திருக்களிற்றுப்படியார் உரை

12 ஆம் நூற்றாண்டில் தோன்றிய திருக்களிற்றுப்படியார் என்னும் என்னும் நூலுக்கு, 16 ஆம் நூற்றாண்டில் தோன்றிய உரைநூலே திருக்களிற்றுப்படியார் உரை என்னும் இந் நூல்.. இந்த உரையை எழுதியவர் யார் எனத் தெரியவில்லை. திருவுந்தியார் உரைநூலுக்கு உள்ள அத்துணைச் சிறப்புகளும் இந்த நூலுக்கும் உண்டு.

இதில் உள்ள செய்திகளில் சில

• ஆசிரியரின் தீட்சை இல்லாமல் ஞான்ம் வராது.
• கருவிகளினாலே சிவனைக் காணமுடியாது எனக் கண்டுகொள்க.
• ஆன்ம போதம் பெற்றவர் எந்தப் பாதத்தில் இருந்தாலும் அதுவே ஞானம் தரும் எனக் கண்டுகொள்க
• ஞானிக்கு வினை இல்லை
• பெத்தத்திலும், முத்தியிலும் ஆன்மாவுக்குச் செயல் இல்லை.
• சிவன் கிருத்தியம் பண்ணான்.

திருக்களிற்றுப்படியார் விளக்கம்

• தில்லை நடராசப் பெருமான் சிற்சபைக்கு ஏறும் படிகள் துதிக்கையை உடைய யானையின் மத்தகம் யானைத்தலை போல இருப்பதால் இந்தப் படி திருக்களிற்றுப்படி. இந்தப் படியில் ஏறும் மன-வழியை மார்க்கத்தை விளக்கும் நூல் திருக்களிற்றுப்படியார்.
• தன்மீது ஏறுவோருக்கு யானை தன் காலை மடக்கிப் படிந்து கொடுப்பது போலத் தன்னை நினைப்பவர்களுக்குச் சிவன் என்னும் களிறு படிந்துகொடுப்பதால் இது களிற்றுப்படி. களிறு இறைவன் ஆனதால் இது திருக்களிறு. 'ஆர்' நூலுக்குத் தரும் சிறப்பு விகுதி.