பெப்ரவரி 2008

<<	பெப்ரவரி 2008					>>
ஞா	தி	செ	பு	வி	வெ	ச
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29

MMVIII

பெப்ரவரி 2008, 2008 ஆம் ஆண்டின் இரண்டாவது மாதமாகும். இம்மாதம் ஒரு வெள்ளிக்கிழமை ஆரம்பித்து 29 நாட்களின் பின்னர் ஒரு வெள்ளிக்கிழமை முடிவடையும். தமிழ் நாட்காட்டியின் படி மாசி மாதம் பெப்ரவரி 13 இல் தொடங்கி மார்ச் 13 இல் முடிவடைகிறது.

சிறப்பு நாட்கள்

பெப்ரவரி 21 - மாசி மகம்

நிகழ்வுகள்

செய்திகள்

பெப்ரவரி 28:
- இஸ்ரேல் வான்படையினர் காசாப் பகுதியில் மேற்கொண்ட குண்டுத் தாக்குதல்களில் 32 பாலஸ்தீனர்கள் கொல்லப்பட்டனர். (பிபிசி)
- கென்யாவில் உள்நாட்டுக் குழப்பத்தை முடிவுக்குக் கொண்டுவரும் பொருட்டு ஆளும் கட்சியும் எதிர்க்கட்சியும் இணைந்து கூட்டரசாங்கத்தை அமைக்க முடிவு செய்துள்ளதாக ஐநாவின் சிறப்புத் தூதர் கோஃபி அனான் அறிவித்தார். (விஓஏ)
பெப்ரவரி 27:
- இங்கிலாந்தில் 5.2 ரிக்டர் அளவு நிலநடுக்கம் ஏற்பட்டது. (பிபிசி)
பெப்ரவரி 24:
- கியூபாவின் அதிபராக பிடெல் காஸ்ட்ரோவின் சகோதரர் ரவூல் காஸ்ட்ரோ தெரிவுசெய்யப்பட்டார். (பிபிசி)
பெப்ரவரி 22:
- வடக்கு ஈராக்கிற்கு மேலும் பத்தாயிரம் படையினரை துருக்கி அனுப்பியது. (ராய்ட்டர்ஸ்)
- ஐக்கிய அமெரிக்காவின் பி-2 போர் விமானம் ஒன்று குவாம் தீவில் வீழ்ந்து மோதியது. (பிபிசி)
பெப்ரவரி 21:
- விண்ணிலிருந்து பூமியை நோக்கி வீழ்ந்து கொண்டிருந்த அமெரிக்க உளவு செய்மதியான யூஎஸ்ஏ 193ஐ அமெரிக்கக் கடற்படையினர் சுட்டு வீழ்த்தி விட்டதாகவும் பூமிக்கு அதனால் எவ்வித ஆபத்தும் இனி இல்லை எனவும் அமெரிக்கா அறிவித்தது. (ஃபொக்ஸ்நியூஸ்), (அமெரிக்க பாதுகாப்பு திணைக்களம்)
- வெனிசுவேலாவில் 46 பேருடன் சென்ற பயணிகள் விமானம் காணாமல் போயுள்ளது. (ஏஎஃப்பி)
பெப்ரவரி 20:
- இரண்டு அமெரிக்க போர் விமானங்கள் புளோரிடாவுக்கருகில் நடுவானில் மோதியது. (ஏஎஃப்பி)
- அட்லாண்டிஸ் விண்ணோடம் வெற்றிகரமாக பூமி திரும்பியது. (நாசா)
- இந்தோனீசியாவின் சுமாத்திரா தீவின் மேற்குக் கரையில் 7.6 ரிக்டர் நிலநடுக்கம் பதியப்பட்டது. (யூஎஸ்ஜிஎஸ்)
பெப்ரவரி 19:
- 51 ஆண்டுகள் கியூபாவின் ஜனாதிபதியாகவும் இராணுவத் தலைவராகவும் இருந்த பிடெல் காஸ்ட்ரோ தனது பதவிகளில் இருந்து ஓய்வு பெறுவதாக அறிவித்தார். (ஏஃப்பி)
பெப்ரவரி 17:
- கொசோவோ நாடாளுமன்றம் சேர்பியாவிடமிருந்து ஒருதலைப் பட்சமாக விடுதலையாவதாக அறிவித்தது. (பிபிசி)
- கொசோவோ விடுதலையை இலங்கை அரசு நிராகரித்தது. (ஏஎஃப்பி)
