திருவுந்தியார் உரை

திருவுந்தியார் என்னும் சித்தாந்த நூலுக்கு நல்லதோர் உரை எழுதப்பட்டுள்ளது. உரை எழுதியவரின் பெயர் தெரியவில்லை. உரை தெளிவாகப் பொருள் உணரும் வகையிலும், ஆங்காங்கே சில இலக்கணக் குறிப்புகளுடனும் அமைந்துள்ளது. 16 ஆம் நூற்றாண்டில் தோன்றியது.

உரை தரும் தெளிவுகளில் சில

• யோகப் பயிற்சியினாலே பிராணவாயுவை உள்ளடக்கித் தன்னுடைய போதத்தை இறைவனிடத்துச் செலுத்துவதே வெற்றி. அல்லாத முயற்சிகள் இழிவு.
• இரவாகிய ஆணவமும், பகலாகிய மாயையும் இல்லாத இன்ப வெளியாகிய இறைவனிடம் அறிவால் உந்தி, பற.
• உந்தி பற என்பதற்கு இவர் கூறும் பொருள் விளக்கங்கள். (1) குற்றங்களினின்றும் உந்தி பற. (2) பற என்பது ஒருமை பன்மை மயக்கம். (3) தீமைகளெல்லாம் பறந்து போம்படி நிற்பீர்.