கலாட்டா கணபதி
கலாட்டா கணபதி (Galatta Ganapathy) 2003 இல் வெளியான தமிழ் நகைச்சுவைத் திரைப்படம் ஆகும். கார்த்திக் குமார் இதனை இயக்கியுள்ளார். இப்படத்தில் பாண்டியராஜன் மற்றும் சங்கவி ஆகியோர் முன்னணி கதாப்பாத்திரத்தில் தோன்றியிருந்தனர். இவர்களுடன் வெண்ணிற ஆடை மூர்த்தி, வினு சக்ரவர்த்தி, வடிவுக்கரசி, சிட்டி பாபு, சேது வினாயகம், கீர்த்தனா, பாண்டு மற்றும் மகாநதி சங்கர் போன்றோரும் நடித்திருந்தனர். ஆர். ராதாகிருஷ்ணன் இதை தயாரித்திருந்தார். சௌந்தர்யன் இசையமைத்த இத்திரைபடம் 2003 செப்டம்பர் 26 அன்று வெளிவந்தது.[1][2]
| கலாட்டா கணபதி | |
|---|---|
| இயக்கம் | கார்த்திக் குமார் |
| தயாரிப்பு | ஆர். ராதாகிருஷ்ணன் |
| கதை | ராம் செல்வா (வசனம்) |
| திரைக்கதை | கார்த்திக் குமார் |
| இசை | சௌந்தர்யன் |
| நடிப்பு | பாண்டியராஜன் சங்கவி |
| ஒளிப்பதிவு | ரவிசுந்தரம் |
| படத்தொகுப்பு | மஹாவிஷ்ணு மழைதாசன் |
| கலையகம் | மாருதி பிலிம்ஸ் |
| வெளியீடு | செப்டம்பர் 26, 2003 |
| ஓட்டம் | 140 நிமிடங்கள் |
| நாடு | இந்தியா |
| மொழி | தமிழ் |
கதைச் சுருக்கம்
கணபதி (பாண்டியராஜன்) மற்றும் வீரப்பன் (சிட்டி பாபு) இருவரும் ஒரு கிராமத்து காவல் நிலையத்தில் காவலர்களாக பணிபுரிகின்றனர். வீரப்பனுக்கு, முத்துலட்சுமி (லேகாஸ்ரீ) என்ற பேராசை கொண்ட மனைவி இருக்கிறாள். கணபதிக்கு திருமணம் ஆகவில்லை. அவனது தாயார் பேராசை கொண்ட அன்னபூரணி (வடிவுக்கரசி) தனது சகோதரனின் வீடுகளை வாடகைக்கு விட்டு வருமானம் பெற்று வருகிறார்., அவரது கணவர் சுந்தரம் (வெண்ணிற ஆடை மூர்த்தி) வேறு சில வேலைகளை செய்து வருமானம் ஈட்டி வருகிறார், அவரால் மூத்த மகன் ஜெகன் (ஜெகன்) அவரது மனைவியிடமிருந்து பிரிந்து வாழ்கிறார். கணபதி தனது முழு சம்பளத்தையும் அவரது தாயாரிடம் அளித்து விடுகிறார். அவர் எல்லோருடைய வாழ்க்கையையும் நரகத்தை போல ஆக்குகிறார்.
கணபதி கிராமத்திற்கு புதிதாய் வரும் நந்தினி (சங்கவி) என்ற பெண்ணை காதலித்து திருமணம் செய்து கொள்ள விரும்புகிறார். கணபதியின் தாயார் இத்திருமணத்திற்கு வரதட்சணை கேட்கிறார். நந்தினி அப்பணத்தை அளிக்கிறார். மறுநாள். நந்தினி அந்த ஊர் காவல் நிலையத்தின் அதிகாரியாக பொறுப்பேற்பது அனைவருக்கும் ஆச்சரியத்தை அளிக்கிறது. நந்தினி வரதட்சணை தடுப்புச் சட்டத்தில் அன்னபூரணி மேல் வழக்கு தொடுக்கிறார். இதற்கிடையில் நடக்கும் பல சம்பவங்களுக்குப் பிறகு அன்னபூரணி தனது தவறுகளை உணர்கிறார். ஜெகன் தனது மனைவியுடன் மீண்டும் இணைகிறார், அபி தனது காதலனுடன் இணைகிறார். நந்தினிக்கும் ,கணபதிக்கும் திருமணத்தை அன்னபூரணி நடத்தி வைக்கிறார்.
