களம்பூர்
களம்பூர் KALAMBUR | |
|---|---|
| அடைபெயர்(கள்): ஆரணி நகருக்கு அருகிலுள்ள நகரம் | |
  களம்பூர் இந்திய வரைபடத்தில் உள்ள இடம்.  களம்பூர் களம்பூர் (இந்தியா) | |
| ஆள்கூறுகள்: 12°22′54″N 79°07′51″E / 12.3817°N 79.1307°E | |
| நாடு |  இந்தியா |
| மாநிலம் | தமிழ்நாடு |
| மாவட்டம் | திருவண்ணாமலை |
| மண்டலம் | தொண்டை மண்டலம் |
| வருவாய் கோட்டம் | ஆரணி |
| சட்டமன்றத் தொகுதி | போளூர் (சட்டமன்றத் தொகுதி) |
| மக்களவைத் தொகுதி | ஆரணி மக்களவைத் தொகுதி |
| தோற்றுவித்தவர் | தமிழ்நாடு அரசு |
| அரசு | |
| • வகை | தேர்வு நிலை பேரூராட்சி |
| • நிர்வாகம் | களம்பூர் தேர்வு நிலை பேரூராட்சி |
| • வட்டாரப் போக்குவரத்து அலுவலகம் | ஆரணி |
| • மக்களவை உறுப்பினர் | திரு.எம்.கே.விஷ்ணுபிரசாத் |
| • சட்டமன்ற உறுப்பினர் | திரு. சேகரன் |
| • மாவட்ட ஆட்சியர் | திரு கே. எஸ். கந்தசாமி,இ. ஆ. ப. |
| பரப்பளவு | |
| • மொத்தம் | 12.58 km2 (4.86 sq mi) |
| • பரப்பளவு தரவரிசை | மீட்டர்கள் |
| மக்கள்தொகை (2011) | |
| • மொத்தம் | 14,304 |
| • அடர்த்தி | 1,100/km2 (2,900/sq mi) |
| இனம் | போளூர்காரன் |
| மொழிகள் | |
| • அலுவல்மொழி | தமிழ் |
| நேர வலயம் | ஒசநே+5:30 (இசீநே) |
| அஞ்சல் குறியீடு | 606903 |
| இந்தியாவில் தொலைபேசி எண்கள் | 04181 |
| வாகனப் பதிவு | TN 97 |
| சென்னையிலிருந்து தொலைவு | 152 கி.மீ |
| திருவண்ணாமலையிலிருந்து தொலைவு | 50 கி.மீ |
| வேலூரிலிருந்து தொலைவு | 45 கி.மீ |
| ஆரணியிலிருந்து தொலைவு | 10 கிமீ |
| போளூரிலிருந்து தொலைவு | 20 கிமீ |
| இணையதளம் | களம்பூர் தேர்வு நிலை பேரூராட்சி |
களம்பூர் (ஆங்கிலம்:Kalambur) இந்தியாவின், தமிழ்நாடு மாநிலத்திலுள்ள, திருவண்ணாமலை மாவட்டம், போளூர் வட்டத்தில் உள்ள ஒரு தேர்வுநிலைப் பேரூராட்சி ஆகும். இது போளூர்(சட்டமன்றத் தொகுதிக்கும்) மற்றும் ஆரணி மக்களவைத் தொகுதிக்கும் உட்பட்டதாகும். களம்பூர் நகரம் அரிசி உற்பத்திக்கு புகழ்பெற்றதாகும்.
அமைவிடம்
திருவண்ணாமலை - ஆரணி வழித்தடத்தில் அமைந்த களம்பூர் பேரூராட்சி, திருவண்ணாமலையிலிருந்து 55 கிமீ தொலைவில் உள்ளது. இதனருகே அமைந்த ரயில் நிலையம் ஆரணி சாலை தொடருந்து நிலையம், களம்பூரில் உள்ளது. இதன் கிழக்கே ஆரணி 8 கிமீ; மேற்கே செங்கம் 60 கிமீ; வடக்கே வேலூர் 50 கிமீ மற்றும் தெற்கே போளூர் 17 கிமீ தொலைவில் உள்ளது.