- ஆப்கானிஸ்தான், கண்டகார் நகரில் தற்கொலைக் குண்டு ஒன்று வெடித்ததில் குறைந்தது 80 பேர் கொல்லப்பட்டனர். (பிபிசி)
பெப்ரவரி 16:
- பாகிஸ்தானில் பாகிஸ்தான் மக்கள் கட்சியின் கூட்டம் ஒன்றில் இடம்பெற்ற தற்கொலைக் குண்டுவெடிப்பில் 37 பேர் கொல்லப்பட்டனர். (பிபிசி)
- கொசோவோவின் விடுதலையை ஞாயிறு, பெப்ரவரி 17 இல் தாம் அறிவிக்கப்போவதாக அதன் பிரதமர் ஹஷீம் தாச்சி தெரிவித்தார். (ஏஎஃப்பி)
பெப்ரவரி 13:
- ஆஸ்திரேலியப் பழங்குடியினரின் குழந்தைகளை 1869-1969 காலப்பகுதிகளில் அவர்களின் குடும்பங்களில் இருந்து கட்டாயமாகப் பிரித்தமைக்காக ஆஸ்திரேலிய அரசு சார்பாக பிரதமர் கெவின் ரட் பொது மன்னிப்புக் கேட்டார். (ஏபிசி)
பெப்ரவரி 11:
- கிழக்குத் திமோரின் அதிபர் ஜொசே ரமோஸ் ஹோர்ட்டா அவரது வீட்டில் வைத்து தீவிரவாதிகளால் சுடப்பட்டுப் படுகாயமடைந்தார். (ஏபிசி), (ஏஜ்)
பெப்ரவரி 9:
- இலங்கை அனுராதபுரம் மாவட்டம் தம்புத்தேகம பகுதியில் இடம்பெற்ற வாகன விபத்தில் இலங்கை சுதந்திரக் கட்சியின் மக்கள் பிரிவு அமைப்பாளர்களில் ஒருவரும் நாடாளுமன்ற உறுப்பினருமான சிறீபதி சூரியராச்சி கொல்லப்பட்டார். (புதினம்)
பெப்ரவரி 7:
- நாசாவின் அட்லாண்டிஸ் விண்ணோடம் ஏழு விண்வெளி வீரர்களுடன் பன்னாட்டு விண்வெளி நிலையத்திற்கு ஏவப்பட்டது. (ஃபொக்ஸ் நியூஸ்)
- காதலர் தினம் திரைப்படத்தின் மூலம் தமிழில் அறிமுகமான நடிகர் குணால் மும்பாயில் தற்கொலை செய்து கொண்டார். (தட்ஸ்டமில்)
பெப்ரவரி 5:
- இந்தியாவின் ஆன்மிக குரு மகரிஷி மகேஷ் யோகி தனது 91வது அகவையில் நெதர்லாந்தில் காலமானார். (பிபிசி)
- ஐக்கிய அமெரிக்காவின் தெற்குப் பகுதியில் வீசிய கடும் சூறாவளியில் சிக்கி குறைந்தது 54 பேர் கொல்லப்பட்டனர். (ஏபி)
பெப்ரவரி 4:
- சாட் தலைநகர் என்ஜமினாவிலிருந்து போராளிகள் வெளியேறினர். (அசோசியேட்டட் பிரஸ்)
பெப்ரவரி 3:
- மேற்கு ருவாண்டாவில் இடம்பெற்ற நிலநடுக்கத்தில் சிக்கி குறைந்தது 23 பேர் கொல்லப்பட்டனர். (அல்ஜசீரா)
பெப்ரவரி 2:
- சாட் தலைநகர் என்ஜமினாவினுள் அந்நாட்டுப் போராளிகள் நுழைந்து அதிபர் மளிகையைச் சுற்றி வளைத்தனர். லிபியத் தலைவர் கேணல் கடாபியின் மத்தியஸ்தத்துடனான யுத்த நிறுத்தத்திற்கு சாட் போராளிகள் இணங்கியிருப்பதாகத் தெரிவிக்கப்படுகிறது. (பிபிசி)
பெப்ரவரி 1:
- இந்தியக் கடற்படையின் 2வது மிகப்பெரிய கப்பலான "ஜலஷ்வா" விபத்துக்குள்ளானதில் 5 மாலுமிகள் கொல்லப்பட்டனர். (இந்தியன் எக்ஸ்பிரஸ்)

