சங்ககிரி

சங்ககிரி
—  நகராட்சி  —
சங்ககிரி இருப்பிடம்: சங்ககிரி , தமிழ்நாடு , இந்தியா
அமைவிடம்	11°28′28″N 77°52′09″E
நாடு	இந்தியா
மாநிலம்	தமிழ்நாடு
மாவட்டம்	சேலம்
வட்டம்	சங்ககிரி
ஆளுநர்
முதலமைச்சர்
மாவட்ட ஆட்சியர்	மருத்துவர் ஆர். பிருந்தா தேவி, இ. ஆ. ப
சட்டமன்றத் தொகுதி	சங்ககிரி -
சட்டமன்ற உறுப்பினர்	எஸ். சுந்தரராஜன் (அதிமுக)
மக்கள் தொகை • அடர்த்தி	29,467 (2011) •
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு • உயரம்	19.2 சதுர கிலோமீட்டர்கள் (7.4 sq mi) • 330 மீட்டர்கள் (1,080 அடி)
குறியீடுகள் • அஞ்சல் குறியீட்டு எண் • 637 301 • தொலைபேசி • +04283 • வாகனம் • த.ந.52-
இணையதளம்	www.townpanchayat.in/sanka

சங்ககிரி (Sangagiri) என்பது தமிழ்நாட்டில் சேலம் மாவட்டத்தில் சங்ககிரி வட்டத்தில் உள்ள நகராட்சியாகும். மேலும் இவ்வூர் சங்ககிரி வட்டம் மற்றும் சங்ககிரி ஊராட்சி ஒன்றியம் ஆகியவற்றின் நிர்வாகத் தலைமையிடம் ஆகும். இவ்வூரின் மலை சங்கு போல உள்ளதால், இதனை சங்ககிரி (சங்கு+கிரி(மலை)=சங்ககிரி) எனப் பெயர் பெற்றது எனக் கூறப்படுகிறது.

படிமம்:Sangagiri hill 3.jpg

சங்ககிரி மலை கோட்டை

ஆங்கிலேயர் ஆட்சி காலத்தில், சங்ககிரி மலையில் இந்திய விடுதலைப் போராட்ட வீரர் தீரன் சின்னமலையை சங்ககிரி மலையில் தூக்கிலிடப்பட்டார். இந்த மலையை திப்பு சுல்தான் கோட்டை என்றும் அழைக்கப்படுகிறது. மேலும் இங்கு மலையானது சங்கு போன்ற அமைப்பில் அமைந்துள்ளதால் இதற்கு சங்குகிரி என்ற பெயர் பெற்று நாளடையில் அது மருவி சங்ககிரி என்ற பெயர் கொண்டதாக கூறப்படுகிறது. மேலும் இப்பகுதியில் முக்கிய தொழில்களாக லாரி பட்டறைகள், விசைத்தறிகள் மற்றும் விவசாயம் நடைபெற்று வருகிறது.

அமைவிடம்

சேலம் - ஈரோடு நெடுஞ்சாலையில் அமைந்த சங்ககிரி பேரூராட்சிக்கு கிழக்கில் சேலம் 36 கிமீ; மேற்கில் ஈரோடு 22 கிமீ; வடக்கில் எடப்பாடி 15 கிமீ மற்றும் தெற்கில் திருச்செங்கோடு 12 கிமீ தொலைவில் உள்ளது. இதனருகே அமைந்த சங்ககிரி தொடருந்து நிலையம் 3 கிமீ தொலைவில் உள்ளது. இங்க வருவதற்கான வழி தமிழில் வலைத்தளத்தில் தீரன் சின்னமலை நினைவு மண்டபம் சங்ககிரி மலை கோட்டை Way to visit Place Search in Google Maps Dhreenchinnamalai Memorial place Dhreenchinnamalai Memorial Statue Sangakari HILL

பேரூராட்சியின் அமைப்பு

19.2 கிமீ பரப்பும், 18 பேரூராட்சி மன்ற உறுப்பினர்களையும், 79 தெருக்களையும் கொண்ட இப்பேரூராட்சி சங்ககிரி சட்டமன்றத் தொகுதி மற்றும் நாமக்கல் மக்களவைத் தொகுதிக்குட்பட்டதாகும்.

மக்கள் தொகை பரம்பல்

2011-ஆம் ஆண்டு மக்கள் தொகை கணக்கெடுப்பின்படி இப்பேரூராட்சி 8,122 வீடுகளும், 29,467 மக்கள்தொகையும், கொண்டது.

பொருளாதாரம்

படிமம்:Regional Transport Office - Sangagiri.jpg

வட்டாரப் போக்குவரத்து அலுவலகம்

கடந்த இருபது ஆண்டுகளுக்கு முன்பு வரை இவ்வூர் வேளாண்மையைச் சார்ந்திருந்தது. தற்பொழுது சரக்குந்து தொழிலையே நம்பி உள்ளது. பெரும்பாலும் சங்ககிரி முழுவதும் கனரக வாகனங்கள்(lorry body building)கட்டும் மனைகளே உள்ளது. சங்ககிரியை சுற்றி ஐந்துக்கும் மேற்பட்ட இரும்பு உருக்காலைகள் உள்ளன.

படிமம்:Orukkamalai 1.jpg

சங்ககிரியிலிருந்து ஐந்து கிலோமீட்டர் தொலைவிலுள்ள ஒருக்காமலை

வரலாறு

சங்ககிரி மலை கோட்டையாகும். பின்னர் சங்ககிரி மலைகோட்டை ஆங்கிலேயரின் வரிவசூல் மையமாக செயல்பட்டது. இங்குதான் தீரன் சின்னமலை ஆங்கிலேயர்களால் ஜூலை 31, 1805 அன்று தூக்கிலிடப்பட்டார்.

இந்த ஊரை அடுத்து இருந்த ஐவேலி என்னும் ஊரில் அசதி என்னும் இடையன் வாழ்ந்துவந்தான். இவன் ஔவையாருக்குப் பொற்கலத்தில் விருந்தளித்தான். இந்த அசதியைப் போற்றிப் பன்னிரண்டாம் நூற்றாண்டில் வாழ்ந்த ஔவையார் அசதிக்கோவை என்னும் நூலைப் பாடியுள்ளார்.

வெளி இணைப்புகள்

அசதிக் கோவை பாடல் 45

தமிழர்விக்கி பொதுவகத்தில் விரைவில் வரும்.,
சங்ககிரி
என்பதின் ஊடகங்கள் Wikimedia-விலும் உள்ளன.