வேதாரண்யம் வட்டம்

வேதாரண்யம் வட்டம் , தமிழ்நாட்டின் நாகப்பட்டினம் மாவட்டத்தில் உள்ள நான்கு வட்டங்களில் ஒன்றாகும். இந்த வட்டத்தின் தலைமையகமாக வேதாரண்யம் நகரம் உள்ளது. இந்த வட்டத்தின் கீழ் 57 வருவாய் கிராமங்கள் உள்ளன. இவ்வட்டத்தில் வேதாரண்யம் ஊராட்சி ஒன்றியம், தலைஞாயிறு ஊராட்சி ஒன்றியம் மற்றும் வேதாரண்யம் திருமறைக்காடர் கோயில் உள்ளது.

மக்கள்தொகை பரம்பல்

2011-ஆம் ஆண்டு மக்கள் தொகை கணக்கெடுப்பின்படி இவ்வட்டம் மக்கள்தொகை 2,16,065 கொண்டது. மக்கள்தொகையில் 107,217 ஆண்களும், 108,848பெண்களும் உள்ளனர். 59,588 குடும்பங்கள் கொண்ட இவ்வட்ட மக்கள்தொகையில் 78.2% கிராமப்புறங்களில் வாழ்கின்றனர். இவ்வட்டத்தின் எழுத்தறிவு 83.05% மற்றும்பாலின விகிதம் 1,000 ஆண்களுக்கு, 1,015 பெண்கள் வீதம் உள்ளனர். 6 வயதிற்குட்பட்ட குழந்தைகளின் எண்ணிக்கை 19835 ஆகவுள்ளது. குழந்தைகள் பாலின விகிதம், 1000 ஆண் குழந்தைகளுக்கு, 936 பெண் குழந்தைகள் வீதம் உள்ளனர். பட்டியல் சமூகத்தினரும், பட்டியல் பழங்குடியினரும் முறையே 46,121 மற்றும் 115 ஆகவுள்ளனர். மக்கள்தொகையில் இந்துக்கள் 95.13%, இசுலாமியர்கள் 3.25%, கிறித்தவர்கள் 0.85% மற்றும் பிறர் 0.76% ஆகவுள்ளனர்.

பொருளாதாரம்

வங்காள விரிகுடா கடற்கடை ஒட்டிய இவ்வட்டத்தின் முதன்மைத் தொழில் வேளாண்மை, மீன்பிடித்தல், உப்பு உற்பத்தி ஆகும்.