கிருஷ்ணமூர்த்தி (நடிகர்)

கிருஷ்ணமூர்த்தி (நடிகர்)
பிறப்பு	கிருஷ்ணமூர்த்தி வார்ப்புரு:Birth based on age at death திருவண்ணாமலை, சென்னை மாநிலம் (தற்போது தமிழ்நாடு), இந்தியா
இறப்பு	7 அக்டோபர் 2019 (அகவை 55) குமுளி, கேரளம், இந்தியா
பணி	நடிகர்
செயற்பாட்டுக் காலம்	2000–2019

கிருஷ்ணமூர்த்தி (1963/1964 - 7 அக்டோபர் 2019) என்பவர் இந்திய தமிழ் திரைப்பட நகைச்சுவை நடிகர் ஆவார்.

தொழில்

கிருஷ்ணமூர்த்தி தனது சொந்த ஊரான திருவண்ணாமலையிலிருந்து திரைப்படங்களில் நடிக்கும் நோக்குடன் 1983இல் சென்னை வந்தார். ஆரம்பத்தில் நடிப்பு முயற்சிகளில் தோல்வியுற்றார். பின்னர் இவர் குழந்தை ஏசு (1984) படக் குழுவில் அலுவலக உதவியாளராக பணிக்கு சேர்ந்தார். படத் தயாரிப்பின் முடிவில், தயாரிப்பு மேலாளராக உயர்ந்தார். பின்னர் இவர் பல திரைப்படங்கள், விளம்பரங்களில் தயாரிப்புக் குழு உறுப்பினராக பணியாற்றினார். இதன் விளைவாக, ஆரம்பத்தில் மேனேஜர் கிருஷ்ணமூர்த்தி என்று படங்களில் இவரது பெயர் குறிப்பிடப்பட்டது.

தவசி (2001) திரைப்படத்தில் கிருஷ்ணமூர்த்தி நகைச்சுவை நடிகராக முன்னேற்றம் கண்டார், அதில் இவரது கதாபாத்திரம் ஒரு காட்சியில் தோன்றி வடிவேலுவின் கதாபாத்திரத்திடம் பயங்கரவாதி ஒசாமா பின்லேடனை சந்திக்க அவரது முகவரியைக் காட்டி வழிகேட்பதாக வரும். அதன் பின்னர் இவர் 2000 களில் நகைச்சுவை நடிகராக பல படங்களில் பணியாற்றினார், பெரும்பாலும் வடிவேலுவுடனான காட்சிகளில் தோன்றினார்.

பாலாவின் நான் கடவுள் (2009) படத்தில் மனித கடத்தல் குழுவில் நடுத்தர மேலாளரான முருகன் பாத்திரத்தில் நடித்ததற்காகவும், மொனகுருவில் (2011) ஊழல் நிறைந்த காவலராக நடித்தற்காக இவர் விமர்சன ரீதியான பாராட்டைப் பெற்றார். யானை மேல் குதிரை சவாரி திரைப்படத்தில் இவரது பாத்திரம் குறித்து ஒரு விமர்சகர் குறிப்பிடுகையில், "கிருஷ்ணமூர்த்தி நடித்த ஐஸ்கிரீம் விற்பனையாளர் பாத்திரமானது, அவரது நடிப்பு வாழ்க்கையின் மிகச்சிறந்த பாத்திரமாகும்" என்றார்.

இறப்பு

கேரளத்தின் குமிளியில் மாரடைப்பால் 2019 அக்டோபர் 7 ஆம் நாள் அதிகாலையில் இவர் இறந்தார். அங்கு சக்தி சிதம்பரம் இயக்கிய பீ மாமா படத்தின் படப்பிடிப்புக்காக சென்றிருந்தார். இவருக்கு மனைவியும், இரண்டு பிள்ளைகளும் இருந்தனர்.

திரைப்படவியல்

• பெண்ணின் மனதைத் தொட்டு (2000)
• தவசி (2001)
• ரோஜாக்கூட்டம் (2002)
• ராஜா (2002)
• அன்பே சிவம் (2003)
• பார்த்திபன் கனவு (2003)
• கம்பீரம் (2004)
• இங்கிலீசுக்காரன் (திரைப்படம்) (2005)
• சுதேசி (திரைப்படம்) (2006)
• திருவிளையாடல் ஆரம்பம் (2006)
• பொய் (2006)
• தீபாவளி (2007)
• மருதமலை (திரைப்படம்) (2007)
• எல்லாம் அவன் செயல் (2008)
• நான் கடவுள் (திரைப்படம்) (2009)
• விலை (2010)
• வ (2010)
• மகிழ்ச்சி (2010)
• மந்திரப் புன்னகை (2010)
• தூங்கா நகரம் (திரைப்படம்) (2011)
• அழகர்சாமியின் குதிரை (2011)
• அவன் இவன் (2011)
• வேலாயுதம் (திரைப்படம்) (2011)
• வித்தகன் (2011)
• மௌனகுரு (திரைப்படம்) (2011)
• சகுனி (தமிழ்த் திரைப்படம்) (2012)
• நான் (2012)
• மாற்றான் (திரைப்படம்) (2012)
• ஒன்பதுல குரு (திரைப்படம்) (2013)
• ஜன்னல் ஓரம் (2013)
• ஜில்லா (2014)
• தெனாலிராமன் (2014)
• சிகரம் தொடு (2014)
• திருடன் போலீஸ் (திரைப்படம்) (2014)
• காக்கா முட்டை (திரைப்படம்) (2015)
• புறம்போக்கு என்கிற பொதுவுடமை (2015)
• நையப்புடை (2016)
• என்னுள் ஆயிரம் (2016)
• யானைமேல் குதிரை சவாரி (2016)
• பிருந்தாவனம் (2017)
• குரங்கு பொம்மை (2017)
• ஸ்கெட்ச் (2018)
• கடைக்குட்டி சிங்கம் (2018)
• குடிமகன் (2019)
• கைதி (2019)
• பீ மாமா (2021)

வெளி இணைப்புகள்

• ஐ.எம்.டி.பி இணையத்தளத்தில் கிருஷ்ணமூர்த்தி