அடுத்தாத்து ஆல்பர்ட்

அடுத்தாத்து ஆல்பர்ட்
இயக்கம்	ஜி. என். இரங்கராஜன்
தயாரிப்பு	ஜி. என். இரங்கராஜன்
திரைக்கதை	ஜி. என். இரங்கராஜன்
இசை	இளையராஜா
நடிப்பு	பிரபு ஊர்வசி பூர்ணிமா பாக்கியராஜ் செந்தாமரை ஒய். ஜி. மகேந்திரன் தேங்காய் சீனிவாசன் ஐசரி வேலன் சாருஹாசன்
ஒளிப்பதிவு	டி. டி. பிரசாந்த்
படத்தொகுப்பு	கே. ஆர். இராமலிங்கம்
கலையகம்	குமரவேல் பிலிம்ஸ்
வெளியீடு	சூலை 12, 1985 (1985-07-12)
ஓட்டம்	120 நிமிடங்கள்
நாடு	இந்தியா
மொழி	தமிழ்

அடுத்தாத்து ஆல்பர்ட் (Aduthathu Albert) இயக்குநர் ஜி. என். இரங்கராஜன் இயக்கத்தில் 1985 ஆம் ஆண்டு வெளிவந்த தமிழ் நகைச்சுவைத் திரைப்படமாகும். இப்படத்தில் பிரபு, ஊர்வசி ஆகியோர் நடித்திருந்தனர். ஜி. என். இரங்கராஜன் தயாரித்த இப்படம் இளையராஜாவின் இசையில், ஜூலை 12, 1985 அன்று வெளியிடப்பட்டது.

கதை

கிறிஸ்தவ மதத்தைச் சேர்ந்த ஆல்பர்ட் ( பிரபு ) இராதா ( ஊர்வசி ) என்ற பிராமணப் பெண்ணை காரணமேயில்லாமல் வெறுக்கிறான். ஆல்பர்ட்டின் சகோதரி மேரியும் இராதாவின் சகோதரன் இராஜாவும் காதலிக்கிறார்கள். ஆல்பர்ட் பின்னர் காதலர்களுக்கு உதவ முடிவு செய்கிறான். ஆனால், குடும்பத்தின் எதிர்ப்பு காரணமாக காதலர்கள் தற்கொலை செய்து கொள்கிறார்கள். ஆல்பர்ட்டும் இராதாவும் சேர்ந்து தங்கள் குடும்பத்தினருக்கு ஒரு பாடம் கற்பிக்க தாங்களும் இறந்து விட்டதாக ஒரு நாடகம் நடத்துகிறார்கள். இறுதியில் இவர்கள் ஒருவருக்கொருவர் காதலிக்கிறார்கள்.

நடிகர்கள்

• ஆல்பர்ட்டாக பிரபு
• இராதாவாக ஊர்வசி
• கிருஷ்ணமாச்சாரியாக மேஜர் சுந்தரராஜன்
• ஆல்பர்ட்டின் தந்தையான அலெக்சாண்டராக செந்தாமரை
• பாஷாவாக ஒய். ஜி. மகேந்திரன்
• இரங்காச்சாரியாக தேங்காய் சீனிவாசன்
• சாலமன் வேடத்தில் ஐசரி வேலன்
• திருத்தந்தையாக சாருஹாசன்
• பாஞ்சாலியாக பூர்ணிமா பாக்கியராஜ்

ஒலிப்பதிவு

அடுத்தாத்து ஆல்பர்ட்
ஒலிச்சுவடு இளையராஜா
வெளியீடு	1985
ஒலிப்பதிவு	1985
இசைப் பாணி	ஒலிச்சுவடு
நீளம்	23:06
இசைத் தயாரிப்பாளர்	இளையராஜா

இப்படத்தின் இசையை இசையமைப்பாளர் இளையராஜா மேற்கொண்டார். 1985 ஆம் ஆண்டில் வெளியான இந்த ஒலிப்பதிவில், வாலி, வைரமுத்து, கங்கை அமரன், பொன்னருவி மற்றும் காதல் மதி ஆகியோரால் எழுதப்பட்ட பாடல்களுடன் 5 தடங்கள் உள்ளன.

வெளி இணைப்புகள்

• இணையதள திரைப்பட தரவுத்தளத்தில் Aduthathu Albert