கம்பளை

கம்பளை
மாகாணம்  - மாவட்டம்	மத்திய மாகாணம்  - கண்டி
- கடல் மட்டத்திலிருந்து உயரம்	- 567 மீட்டர்
கால வலயம்	இ.சீ.நே (ஒ.ச.நே + 05:30)
மக்கள் தொகை (2001)  - நகரம் (2001)	86136  - 24283
குறியீடுகள்  - அஞ்சல்  - தொலைபேசி  - வாகனம்	- 20500  - +  - CP

கம்பளை
ஆள்கூறுகள்: 7°9′52.92″N 80°34′36.12″E

கம்பளை இலங்கையின் மத்திய மாகாணத்தின் கண்டி மாவட்டத்தில் அமைந்துள்ள ஒரு நகரசபை ஆகும். கம்பளை நகரச் சூழவுள்ள கிராமிய மற்றும் தோட்டப்புறப் பகுதிகள் உடாபலாத்தை பிரதேச சபையால் ஆட்சி செய்யப்படுகிறது. நகரசபை மற்றும் பிரதேசபை என்பன கூட்டாக உடாபலாத்தை பிரதேச செயலர் நிர்வாகப் பிரிவில் அடங்குகின்றன. இது மாவட்டத் தலைநகரான கண்டி நகரத்தில் இருந்து தெற்குத் திசையில் சுமார் 20 கி.மீ. தொலைவில் அமைந்துள்ளது. இலங்கையின் நீளமான ஆறான மகாவலி கங்கை இந்நகரின் உடாகப் பாய்கிறது. இலங்கையின் பண்டைய இராசதானிகளில் ஒன்றான கம்பளை இராசதானி இந்நகரை மையமாகக் கொண்டே அமைக்கப்பட்டிருந்தது.

புவியியலும் காலநிலையும்

கம்பளை மத்திய மலைநாடு என அழைக்கப்படும் இலங்கையின் புவியியல் பிரிவில் அமைந்துள்ளது. கடல் மட்டத்துக்கு மேல் சுமார் 567 மீற்றர் உயரத்தில் காணப்படுகிறது. இங்கு வருடாந்த சராசரி வெப்பநிலை 23 பாகை செல்சியஸ் ஆகும். பெரும்பாலான மழைவீழ்ச்சி தென்மேற்கு பருவக்காற்று மூலம் கிடைக்கிறது. 3000-3500 மி.மீ. வருடாந்த சராசரி மழைவீழ்ச்சியை பெறுகின்றது.

மக்கள்

இது சிங்களவரை பெரும்பான்மையாக கொண்ட ஒரு நகரசபை ஆகும். இங்குள்ள மக்களில் பெரும்பானமையினர் பௌத்த மதத்தைச் சேர்ந்தவராவர். 2001 இலங்கை அரசின் மக்கள் தொகை கணிப்பீட்டில மக்களின அடிப்படையிலான மக்கள் தொகைப் பரம்பல் பின்வருமாறு:

பிரிவு	மொத்தம்	சிங்களவர்	இலங்கைத் தமிழர்	இந்தியத் தமிழர்	முஸ்லிம்கள்	பரங்கியர்	ஏனைய
மொத்தம்	86136	48401	6415	13523	17359	87	351
நகரம்	24283	10359	1962	1268	10441	53	184
கிராமம்	48087	36219	2394	2408	6885	32	125
தோட்டப்புறம்	13766	1823	2059	9847	33	2	4

2001 இலங்கை அரசின் மக்கள் தொகை கணிப்பீட்டில் மத அடிப்படையிலான மக்கள் தொகைப் பரம்பல் வருமாறு:

பிரிவு	மொத்தம்	பௌத்தர்	இந்து	இஸ்லாம்	கத்தோலிக்கம்	ஏனைய கிறிஸ்தவம்	ஏனைய
மொத்தம்	86136	47640	18131	17896	1690	769	10
நகரம்	24283	10081	2801	10654	552	194	1
கிராமம்	48087	35800	4045	7189	613	433	7
தோட்டப்புறம்	13766	1759	11285	53	525	142	2

கைத்தொழில்

இலங்கையின் தேயிலை பெருந்தொட்டங்கள் பெருவாரியாக அமைந்துள்ள பகுதிகளுக்கான பிரதான அணுகு பாதையில் மைந்துள்ளப்படியால் இங்கு தேயிலை சார்ந்த வணிகம் முக்கிய இடத்தை பெறுகிறது. நெற்பயிர்ச் செய்கை சிறிய அளவில் நடைபெற்றாலும் , மரக்கறிச் செய்கை முக்கிய இடத்தை பெருகிறது.

அரசியல்

2006　உள்ளூராட்சிசபைத்　தேர்தல்　முடிவுகள்:　கம்பளை நகரசபை

கட்சி	வாக்குகள்	சதவீதம்	ஆசனங்கள்
ஐக்கிய தேசியக் கட்சி	8,548	57.91	9
ஜாதிக ஹெல உருமய	5,492	37.20	5
மக்கள் விடுதலை முன்னணி	722	4.89	1
செல்லுபடியான வாக்குக்கள்	14762	94.22%	-
நிராகரிக்கப்பட்டவை	905	5.78%	-
அளிக்கப்பட்ட வாக்குகள்	15667	61.5%	-
மொத்த வாக்காளர்கள்	25475	**	-

மூலம்:

உசாத்துணைகள்

• இலங்கை புள்ளிவிபரவியல் திணைக்களம் - பகுதி 1
• இலங்கை புள்ளிவிபரவியல் திணைக்களம் - பகுதி 2