வைதேகி கல்யாணம்
| வைதேகி கல்யாணம் | |
|---|---|
| இயக்கம் | மணிவாசகம் |
| தயாரிப்பு | ராஜேஸ்வரி மணிவாசகம் பி. எஸ். மணி |
| கதை | மணிவாசகம் |
| இசை | தேவா |
| நடிப்பு |
|
| ஒளிப்பதிவு | கே. பி. அகமத் |
| படத்தொகுப்பு | எல்.கேசவன் |
| கலையகம் | ராஜ்புஷ்பா பிக்சர்ஸ் |
| வெளியீடு | சூலை 11, 1991 |
| ஓட்டம் | 140 நிமிடங்கள் |
| நாடு | இந்தியா |
| மொழி | தமிழ் |
வைதேகி கல்யாணம் (Vaitheki kalyanam) 1991 ஆம் ஆண்டு சரத்குமார் மற்றும் ரேகா நடிப்பில், மணிவாசகம் இயக்கத்தில், தேவா இசையில் வெளியான தமிழ்த் திரைப்படம் ஆகும்.[1][2]
கதைச்சுருக்கம்
ராஜமாணிக்கம் (சரத்குமார்) கிராமத்தின் தலைவர். அவர் அந்தக் கிராம மக்களின் மரியாதைக்குரியவராக இருக்கிறார். அவருக்கு கௌரி மற்றும் வைதேகி என்ற இரு மகள்கள். கௌரியின் கணவன் மது அருந்துபவனாகவும் தன் மனைவியை அடித்துத் துன்புறுத்துபவனாகவும் இருக்கிறான். எனவே இளைய மகள் வைதேகிக்கு நல்ல மாப்பிள்ளையாகப் பார்த்துத் திருமணம் செய்துவைக்க எண்ணுகிறார் ராஜமாணிக்கம். வைதேகி கல்லூரியில் படிக்கிறாள். கல்யாணமும் (ராமர்ஜூன்) வைதேகியும் காதலர்கள். ராஜமாணிக்கத்திடம் வேலை செய்யும் சின்னசாமியின் (டெல்லி கணேஷ்) மகன்தான் கல்யாணம் . அந்தக் கிராமத்திற்கு புதிதாக வரும் மருத்துவர் கிருஷ்ணமூர்த்திக்கு (இளவரசன்) மருத்துவமனை அமைத்துக்கொள்ள இடம் தருகிறார் ராஜமாணிக்கம். வைதேகியோடு ஊரைவிட்டுச் சென்று திருமணம் செய்ய நினைக்கிறான் கல்யாணம். கணவனை இழந்து தன் மகனுடன் வசிக்கும் பள்ளி ஆசிரியை வசந்தி (ரேகா) கல்யாணத்திடம் வைதேகியை ராஜமாணிக்கத்தின் சம்மதத்தோடு திருமணம் செய்துகொள்ளுமாறு அறிவுரை கூறுகிறாள்.
கடந்த காலக் கதை: ராஜமாணிக்கம் ஒரு நிறுவனத்தில் மேலாளாராக பணிபுரிகிறார். திருமணமான ராஜமாணிக்கத்தை வசந்தி நேசிக்கிறாள். அவள் காதலை ஏற்கமறுக்கும் ராஜமாணிக்கத்திடம் அவரையே திருமணம் செய்துகாட்டுவதாக சவால் விடுகிறாள். ஒருநாள் விபத்தில் சிக்கும் வசந்தியை மருத்துவமனையில் சேர்த்துக் காப்பாற்றுகிறார் ராஜமாணிக்கம். அவரின் நல்லகுணத்தைப் புரிந்துகொள்கிறாள் வசந்தி. வைதேகிக்கு அவளே ஆசிரியையாக இருந்து கற்பிக்கிறாள்.
ராஜமாணிக்கம் தன் மகள் வைதேகிக்கும் மருத்துவர் கிருஷ்ணமூர்த்திக்கும் திருமணம் செய்ய முடிவெடுக்கிறார். கிருஷ்ணமூர்த்தி பெண்களிடம் தவறாக நடக்கக்கூடியவன். வைதேகி யாரைத் திருமணம் செய்தாள்? என்பது மீதிக்கதை.
நடிகர்கள்
- சரத்குமார் - ராஜமாணிக்கம்
- ரேகா - வசந்தி
- ராமர்ஜூன் - கல்யாணம் (கல்யாணசுந்தரம்)
- உத்ரா - வைதேகி
- டெல்லி கணேஷ் - சின்னசாமி
- கவுண்டமணி - பச்சமுத்து
- செந்தில் - தங்கமுத்து
- இளவரசன் - கிருஷ்ணமூர்த்தி
- கவிதா
- கலைச்செல்வன்
- பத்மா
- கங்கா
- சித்திரகுப்தன் - தங்கமுத்துவின் மகன்
- மாஸ்டர் ரமேஷ் - பிரபு
- பசி நாராயணன் - கந்தசாமி
- கருப்பு சுப்பையா - பழனிச்சாமி
- திடீர் கண்ணையா - பூபதி
- திருப்பூர் ராமசாமி - ராமசாமி
- கிருஷ்ணமூர்த்தி
இசை
படத்தின் இசையமைப்பாளர் தேவா. பாடலாசிரியர் காளிதாசன்.[3][4]
| வ.எண் | பாடல் | பாடகர்கள் | காலநீளம் |
|---|---|---|---|
| 1 | சூட்டுதான் சூட்டுதான் | எஸ். பி. பாலசுப்ரமணியன், சித்ரா | 4:31 |
| 2 | மத்தளம் தட்டுங்கடி | மலேசியா வாசுதேவன், சித்ரா | 4:10 |
| 3 | கல்யாணம் கல்யாணம் | சுனந்தா | 4:18 |
| 4 | தேன் தூவும் வசந்தம் | மனோ, சித்ரா | 4:45 |
| 5 | பாஞ்சாலி கிளியே | கங்கைஅமரன் | 4:40 |
மேற்கோள்கள்
- ↑ "வைதேகி கல்யாணம்". http://spicyonion.com/movie/vaidegi-kalyanam/.
- ↑ "வைதேகி கல்யாணம்". http://cinesouth.com/cgi-bin/filmography/newfilmdb.cgi?name=vaidehi%20kalyanam.[தொடர்பிழந்த இணைப்பு]
- ↑ "பாடல்கள்" இம் மூலத்தில் இருந்து 2015-04-08 அன்று. பரணிடப்பட்டது.. https://web.archive.org/web/20150408204608/http://mio.to/album/Vaidhegi+Kalyaanam+(1991).
- ↑ "பாடல்கள்". http://play.raaga.com/tamil/album/Vaidhegi-Kalyaanam-songs-T0003958.