திருமுருகன்பூண்டி

**திருமுருகன்பூண்டி நகராட்சி**
	திருமுருகன்பூண்டி நகராட்சி
அமைவிடம்
நாடு	இந்தியா
மாநிலம்	தமிழ்நாடு
மாவட்டம்	திருப்பூர்
வட்டம்	திருமுருகன்பூண்டி
ஆளுநர்
முதலமைச்சர்
மாவட்ட ஆட்சியர்
மக்கள் தொகை; • அடர்த்தி	31,528 (2011); • 2,174/km2 (5,631/sq mi)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு	14.5 சதுர கிலோமீட்டர்கள் (5.6 sq mi)
இணையதளம்	www.townpanchayat.in/thirumuruganpoondi

திருமுருகன்பூண்டி (ஆங்கிலம்:Thirumuruganpoondi), இந்தியாவின் தமிழ்நாடு மாநிலத்தில் அமைந்துள்ள திருப்பூர் மாவட்டத்தில் அமைந்துள்ள ஓர் நகராட்சி ஆகும். திருப்பூர் மாநகராட்சிக்கு மிக அருகாமையில் உள்ள வளர்ந்து வரும் நகராட்சி ஆகும். இந்நகராட்சியில் சிற்பக்கலை கூடங்கள் மூலம் பல்வேறு சிலைகள் தயாரிக்கப்படுகின்றன. திருமுருகன்பூண்டி முருகநாதேசுவரர் கோயில் இங்குள்ளது. இது வரலாற்றில் இடைக்கால ஆட்சியில் ஆறைநாடு ஆட்சிப் பரப்புக்கு உட்பட்டிருந்தது. ^[3]

2021-இல் நகராட்சியாக தரம் உயர்த்துதல்

16 அக்டோபர் 2021 அன்று திருமுருகன்பூண்டி பேரூராட்சியை நகராட்சியாக உருவாக்குவதற்கான அரசாணையை தமிழக அரசின் நகராட்சி நிர்வாகம் மற்றும் குடிநீர் வழங்கல் துறையின் கூடுதல் தலைமைச் செயலாளர் வெளியிட்டார்.^[4]^[5]

அமைவிடம்

திருமுருகன்பூண்டி நகராட்சிக்கு தெற்கில் திருப்பூர் 12 கிமீ; வடக்கில் அவிநாசி 5 கிமீ; கிழக்கில் பெருந்துறை 45 கிமீ; கோயம்புத்தூர் 52 கிமீ தொலைவில் உள்ளது.

நகராட்சி அமைப்பு

14.5 சகிமீ பரப்பும், 22 நகராட்சி மன்ற உறுப்பினர்களையும், 132 தெருக்களையும் கொண்ட இந்நகராட்சி அவிநாசி (சட்டமன்றத் தொகுதி)க்கும், நீலகிரி மக்களவைத் தொகுதிக்கும் உட்பட்டது.^[6]

மக்கள் தொகை பரம்பல்

2011-ஆம் ஆண்டு மக்கள் தொகை கணக்கெடுப்பின்படி இந்நகராட்சி 8,789 வீடுகளும், 31,528 மக்கள்தொகையும் கொண்டது.^[7]