ஈழப்போர்

பழைய ஈழச் செய்திகளின் தொகுப்பு

மேலதிக ஈழபோர்ச் செய்திகளை

பெப்ரவரி 29:
- கொழும்பு மோதரையில் இடம்பெற்ற தற்கொலைக் குண்டுவெடிப்பில் இலங்கை காவல்துறையைச் சேர்ந்த 4 பேர் உள்ளிட்ட 7 பேர் படுகாயமடைந்தன்னர். (புதினம்)
பெப்ரவரி 28:
- மன்னாரில் படையினருடன் நேற்று இடம்பெற்ற மோதல்களில் 3 படையினர் கொல்லப்பட்டு 4 பேர் காயமடைந்தனர். (புதினம்)
பெப்ரவரி 23:
- கொழும்பு கல்கிசையில் பேருந்து ஒன்றில் நிகழ்ந்த குண்டு வெடிப்பில் 18 பேர் படுகாயமடைந்தனர். (புதினம்)
பெப்ரவரி 22:
- கிழக்கு மாகாணம் பொத்துவிலில் 11 மற்றும் 13 வயது மாணவர்களின் உடல்கள் கிணறு ஒன்றில் இருந்து மீட்கப்பட்டன. (டெய்லிமிரர்)
- கிளிநொச்சி பூநகரியில் இலங்கை வான்படை நடத்திய வான்குண்டுத் தாக்குதலில் 4 சிறார்கள் உள்ளிட்ட 8 பொதுமக்கள் படுகொலை செய்யப்பட்டு 11 பேர் படுகாயமடைந்தனர். (புதினம்)
பெப்ரவரி 16:
- மன்னாரில் பண்டிவிரிச்சானிலும், பாலமோட்டையிலும் இலங்கைப் படையினருடன் இடம்பெற்ற மோதலில் 11 படையினர் கொல்லப்பட்டு 23 பேர் காயமடைந்ததாக விடுதலைப் புலிகள் அறிவித்தனர். (புதினம்)
பெப்ரவரி 13:
- வவுனியாவில் தட்டான்குளம் பகுதியில் இடம்பெற்ற கிளைமோர்த் தாக்குதலில் 2 படையினர் கொல்லப்பட்டனர். (புதினம்)
பெப்ரவரி 12:
- மன்னார் தள்ளாடி இலங்கைப் படையினரின் ஆட்டிலெறிப் படைத்தளம் மீது விடுதலைப் புலிகள் நடத்திய எறிகணை வீச்சுத் தாக்குதலில் 15 படையினர் கொல்லப்பட்டு 50-க்கும் அதிகமான படையினர் காயமடைந்தனர். (புதினம்), {டெய்லிமிரர்)
பெப்ரவரி 6:
- இலங்கைக்கான இந்தியாவின் ஆயுத உதவிகளைக் கண்டித்து இந்திய நாடாளுமன்றம் முன்பாக தமிழ்நாட்டின் பெரியார் திராவிடர் கழகத்தினர் பேரெழுச்சியான ஆர்ப்பாட்டத்தை நடத்தினர். (புதினம்)
பெப்ரவரி 4:
- மணலாறுப் பகுதியில் பேருந்து ஒன்று கிளைமோர்த் தாக்குதலில் சிக்கியதில் 10 பொதுமக்கள், 2 படையினர் கொல்லப்பட்டனர். 8 பேர் காயமடைந்தனர்.(டெய்லிமிரர்)
- இலங்கை, மொனராகல புத்தல காட்டுப்பகுதியில் உழவூர்தி ஒன்று கிளைமோர்த் தாக்குதலில் சிக்கியதில் படையினர் மூவர் படுகாயமடைந்தனர். (டெய்லிமிரர்)
பெப்ரவரி 3:
- கொழும்பு கோட்டை தொடருந்து நிலையத்தில் இடம்பெற்ற தற்கொலைக் குண்டு வெடிப்புச் சம்பவத்தில் 9 பேர் கொல்லப்பட்டு 100-க்கும் அதிகமானோர் காயமடைந்தனர். (பிபிசி)
- கொழும்பு, தெகிவளை மிருகக் காட்சிச் சாலையில் கைக்குண்டு ஒன்று வெடித்ததில் 7 பேர் படுகாயமடைந்தனர். (டெய்லி மிரர்)
பெப்ரவரி 2:
- இலங்கையின் மாத்தளை மாவட்டம் தம்புள்ள என்ற இடத்தில் பேருந்து ஒன்றில் குண்டு வெடித்ததில் 20 பேர் கொல்லப்பட்டு, 50-க்கும் அதிகமானோர் படுகாயமடைந்தனர். (பிபிசி), (புதினம்)

செய்திகள் காப்பகம்

பெப்ரவரி 2008

சிறப்பு நாட்கள்

நிகழ்வுகள்

வழிச்செலுத்தற் பட்டி

தேடு