பேரூராட்சியின் அமைப்பு
5.48 சகிமீ பரப்பும் , 15 பேரூராட்சி மன்ற உறுப்பினரகளையும், 82 தெருக்களையும் கொண்ட இப்பேரூராட்சி போளூர் (சட்டமன்றத் தொகுதி)க்கும், ஆரணி மக்களவைத் தொகுதிக்கும் உட்பட்டது. [2]
மக்கள் தொகை பரம்பல்
2011-ஆம் ஆண்டு மக்கள் தொகை கணக்கெடுப்பின்படி இப்பேரூராட்சி 3,476 வீடுகளும், 14,304 மக்கள்தொகையும் கொண்டது. மேலும் இப்பேரூராட்சியின் எழுத்தறிவு 81.04% மற்றும் பாலின விகிதம் 1,000 ஆண்களுக்கு, 1008 பெண்கள் வீதம் உள்ளனர். [3]
கல்வி
- சுப்பராயா செட்டியார் அரசு ஆண்கள் மேல்நிலைப் பள்ளி,
- அரசு பெண்கள் மேல்நிலை பள்ளி,
- ஊராட்சி ஒன்றிய பள்ளி (பொன்நகர்) களம்பூர்
- ஊராட்சி ஒன்றிய பள்ளி (மத்திய) களம்பூர்
- ஊராட்சி ஒன்றிய பள்ளி (முஸ்லிம்), களம்பூர்
- ஊராட்சி ஒன்றிய பள்ளி (நரியம்பேட்டை), களம்பூர்
- ஊராட்சி ஒன்றிய பள்ளி (அய்யம்பேட்டை), களம்பூர்
- ஸ்ரீ ராகவேந்திரா நர்சரி மற்றும் ஆரம்ப பள்ளி
- ஸ்ரீ விவேகானந்தா நர்சரி மற்றும் ஆரம்ப பள்ளி
- ஸ்ரீ ராகவேந்திரா மெட்ரிகுலேசன் மேல்நிலைப் பள்ளி
- பிங்க்ஸ் பப்ளிக் பள்ளி களம்பூர்
விவசாயம்
காளம்பூரில் உள்ள நிலம் ஒரு பசுமையானதாகும். பெரும்பாலான மக்கள் விவசாயத்தில் ஈடுபட்டுள்ளனர். நகரத்திற்கு இரண்டு ஏரிகள் உள்ளன, அவை நகரம் மற்றும் சுற்றியுள்ள கிராமங்களுக்கு தண்ணீர் வழங்குகின்றன.
கோயில்கள்
களம்பூரில் நிறைய கோயில்கள் உள்ளன. அவற்றில் முக்கியமானவை சிவன் கோவில்கள் - காசி விசுவநாதர், விசாலாட்சி மற்றும் வீர ஆஞ்சநேயர் (அனுமான்) கோவில் ஆகும். களம்பூரிலிருந்து சுமார் 1.5 கி.மீ. தொலைவில் உள்ள சனீஷ்வரன் கோயில், களம்பூர் பேரூராட்சியின் கீழ்வரும் ஏரி குப்பம் என்ற இடத்தில் உள்ளது.
பொருளாதாரம்
அரிசி உற்பத்திக்கு களம்பூர் குறிப்பிடத்தக்கது. நகரில் சுமார் 70 அரிசி ஆலைகள் உள்ளன. தமிழ்நாடு மற்றும் தமிழ்நாட்டின் மற்ற பகுதிகளுக்கு களம்பூரில் இருந்து அரிசி வழங்கப்படுகிறது. இது நேரடியாக சிங்கப்பூர் மற்றும் மலேசியாவிற்கு ஏற்றுமதி செய்யப்படுகிறது. மற்றும் பட்டு புடவைகளுக்கு இந்த நகரம் மிகவும் பிரபலமானதாக உள்ளது.
