ஏகனாம்சா
| இந்து சமயம் தொடர்பான கட்டுரை |
| இந்து சமயம் |
|---|
 |
ஏகனாம்சா (Ekanamsha) ஓர் இந்து தெய்வம். இவர் முதன்மையாக விந்தியவாசினியாக விஷ்ணுவின் மாயை சக்தியுடன் அடையாளம் காணப்படுகிறார்.[3]
இந்தத் தெய்வம் விருஷ்ணிகளால் வழிபடப்பட்டதாக நம்பப்படுகிறது.[4] மதுரா பகுதியில் வாசுதேவ கிருஷ்ணர், பலராமர், அவர்களது சகோதரி ஏகநாம்சா ஆகியோரைச் சித்தரிக்கும் பல "உறவு மும்மூர்த்திகள்" கண்டுபிடிக்கப்பட்டுள்ளனர். இவர்கள் பொதுச் சகாப்தத்தின் ஆரம்ப நூற்றாண்டுகளைச் சேர்ந்தவர்கள்.[5] இவர் வசுதேவர், ரோகிணி தேவியின் மகளாக சுபத்ரா தெய்வமாகவும் மறு அவதாரம் எடுத்ததாக நம்பப்படுகிறது.[6]
சொற்பிறப்பியல்
சமசுகிருதத்தில், ஏகனாம்சாம் என்றால் "ஒற்றை, பகுதியற்ற ஒன்று" என்று பொருள். மேலும் இது அமாவாசையின் ஒரு பெயர்.[7] இவரது பெயரின் மற்றொரு விளக்கம் என்னவென்றால், யோகமாயா தெய்வம் விஷ்ணுவின் ஒரு பாகத்திலிருந்து (அம்ச ) பிறந்ததால் ஏகநாம்சா என்று அறியப்பட்டது.
இலக்கியம்
அரிவம்சம்
நவீன அறிஞரான எஸ். சி. முகர்ஜியின் கூற்றுப்படி, அரி வம்சத்தில், ஏகாநாம்சா விஷ்ணுவின் சக்தியாக ஏகாதசியின் தெய்வமாக அடையாளம் காணப்படுகிறார். குழந்தை கிருஷ்ணரை கம்சனிடமிருந்து பாதுகாக்க நந்தாவின் மகளாக அவதரித்தார்.[8] அரி வம்சத்தில், இவர் விஷ்ணுவின் சகோதரியாகக் குறிப்பிடப்படுகிறாள். அதனால்தான் இவளுக்கு விமலா தேவி மற்றும் யோகமாயா என்ற அடைமொழிகள் வழங்கப்படுகின்றன.
விஷ்ணுதர்மோத்தர புராணம்
விஷ்ணு தர்மோத்தர புராணம் தெய்வத்தைக் காந்தாரி (விஷ்ணுவைப் பற்றிய மாயையின் சக்தி) என்று விவரிக்கிறது. மேலும் இந்த காந்தாரி திருத்தி, கீர்த்தி, புசுதி, சரத்தா, சரசுவதி, காயத்ரி மற்றும் காலராத்திரி ஆகிய தெய்வங்களைக் குறிக்கிறது.
பிரம்மவைவர்த்த புராணம்
பிரம்ம வைவர்த்த புராணத்தின் படி, ஏகானாம்சா நந்தருக்கும் யசோதாவுக்கும் பிறந்த மகள். இவரை வாசுதேவர் அழைத்துச் சென்றார். கம்சன் அவளைக் கொல்ல முயன்றபோது, அவள் துர்கா என்ற அடைமொழியால் அழைக்கப்படும் யோகமாயா தெய்வமாக மாறினாள். மற்ற பதிப்புகளில் பெண் குழந்தை விந்திய மலைகளுக்கு எடுத்துச் செல்லப்பட்டாலும், இந்த உரையில், இவர் வசுதேவர் மற்றும் தேவகியுடன் தங்குகிறாள். பின்னர், கிருஷ்ணர் தனது மனைவியான ருக்மிணியை மணக்கும்போது, அவரைப் பாதுகாக்கவும் உதவவும் அவள் துர்வாசருடன் அனுப்பப்படுகிறாள்.
மேற்கோள்கள்
- ↑ Paul, Pran Gopal; Paul, Debjani (1989). "Brahmanical Imagery in the Kuṣāṇa Art of Mathurā: Tradition and Innovations". East and West 39 (1/4): 116–117. பன்னாட்டுத் தர தொடர் எண்:0012-8376.
- ↑ Gupta, Vinay K.. "Vrishnis in Ancient Literature and Art" (in en). Indology's Pulse Arts in Context, Doris Meth Srinivasan Festschrift Volume, Eds. Corinna Wessels Mevissen and Gerd Mevissen with Assistance of Vinay Kumar Gupta: 70–72. https://www.academia.edu/40656540.
- ↑ www.wisdomlib.org (2017-12-13). "Ekanamsha, Ekānaṃśā, Eka-anamsha: 9 definitions". www.wisdomlib.org (in ஆங்கிலம்). Retrieved 2022-09-12.
- ↑ Bhattacharji, Sukumari (2000).The Indian Theogony: Brahmā, Viṣṇu and Śiva, New Delhi: Penguin, பன்னாட்டுத் தரப்புத்தக எண் 0-14-029570-4, p.173
- ↑ Singh, Upinder (2008). A History of Ancient and Early Medieval India: From the Stone Age to the 12th Century. Delhi: Pearson Education. pp. 436–7. ISBN 978-81-317-1677-9.
- ↑ Knapp, Stephen (2005). The Heart of Hinduism: The Eastern Path to Freedom, Empowerment, and Illumination (in ஆங்கிலம்). iUniverse. p. 126. ISBN 978-0-595-35075-9.
- ↑ Hawley, John Stratton and Donna Marie Wolf (1986) (ed.) The Divine Consort: Rādhā and the Goddesses of India, Boston: Beacon Press, பன்னாட்டுத் தரப்புத்தக எண் 0-8070-1303-X, p.372
- ↑ Hudson, Dennis (1986) Piņņai, Krishna's Cowherd Wife in John Stratton Hawley and Donna Marie Wolf ed. The Divine Consort: Rādhā and the Goddesses of India, Boston: Beacon Press, பன்னாட்டுத் தரப்புத்தக எண் 0-8070-1303-X, p.256