திருக்குறளில் மரபும் திறனும் (நூல்)

திருக்குறளில் மரபும் திறனும் என்னும் திருக்குறள் ஆய்வுநூல் கருவை பழனிசாமியால் ஆக்கப்பட்டு 2004இல் வெளியிடப்பட்டுள்ளது.

நூலின் உள்ளடக்கம்

இந்நூலில் ஆசிரியர் திருக்குறளின் எழுத்து, சொல், பொருள், யாப்பு, அணி ஆகிய ஐந்திலக்கணம் எவ்வாறு எழிலுற அமைக்கப்பட்டுள்ளது என்பதை விளக்குகிறார்.

பல தமிழ் இதழ்களில் வெளியான கட்டுரைகளைத் தொகுத்து இந்நூலில் வழங்குகிறார் ஆசிரியர். இந்நூலின் உள்ளடக்கம் கீழ்வருமாறு:

தோற்றுவாய்

மரபியல் ஆய்வு

உள்ளடக்க பகுப்பாய்வு

ஒப்பாய்வு

இவற்றுள் மரபியல் ஆய்வின் கீழ் "திருக்குறளில் கோடிகள்", "திருக்குறளில் தலைகள்", "திருக்குறளில் நோய்கள்", "திருக்குறளில் உடல் உறுப்புகள்", திருக்குறளில் இயற்கை", "திருக்குறளில் எதிர்காலவியல்", "திருக்குறளில் பெரியார் - யார்?" போன்ற சிறு கட்டுரைகள் உள்ளன.

அதுபோலவே, ஒப்பாய்வின் கீழ் "திருக்குறளும் திருவாசகமும்", "வள்ளுவர் வழியில் பாரதி" போன்ற சிறு கட்டுரைகள் உள்ளன. நூலின் இறுதியில் திருவள்ளுவமாலை பதிக்கப்பெற்றுள்ளது.