நடிப்பு
- பாண்டியராஜன் - கணபதி
- சங்கவி - நந்தினி
- வெண்ணிற ஆடை மூர்த்தி - சுந்தரம்
- வினு சக்ரவர்த்தி - பழனி
- வடிவுக்கரசி - அன்னபூரணி
- சிட்டிபாபு - வீரப்பன்
- சேது விநாயகம் - அன்னபூரணியின் சகோதரர்
- கீர்த்தன - ஜெகன் மனைவி
- பாண்டு - முத்துராமலிங்கம்
- மகாநதி சங்கர் - பெரியவர்
- செம்புலி ஜெகன் _ ஏகாம்பரம்
- போண்டா மணி - சுந்தர்ராஜ்
- கோஸ்ரீ - முத்துலட்சுமி
- ஜெகன் - ஜெகன்
- ராஜா - ராஜா
- சுஜிபாலா - அபி
- வெள்ளை சுப்பையா
- தாதாமுத்துகுமார் - கடத்தல்காரன்
- சிவராம் காந்தி
- பெஞ்சமின்
- விஜய்கணேஷ்
- ஜுனியர் சில்க் சிறப்புத் தோற்றம்
தயாரிப்பு
வெண்ணிற ஆடை மூர்த்தி, சிட்டிபாபு மற்றும் பாண்டு போன்றோர் நகைச்சுவை பகுதியை பாண்டியராஜனுடன் இணைந்து நடித்திருந்தனர். அன்புத் தொல்லை படத்தில் தன்னுடன் நடித்திருந்த நடிகை ரவாலியை இப்படத்தில் தனக்கு ஜோடியாக நடிக்க வைக்க பாண்டியராஜன் திட்டமிட்டிருந்தார். ஆனால் இயக்குநர் பெண் கதாபாத்திரத்தில் சங்கவியை நடிக்க வைத்தார்.[3]
ஒலித்தொகுப்பு
| Galatta Ganapathy | |
|---|---|
| soundtrack
| |
| வெளியீடு | 2003 |
| ஒலிப்பதிவு | 2003 |
| இசைப் பாணி | Feature film soundtrack |
| நீளம் | 22:07 |
| இசைத் தயாரிப்பாளர் | Soundaryan |
பிறைசூடன் (கவிஞர்) , முத்து விஜயன் மற்றும் இளைய கம்பன் ஆகியோர் பாடல்களை எழுத இதன் இசையை செளந்தர்யன் மேற்கொள்ள 2003இல் வெளிவந்தது.[4][5][6]
| எண் | பாடல் | பாடியோர் | காலம் |
|---|---|---|---|
| 1 | 'கண்ணிமைக்கும் நேரத்திலே' | கிருஷ்ணராஜ் | 4:29 |
| 2 | 'விக்கல் எடுத்துக்கிச்சுடா' | ஸ்ரீராம் பார்த்தசாரதி, பாப் ஷாலினி | 4:16 |
| 3 | 'பாண்டிச்சேரி' | அனுராதா ஸ்ரீராம் | 4:32 |
| 4 | 'அம்மா அப்பா விளையாட்டு' | பிரசன்னா ராவ், ஸ்ரீவர்தினி | 4:46 |
| 5 | 'நீலாங்கரை அஞ்சல' | மாணிக்க விநாயகம், ஸ்ரீவர்தினி | 4:04 |
மேற்கோள்கள்
- ↑ "Galatta Ganapathy on KTV". தி டைம்ஸ் ஆஃப் இந்தியா. https://timesofindia.indiatimes.com/tv/programmes/galatta-ganapathy/params/tvprogramme/programmeid-30000000549671494/channelid-10000000013470000/starttime-201804060700. பார்த்த நாள்: 14 May 2018.
- ↑ "Galatta Ganapathy Tamil Movie". woodsdeck.com. http://www.woodsdeck.com/movies/3584-galatta-ganapathy-2003. பார்த்த நாள்: 14 May 2018.
- ↑ "Sanghavi to pair with Pandiarajan in Galatta Ganapathi" (in Tamil). filmibeat.com. 5 February 2004. https://tamil.filmibeat.com/heroines/sangavi1.html. பார்த்த நாள்: 14 May 2018.
- ↑ "Galatta Ganapathi (2003) - Soundaryan". mio.to இம் மூலத்தில் இருந்து 10 ஜூன் 2016 அன்று. பரணிடப்பட்டது.. https://web.archive.org/web/20160610024716/http://mio.to/album/Galatta+Ganapathi+%282003%29. பார்த்த நாள்: 14 May 2018.
- ↑ "Galatta Ganapathi (Original Motion Picture Soundtrack) - EP by Soundaryan". itunes.apple.com. https://itunes.apple.com/in/album/galatta-ganapathi-original-motion-picture-soundtrack-ep/1339012431. பார்த்த நாள்: 14 May 2018.
- ↑ "Galatta Ganapathi songs". saavn.com. https://www.saavn.com/s/album/tamil/Galatta-Ganapathi-2003/fmF6I4P,Ybo_. பார்த்த நாள்: 14 May 2018.