வெலிக்கடை சிறைச்சாலைப் படுகொலைகள்
| இலங்கையில் தமிழருக்கு எதிரான கலவரங்கள் |
|---|
| கல்லோயா (1956) |
| 1958 படுகொலைகள் |
| 1977 படுகொலைகள் |
| 1981 யாழ் நூலக எரிப்பு |
| கறுப்பு யூலை (1983) |
| 1983 வெலிக்கடை |
| 1997 களுத்துறை |
| 2000 பிந்துனுவேவா |
வெலிக்கடை சிறைச்சாலைப் படுகொலைகள் ஜூலை 1983 இல் இலங்கையில் இலங்கைத் தமிழர்களுக்கெதிராக இடம்பெற்ற கறுப்பு ஜூலை வன்முறை நிகழ்வுகளின் போது இடம்பெற்ற உச்சக்கட்ட நிகழ்வைக் குறிக்கும். இதன் போது மொத்தம் 53 தமிழ் அரசியல் கைதிகள் கொழும்பின் அதிஉயர் பாதுகாப்பு சிறைச்சாலையில் சக சிங்களக் கைதிகளால் குத்தியும் வெட்டியும் படுகொலை செய்யப்பட்டனர்.[1]. இப்படுகொலை நிகழ்வில் எவரும் இதுவரையில் குற்றஞ்சாட்டப்பட்டுத் தண்டிக்கப்படவில்லை.[2]
வரலாறு
இப்படுகொலை நிகழ்வானது இரண்டு வெவ்வேறு நாட்களில் நடைபெற்றது. இரண்டும் கொழும்பில் அதியுயர் பாதுகாப்பு சிறைச்சாலையான வெலிக்கடையில் இடம்பெற்றன. முதலாவது படுகொலை ஜூலை 25, 1983 இல் 35 தமிழ்க் கைதிகள் சக சிங்களக் கைதிகளினால் கத்தி மற்றும் வாள்களினாலும் பொல்லுகளினாலும் குத்திக் கொல்லப்பட்டனர். இரண்டாவது நிகழ்வு இரண்டு நாட்களின் பின்னர் ஜூலை 28ம் திகதி இடம்பெற்றது. இதில் 18 பேர் வெட்டிக் கொல்லப்பட்டனர்.[3].
வெலிக்கடைச் சிறைச்சாலையானது A, B, C, D என நான்கு குறுக்கு வடிவில் அமைக்கப்பட்ட பிரிவுகளைக் கொண்டது. இவற்றில் A3 B3 C3 மற்றும் D3 என்பன சிறைச்சாலையில் கீழ்ப் பகுதியில் உள்ளன. B3, C3 மற்றும் D3 இல் இருந்த அனைவரும் தமிழ் அரசியல் கைதிகளாவர். A3 இல் இருந்தவர்கள் அனைவரும் பயங்கரக் குற்றங்கள் சுமத்தப்பட்ட சிங்களக் கைதிகள்.
இப்படுகொலை நிகழ்வில் தப்பிப் பிழைத்தவர்களின் வாக்குமூலத்தின்படி சிறைச்சாலை அதிகாரிகளே அறைக்கதவுகளின் திறப்புகளை சிங்களக் கைதிகளுக்கு கொடுத்ததாக தெரிவித்தனர். ஆனால் சிறை அதிகாரிகளின் கூற்றுப்படி, சிங்களக் கைதிகள் தம்மிடம் இருந்து திறப்புகளைக் களவெடுத்ததாகத் தெரிவித்தனர்.[4]
கொல்லப்பட்ட முக்கியத் தலைவர்கள்
- குட்டிமணி
- தங்கத்துரை
- ஜெகன்
இவற்றையும் பார்க்கவும்
- பிந்துனுவேவா சிறைச்சாலைப் படுகொலைகள்
- களுத்துறை சிறைச்சாலைப் படுகொலைகள்
- இலங்கை இனப்பிரச்சினை காலக்கோடு
- கறுப்பு ஜூலை
உசாத்துணை
- ↑ O'Ballance, The cyanide war, p.23
- ↑ "No one has been convicted yet of these crimes 2004 report" இம் மூலத்தில் இருந்து 2007-03-10 அன்று. பரணிடப்பட்டது.. https://web.archive.org/web/20070310155343/http://www.dailynews.lk/2004/03/30/new14.html.
- ↑ "brcslproject.gn.apc.org" இம் மூலத்தில் இருந்து 2007-08-13 அன்று. பரணிடப்பட்டது.. https://web.archive.org/web/20070813025706/http://brcslproject.gn.apc.org/slmonitor/october2000/mass.html.
- ↑ O'Ballance, The cyanide war, p.23