காஞ்சிபுரம் வாலீசுவரர் கோயில்
| காஞ்சிபுரம் வாலீசம். | |
|---|---|
| பெயர் | |
| பெயர்: | காஞ்சிபுரம் வாலீசம். |
| அமைவிடம் | |
| ஊர்: | காஞ்சிபுரம் |
| மாவட்டம்: | காஞ்சிபுரம் |
| மாநிலம்: | தமிழ்நாடு |
| நாடு: |  இந்தியா |
| கோயில் தகவல்கள் | |
| மூலவர்: | வாலீஸ்வரர். |
காஞ்சிபுரம் வாலீசுவரர் கோயில் (வாலீசம்) எனப்படும் இது, காஞ்சிபுரத்திலுள்ள சிவக்கோயில்களில் ஒன்றாகும். இச்சிவலிங்கம், காஞ்சி திருவேகம்பத்தின் மூன்றாம் பிரகாரத்தில் கச்சிமயானத்திற்கு கீழ்பால் மேற்கு பார்த்த சன்னதியாக தாபிக்கப்பட்டுள்ளது. மேலும், இவ்விறைவரை வாலி வழிபட்டமையால் வாலீசம் எனப்பட்ட இக்கோயில் குறிப்புகள் காஞ்சி புராண படலத்துள் உட்கோயில்களாகச் சொல்லப்பட்டுள்ளன.[1]
தல சிறப்பு
தேவேந்திரனின் மகனாகிய வாலி தன்னை யுத்தத்தில் யாவர் எதிர்ப்பினும் அவரது பலத்தில் தனக்கு பாதியும், தோல்வியில்லாத வெற்றியும் வரவேண்டும் என்று பூசித்தனன். அச்சுயம்புமூர்த்தி வாலியின் வால் தழும்பும் பெற்றுள்ளார்.[2]
தல வரலாறு
இச்சிவலிங்கத்தை சித்தர்கள் வழிபட, அதனின்றும் வாயு லிங்கம் தோன்றியது. இம்மூர்த்தத்தை வாலியும் வழிபட்டு, தான் வானரங்களுக்கு அரசனாகும் தன்மையையும், தன்னை எதிர்ப்போரின் பலத்தில், தனக்குப் பாதியைப் பெறும் வரத்தினையும் பெற்றுச் சிறப்புற்றான் என்பது தல வரலாறு.[3]
தல விளக்கம்
வாலீசம் வாலி பூசித்துப் போரில் எதிர்த்தவர் வலியில் செம்பாதி தன்னையடையப் பெற்றதலம். கச்சி மயானத்திற்குக் கிழக்கதாய் மேற்கு நோக்கியதாய்ச் சித்தர்கள் வழிபடத்தோன்றிய வாயுலிங்கமே அவ்வாலீசமாகும். வாலி இருக்கைக்குக் கொண்டு செல்லப் பெயராது வால் அற்று விழ அதன் வடுப்பெற்று இக்காஞ்சியை விட்டென்றும் நீங்கோரானப் பெருமான் அருளும் சிறப்பினது. (திருவே. 103-120)[4]
தல பதிகம்
- பாடல்கள்: வாலீச்சரம் (திருவேகம்பப் படலம்: 103 முதல் - 109 முடிய)--காஞ்சிப் புராணம் | பாடல்: 103-109 | பக்கம்: 587 - 591
- பொழிப்புரைகள்: (திருவேகம்பப் படலம்: 103 முதல் - 109 முடிய)[5]
அமைவிடம்
இந்தியாவின் தென்கடை மாநிலம் தமிழ்நாட்டிலுள்ள காஞ்சிபுரம் மாவட்டத்தின் தலைநகரான பெரிய காஞ்சிபுரம் எனப்படும் சிவகாஞ்சியில் உள்ள திருவேகம்பத்தில் வெளியேயுள்ள பெரிய நந்திக்கு பின்புறம் அமைந்த தனிக்கோயிலாகும். மேலும், தமிழ்நாட்டின் தலைநகர் சென்னையிலிருந்து 75 கிலோமீட்டர் தொலைவிலுள்ள, காஞ்சிபுரம் பேருந்து நிலையத்திலிருந்து வடமேற்கில் ½ மைல் தூரமுள்ள காஞ்சி சங்கர மடத்தை கடந்து சற்று தூரம் சென்றால் திருவேகம்பத்தில் இக்கோயில் தாபிக்கப்பட்டுள்ளது.[6]
போக்குவரத்து
- வான்வழி:' வானூர்தி சேவை இல்லை; உலங்கு வானூர்தி மூலம் காஞ்சிபுரம் வந்தடைய, காஞ்சியிலிருந்து 3 கிலோமீட்டர் தொலைவிலுள்ள ஏனாத்தூர் ஸ்ரீ சங்கரா கலை மற்றும் அறிவியல் கல்லூரியின் அகத்திலுள்ள உலங்கூர்தி இறங்குதளத்தில் இறங்கி சீருந்து மூலம் இக்கோயிலை அடையலாம்.
- இரும்புத் தடம்: தொடருந்து மூலாமாக; தலைநகர் சென்னையிலிருந்து செங்கல்பட்டு மார்க்கமாகவும், திருப்பதியிலிருந்து அரக்கோணம் மார்க்கமாகவும், காஞ்சி தொடருந்து நிலையத்தை அடைந்து அங்கிருந்து 1 கிலோமீட்டர் தொலைவிலுள்ள இக்கோயிலை, சீருந்து மூலமாகவும், தானியுந்து மூலமாகவும் சென்றடையலாம்.
- சாலை வழி: பேருந்திலோ, அல்லது சீருந்துலோ, காஞ்சி வந்தடைய நான்கு திசையில் சாலை வழியுள்ளன; வடகிழக்கில், சென்னையிலிருந்து திருப்பெரும்புதூர் வழியாகவும் (75 கிலோமீட்டர்); தென்கிழக்கில், செங்கல்பட்டிலிருந்து வாலாசாபாத் வழியாகவும் (40 கிலோமீட்டர்); வடமேற்கில், விழுப்புரத்திலிருந்து வந்தவாசி வழியாகவும் (80 கிலோமீட்டர்); தென்மேற்கில், பெங்களுரிலிருந்து வேலூர் வழியாகவும் (275 கிலோமீட்டர்) இக்கோயில் நகரை வந்தடையலாம்.[7]
மேற்கோள்கள்
- ↑ projectmadurai.org | காஞ்சிப் புராணம் | 60. திருேவகம்பப்படலம் (1902-2022) | 2004 வாலீச்சரம்
- ↑ "palsuvai.ne | காஞ்சிபுர சிவலிங்கங்கள்". Archived from the original on 2016-06-29. பார்க்கப்பட்ட நாள் 2016-04-12.
- ↑ "shaivam.org | வாலீசம்". Archived from the original on 2015-06-03. பார்க்கப்பட்ட நாள் 2016-04-12.
- ↑ tamilvu.org | காஞ்சிப் புராணம் | திருத்தல விளக்கம் | பக்கம்: 832.
- ↑ tamilvu.org | காஞ்சிப் புராணம் | திருவேகம்பப் படலம் | பாடல்: 103-109 | பக்கம்: 587 - 591
- ↑ dinaithal.com | வாலீசம்.
- ↑ tripadvisor.in 15 temples in Kanchipuram
