற்றவர்கள்
- 1931 பிறப்புகள்
- 2013 இறப்புகள்
- கலைமாமணி விருது பெற்றவர்கள்
- சங்கீத கலாசிகாமணி விருது பெற்றவர்கள்
- சென்னை இசைக்கலைஞர்கள்
- 20 – 21 ஆம் நூற்றாண்டுக் கால கருநாடக இசைக் கலைஞர்கள்
- பத்மசிறீ விருது பெற்ற கலைத் துறையினர்