பாலி மொழி

பாலி மொழி
	Balinese Language ; Bhāṣa Bali ; Basä bali ; ᬪᬵᬱᬩᬮᬶ / ᬩᬲᬩᬮᬶ
நாடு(கள்)	இந்தோனேசியா
பிராந்தியம்	பாலி, நுசா பெனிடா லொம்போக்
இனம்	பாலி மக்கள்; பாலி அகா; நாக் நுஸ்; லோலோவான் மலாய்;
தாய் மொழியாகப் பேசுபவர்கள்	தெரியவில்லை (3.3 மில்லியன் காட்டடப்பட்டது: 2000)
மொழிக் குடும்பம்	ஆஸ்திரோனீசிய மலாய-பொலினீசியம் மலாயோ-சும்பாவான் பாலி–சாசாக்–சும்பாவா பாலி மொழி; ; ; ;
ஆரம்ப வடிவம்	பழைய பாலினியம் பாலி மொழி;
பேச்சு வழக்கு	மேட்டு நில பாலி மொழி; தாழ்நில பாலி மொழி; நுசா பெனிடா பாலி மொழி
எழுத்துமுறை	இலத்தீன் எழுத்துகள்; பாலினிய எழுத்து
அலுவலக நிலை
Regulated by	பாலினிய மொழி, எழுத்து மற்றும் இலக்கிய நிறுவனம்
மொழிக் குறியீடுகள்
ISO 639-2	ban
ISO 639-3	ban
மொழிக் குறிப்பு	bali1278
	பாலியம் பெரும்பான்மை மொழி; முதன்மை மொழி பாலியம் இரண்டாம் மொழி பாலியம் சிறுபான்மை மொழி

பாலி மொழி அல்லது பாலியம் (ஆங்கிலம்: Balinese Language; இந்தோனேசியம்: Bhāṣa Bali; பாலியம்: ᬪᬵᬱᬩᬮᬶ) என்பது ஆஸ்திரோனீசிய மொழிகள் மொழிக் குடும்பத்தின், மலாய-பொலினீசிய மொழிகள்; மலாயோ-சும்பாவான் மொழிகள் (Malayo-Sumbawan languages); பாலி–சாசாக்–சும்பாவா எனும் 3 துணைக் குடும்பங்களைச் சார்ந்த ஒரு மொழியாகும்.^[4]

பாலி, நுசா பெனிடா, மேற்கு லொம்போக், தெற்கு சுமாத்திரா, சுலாவெசி ஆகிய பகுதிகளில் வசிக்கும் மக்களால் பாலி மொழி பேசப்படுகிறது. பாலி மொழி பேசும் பெரும்பான்மை மக்கள் இந்தோனேசிய மொழியையும் பயன்படுத்துகின்றனர்.^[5]

2000-ஆம் ஆண்டு தேசிய மக்கள் தொகை கணக்கெடுப்பில் பாலி மொழி பேசுபவர்களின் எண்ணிக்கை 3.3 மில்லியன் என அறியப்படுகிறது.

பொது

இருப்பினும், பாலி பண்பாட்டு நிறுவனம் 2011-ஆம் ஆண்டில் 1 மில்லியனுக்கும் குறைவானவர்கள், பாலி மொழியைத் தங்களின் அன்றாடப் பேச்சு வழக்கில் பயன்படுத்துவதாக மதிப்பிட்டுள்ளது. அதே வேளையில், குளோட்டோலாக் (Glottolog) என்பவரால் இந்த மொழி "ஆபத்தான நிலையில் இல்லை" என்றும் வகைப்படுத்தப்பட்டுள்ளது.^[6]

வகைப்பாடு

பாலி மொழி என்பது மலாய-பொலினீசிய (Malayo-Polynesian languages) குடும்பத்தைச் சேர்ந்த ஒரு ஆஸ்திரோனேசிய மொழியாகும் (Austronesian languages). இது பாலி–சசாக்–சும்பாவா துணைக்குழுவின் (Bali–Sasak–Sumbawa languages) ஒரு பகுதியாகும். [6] உள்நாட்டில், பாலி மொழி என்பது மேட்டு நில பாலி மொழி, தாழ்நில பாலி மொழி மற்றும் நுசா பெனிடா பாலி மொழி என மூன்று தனித்துவமான வகைகளைக் கொண்டுள்ளது.^[7]

2000-ஆம் ஆண்டு மக்கள் தொகை கணக்கெடுப்பின்படி, இந்தோனேசியாவில் பாலி மொழி 3.3 மில்லியன் மக்களால் பேசப்படுகிறது; முக்கியமாக பாலி தீவு மற்றும் அதைச் சுற்றியுள்ள பகுதிகளில் அதிகமாகப் பேசப்படுகிறது

பயன்பாடு

பாலி மொழி பேச்சுவழக்கு

2011-ஆம் ஆண்டில், பாலி பண்பாட்டு நிறுவனம் (Bali Cultural Agency), பாலி தீவில் தங்கள் அன்றாட வாழ்க்கையில் பாலி மொழியைப் பயன்படுத்துபவர்களின் எண்ணிக்கை 1 மில்லியனைத் தாண்டவில்லை என்று மதிப்பிட்டுள்ளது. ஏனெனில் நகர்ப் புறங்களில் வாழும் பாலி பெற்றோர், இந்தோனேசிய மொழி அல்லது ஆங்கில மொழியை மட்டுமே முதல் மொழியாகத் தங்களின் பிள்ளைகளுக்கு அறிமுகப் படுத்துகிறார்கள்.

அதே வேளையில் இந்தோனேசிய நிறுவனங்கள்; மற்றும் பொது ஊடகங்களில், பாலி மொழி சார்ந்த அன்றாட உரையாடல்கள் மறைந்துவிட்டன. அந்த வகையில், பாலி மொழியின் எழுத்து வடிவத்திற்குப் பெரிய அளவில் அறிமுகம் கிடைக்கவில்லை; மற்றும் பாலி மக்களில் பெரும்பாலோர் பாலி மொழியை வாய்வழித் தொடர்புகளுக்காக மட்டுமே பயன்படுத்தி வருகின்றனர். அந்த வகையில் பாலி மொழியின் எழுத்து முறை பெரிதும் குறைந்துவிட்டது.