ஜித்தன் ரமேஷ்
| ரமேஷ் சௌத்ரி | |
|---|---|
| பிறப்பு | ரமேஷ் சௌத்ரி 23 அக்டோபர் 1982 சென்னை, தமிழ்நாடு |
| மற்ற பெயர்கள் | ஜித்தன் |
| பணி | நடிகர், தயாரிப்பாளர் |
| செயற்பாட்டுக் காலம் | 2005-தற்போது |
| வாழ்க்கைத் துணை | சில்பா சௌத்ரி |
| உறவினர்கள் | ஆர். பி. சௌத்ரி (தந்தை) ஜீவா (தம்பி) |
ஜித்தன் ரமேஷ் என்று அழைக்கப்படும் ரமேஷ் சௌத்ரி (23 அக்டோபர் 1982) என்பவர் தமிழ்நாட்டை சேர்ந்த திரைப்பட நடிகர் மற்றும் தயாரிப்பாளர் ஆவார். இவர் 2005 ஆம் ஆண்டு முதல் தமிழ்த் திரைப்படத்துறை மற்றும் தெலுங்கு திரைப்படத்துறைகளில் பணியாற்றி வருகின்றார். இவர் பிரபல தயாரிப்பாளரான ஆர். பி. சௌத்ரியின் மகனும், நடிகர் ஜீவாவின் அண்ணனும் ஆவார். இவர் 2006 ஆம் ஆண்டு வெளியான ஜித்தன் என்ற படத்தில் நாயகனாக நடித்தார். பின்னர் 2011 ஆம் ஆண்டு வெளியான வானம் திரைப்படத்தின் மூலம் தயாரிப்பாளரானார்.
தனிப்பட்ட வாழ்க்கை
இவர் பிரபல தயாரிப்பாளரான ஆர். பி. சௌத்ரியின் மகனும், நடிகர் ஜீவாவின் அண்ணனும் ஆவார்.[1] இவரது தந்தை ஆர். பி. சௌத்ரி என்பவர் மார்வாரி மொழி பேசும் ராஜஸ்தானி குடும்பத்தை சேர்ந்தவர். சௌத்ரி சென்னையில் பிறந்த மார்வாரி பாரம்பரியத்தைச் சேர்ந்த இந்து ஆவார். இவரது தாய் 'மஹாபீன்' சென்னையைச் சேர்ந்த ஒரு தமிழ் முஸ்லீம் ஆவார். அவரது தாயார் ஒரு முஸ்லீம் என்றாலும், ரமேஷ் தனது உடன்பிறப்புகளுடன் இந்து மதத்தை பின்பற்றுகிறார்.
இவர் சென்னை ராயப்பேட்டையில் உள்ள கில் ஆதர்ஷ் மெட்ரிகுலேஷன் மேல்நிலைப்பள்ளியில் கல்வி பயின்றார். பிறகு தனது வணிக நிர்வாக பட்டத்தை டி.ஜி. வைஷ்ணவ் கல்லூரியில் பெற்றார். பிப்ரவரி 2006 இல் ஷில்பா என்பவர் திருமணம் முடித்து 2007 ஆம் ஆண்டு இருவருக்கும் தோஷ்னா என்ற மகள் பிறந்தது.[2]
திரைப்படம்
நடிகராக
| ஆண்டு | படம் | கதாப்பாத்திரம் | குறிப்பு |
|---|---|---|---|
| 2004 | வித்யாரத்தி | தெலுங்கு | |
| 2005 | ஜித்தன் | ரமேஷ் | |
| 2006 | மது | மதுகிருஷ்ணன் | |
| ஜெர்ரி | ஜெயராம் (ஜெர்ரி) | ||
| நீ வேணும்டா செல்லம் | கண்ணா | ||
| 2007 | மதுரை வீரன் | சிவா | |
| புலி வருது | ரமேஷ் | ||
| 2011 | பிள்ளையார் தெரு கடைசி வீடு | கணேஷ் | |
| ஒஸ்தி | பாலன் | ||
| 2012 | ஒரு நடிகையின் வாக்குமூலம் | கௌரவ தோற்றம் | |
| 2014 | ஜில்லா | ||
| டே நைட் கேம் | மலையாளம் | ||
| 2016 | ஜித்தன் 2 | ரமேஷ் | |
| 2019 | ஒக்கடே லைப் | ராம் | தெலுங்கு |
| உங்களை போடணும் சார் | டேவிட் | ||
| 2020 | நிரீக்ஷனா |
தொலைக்காட்சி
| ஆண்டு | நிகழ்ச்சி | கதாப்பாத்திரம் | அலைவரிசை | குறிப்புகள் |
|---|---|---|---|---|
| 2020 - ஒளிபரப்பில் | பிக் பாஸ் தமிழ் 4 | போட்டியாளராக | விஜய் தொலைக்காட்சி |
மேற்கோள்கள்
- ↑ "Jithan's hero". 6 May 2005. https://www.thehindu.com/todays-paper/tp-features/tp-fridayreview/jithans-hero/article28582558.ece.
- ↑ Actor to enter wedlock – Tamil Movie News பரணிடப்பட்டது 14 அக்டோபர் 2008 at the வந்தவழி இயந்திரம். Indiaglitz.com (2006-02-02). Retrieved on 2015-12-09.