பதினெண்மேற்கணக்கு

தமிழகத்தில் சங்ககாலத்தில் பாண்டிய நாட்டின் தலைநகரான மதுரையில் நிலவிய கடைச்சங்க காலத்தில் இயற்றப்பட்ட நூல்களை பதினெண் மேற்கணக்கு நூல்கள் எனவும் பதினெண் கீழ்கணக்கு நூல்கள் எனவும் மொழி ஆய்வாளர்கள் பிற்காலத்தில் வகைப்படுத்தினர்.

குறைந்த அடிகளுடைய நூல்கள் கீழ்க்கணக்கு நூல்கள் என்றும் நிறைந்த அடிகளைக் கொண்டவை மேற்கணக்கு நூல்கள் எனவும் வகைபடுத்தப்பட்டன. மேற்கணக்குப் பகுப்பில் 18 நூல்களும், கீழ்க்கணக்குப் பகுப்பில் 18 நூல்களும் சேர்க்கப்பட்டுள்ளன.

பாட்டின் நீளத்தைக் கொண்டே இவ்வாறு வகைப்படுத்தினர்; பொருட்சுவையை எண்ணி அல்ல என்பதை இங்குக் கருத்தில் நிறுத்த வேண்டும்.

பதினெண் மேற்கணக்கு நூல்களை பத்துப்பாட்டு, எட்டுத்தொகை நூல்கள் என இரண்டாகப் பகுத்தனர். பத்துப்பாட்டு நூல்கள் ஒவ்வொன்றும் தனித்தனி வெவ்வேறு புலவர்களால் பாடப்பட்டவை. எட்டுத்தொகை தொகுப்பிலுள்ள ஒவ்வொரு நூலிலும் பலரது பாடல்கள் உள்ளன. இவை தொகை நூல்கள் என வழங்கப்படுகின்றன.

பண்டைய தமிழக பண்பாட்டையும் வாழ்க்கைத்தரத்தையும் பெருமையையும் காண இப்பாடல் தொகுதிகள் துணை புரிகின்றன. தமிழருக்கு அகம் எனும் காதல் ஒழுக்கமும் புறம் எனும் வீர வெளிப்பாடுகளுமே இலக்கிய நோக்காக அமைந்தமை இப்பாடல் தொகுதிகளால் தெரியவரும்.

எட்டுத்தொகை நூல்கள்

நூல்

இயற்றியவர்

பாடப்பட்டத் தலைவன்

எட்டுத்தொகை நூல்கள்
நற்றிணை	192 பெயர்கள் கிடைக்கப்பெற்றன	பலர்
குறுந்தொகை	205 புலவர்கள்	பலர்
ஐங்குறுநூறு	கபிலர்	பலர்
பதிற்றுப்பத்து	பலர்	சேரர்
பரிபாடல்	13 புலவர்கள்
கலித்தொகை	நல்லாண்டுவனார்
அகநானூறு	பலர்	பலர்
புறநானூறு	பலர்	பலர்

பத்துப்பாட்டு நூல்கள்

பத்துப்பாட்டு நூல்கள்	பாடிய புலவர்	பாட்டுடைத் தலைவன்
திருமுருகாற்றுப்படை	நக்கீரர்	முருகன்
பொருநராற்றுப்படை	முடத்தாமக்கண்ணியார்	கரிகால் வளவன்
சிறுபாணாற்றுப்படை	நற்றாத்தனார்	நல்லியக்கோடன்
பெரும்பாணாற்றுப்படை	கடியலூர் உருத்திரங்கண்ணனார்	தொண்டைமான் இளந்திரையன்
நெடுநல்வாடை	நக்கீரர்	நெடுஞ்செழியன்
குறிஞ்சிப் பாட்டு	கபிலர்	பிரகத்தனுக்கு தமிழர் கற்புநெறி பற்றி தெளிவிக்கப் பாடியது
முல்லைப்பாட்டு	நப்பூதனார்	நெடுஞ்செழியன் என்று கருதப்படுகிறது
மதுரைக் காஞ்சி	மாங்குடி மருதனார்	நெடுஞ்செழியன்
பட்டினப் பாலை	கடியலுர் உருத்திரங் கண்ணனார்	கரிகால் வளவன்
மலைபடுகடாம்	பெருங்குன்றப் பெருங்கௌசிகனார்	நவிரமலை நன்னன்

இவற்றையும் பார்க்கவும்

• தமிழ் இலக்கியம்
• சங்க இலக்கியம்

வெளியிணைப்புகள்

• மதுரைத் திட்டம் பரணிடப்பட்டது 2004-07-11 at the வந்தவழி இயந்திரம்