பா. விஜய்

பா. விஜய்
பா. விஜய்
பிறப்பு	பாலகிருஷ்ணன் விஜய்; அக்டோபர் 20, 1974 (அகவை 50); ஜெயங்கொண்டம், தமிழ்நாடு, இந்தியா
புனைபெயர்	வித்தகக் கவிஞர்
தொழில்	நடிகர், பாடலாசிரியர்
குடியுரிமை	இந்தியா
கல்வி	முதுகலைப் பட்டம்
கல்வி நிலையம்	அண்ணாமலைப் பல்கலைக்கழகம்
காலம்	1996 முதல் தற்போதுவரை
குறிப்பிடத்தக்க விருதுகள்	சிறந்த வசனத்திற்கான; தேசிய திரைப்பட; விருது
துணைவர்	லேனா
பிள்ளைகள்	வி.விஸ்வா, ; வி.விஸ்னா
பெற்றோர்	தந்தை : பாலகிருஷ்ணன்; தாயார் : சரஸ்வதி
இணையதளம்
	http://www.pavijay.in

பா.விஜய், தமிழ் திரைப்படப் பாடலாசிரியரும் கவிஞரும் ஆவார். 2004ஆம் ஆண்டுக்கான சிறந்த திரைப்படப் பாடலாசிரியருக்கான தேசிய விருதை தனது ஒவ்வொரு பூக்களுமே (திரைப்படம்:ஆட்டோகிராப்) என்ற பாடலுக்காக பெற்றுள்ளார்.

வாழ்க்கை குறிப்பு

கவிஞர் பா.விஜய் 1974 ஆம் ஆண்டு அக்டோபர் மாதம் 20ஆம் நாள் கோயமுத்தூரில் பிறந்தார். இவர் தந்தை வி. பாலகிருஷ்ணன் (கோவை தேசிய பஞ்சாலை நிறுவனத்தில் ஸ்பின்னிங் மாஸ்டராக பணியாற்றியவர்). தாயார் சரஸ்வதி மிகவும் கண்டிப்பான ஆசிரியர் (கோவை மாநகராட்சி பள்ளி ஆசிரியராக பணிபுரிந்துவந்தார்). இவரின் சொந்த ஊர் ஜெயங்கொண்டம் அருகில் உள்ள உட்கோட்டை ஆகும்.

இவர் 1978 முதல் 1980 வரை பாலர் பள்ளியிலும் 1980 முதல் 1985 வரை எம்.சி.ஆர்.ஆர். நாயுடு பள்ளியிலும், 1986 முதல் 1990 வரை சபர்பன் மேல்நிலைப்பள்ளியிலும் 1990 முதல் 1992 இராமலிங்கம் செட்டியார் மேல்நிலைப் பள்ளியிலும் கல்வி கற்றார். 1994 முதல் 1996 வரை அண்ணாமலைப் பல்கலைக்கழகத்தில் அஞ்சல் வழியில் பி.லிட். பட்டம் பெற்றார். 2003 முதல் 2005 வரை தமிழில் முதுகலைப் பட்டம் பெற்றார்.

இயக்குனர் கே. பாக்யராஜின் ஞானப்பழம் படத்தில் முதலில் பாடலாசிரியராக அறிமுகமானார். இதுவரை சுமார் 600 படங்களுக்கு மேல் பணியாற்றி உள்ளார். இதுவரை 2000க்கும் மேற்பட்ட பாடல்களை எழுதியுள்ளார்.

ஆட்டோகிராப் படத்துக்காக எழுதிய ஒவ்வொரு பூக்களுமே என்ற பாடலுக்காக 2004 ஆம் ஆண்டுக்கான சிறந்த பாடலாசிரியர் தேசிய விருதை பெற்றுள்ளார். முன்னாள் தமிழக முதல்வர் மு. கருணாநிதி வித்தகக் கவிஞர் என்ற பட்டம் வழங்கி பாராட்டியுள்ளார். கவிஞர் வாலி தமது கலையுலக வாரிசாக பா.விஜயை அறிவித்து பெருமையளித்துள்ளார். பாடலாசிரியராகத் திரைப்படத்துறைக்குள் நுழைந்த இவர் இரு தமிழ்த் திரைப்படங்களில் கதாநாயகனாகவும் நடித்துள்ளார்.