மாசு
நகரத்தில் உள்ள அரிசி ஆலைகள் எண்ணிக்கை காரணமாக, காற்று மாசுபட்டது. அரிசி ஆலைகள் மாசுபட்ட கார்பன் டை ஆக்சைடு மற்றும் பசுமை இல்ல வாயு கலவைகளை நேரடியாக காற்றுக்குள் வெளியிடுகின்றன. மாசுபடுத்தப்பட்ட காற்றின் காரணமாக வளிமண்டலமானது ஒவ்வொரு நாள் காலையிலும் கருப்பு நிறமாக மாறுவதை நாம் காணலாம். அரிசி ஆலைகள் சில மாசு வடிகட்டி முறைகளை பயன்படுத்த நகரத்தில் உள்ள மக்கள் எதிர்பார்க்கின்றனர்.
போக்குவரத்து
இந்நகரத்திற்கு சாலை மற்றும் இரயில் போக்குவரத்து நன்றாக இணைக்கப்பட்டுள்ளது. ஆரணி மற்றும் திருவண்ணாமலை நகரங்கள் மாவட்ட நெடுஞ்சாலைகளால் இணைக்கப்பட்டுள்ளன. வேலூர் நகரம் மற்றும் படவேட்டைஇணைக்கும் சந்தவாசல் சாலை, மற்றொரு முக்கிய சாலை ஆகும். சென்னை , திருவண்ணாமலை, காஞ்சிபுரம், சேலம், திருச்சி, கோயம்புத்தூர், ஈரோடு, திருப்பூர், பெங்களூர், செங்கம், மேட்டூர், படவேடு, ஆற்காடு , செய்யாறு , மற்றும் கிராமபுறங்களுக்கு செல்லும் பேருந்துகளான மண்டகொளத்தூர் , திருமலை, துரிஞ்சிகுப்பம், விளாங்குப்பம் , ஆத்துவாம்பாடி ஆகிய பேருந்துகளும் நகரங்களுக்கு அரசு விரைவுப் பேருந்துகள் இயக்கப்படுகின்றன. ஆரணி மற்றும் போளூர் இடையே நகரப் பேருந்துகள் இயக்கப்படுகின்றன.
இந்த நகரத்தில், "ஆரணி சாலை" என்ற பெயரில் ரயில் நிலையம் அமைந்துள்ளது: நிலைய குறியீடு ARV. இந்த நிலையம் வழியாக ஆரணி நகரை எளிதில் அணுகலாம். முன்பு மீட்டர் பாதையாக இருந்தது, தற்போது அகல இரயில் பாதையாக மாற்றப்பட்டது.
சுகாதாரம்
களம்பூரில் ஒரு மேம்படுத்தப்பட்ட அரசு சுகாதார மையம் மற்றும் மற்றும் ஒரு அரசு கால்நடை மருத்துவமனை உள்ளது. நகரின் பல தனியார் மருந்தகங்கள் உள்ளன.
விழாக்கள்
இந்நகரத்தின் அனைத்து மக்களும் தமிழ் புத்தாண்டு தினம், மற்றும் சித்திரை முதல் நாள் அல்லது லக்க்ஷ தீப திருவிழா போன்ற தினங்களை கொண்டாடுகின்றனர். இந்த நிகழ்வில் மக்கள் வீரர் ஆஞ்சனேயரை (ஜெய் அனுமன்) பிரார்த்தனை செய்கின்றனர். இது ஒவ்வொரு வருடமும் கொண்டாடப்படும் பெரிய திருவிழா ஆகும். அருள்மிகு திரவுபதி அம்மன் கோயில் பண்டிகையையும் மக்கள் கொண்டாடுகின்றனர்.
மேற்கோள்கள்
- ↑ "District Census Handbook : Tiruvannamalai" (PDF). Census of India. p. 30. Retrieved 21 June 2017.
- ↑ களம்பூர் பேரூராட்சியின் இணையதளம்
- ↑ Kalambur Population Census 2011