சோபனா பார்தியா
| சோபனா பார்தியா | |
|---|---|
.jpg) 2013இல் சோபனா பார்தியா | |
| பிறப்பு | 4 சன்வரி 1957 |
| தேசியம் | இந்தியர் |
| பணி | தொழிலதிபர் |
| பதவிக்காலம் | 2006 - 2012 |
| அரசியல் கட்சி | காங்கிரசு |
| பெற்றோர் | கே. கே. பிர்லா |
| விருதுகள் | பத்மசிறீ |
சோபனா பார்தியா (Shobhana Bhartia) (பிறப்பு 4 சனவரி 1957) இவர் ஓர் இந்திய தொழிலதிபராவார். இந்தியாவின் மிகப்பெரிய செய்தித்தாள் மற்றும் ஊடக நிறுவனங்களில் ஒன்றான இந்துஸ்தான் டைம்ஸ் குழுமத்தின் தலைவராகவும், தலையங்க இயக்குநராகவும் உள்ளார். இவர் தனது தந்தையின் மூலம் வாரிசாக இதை பெற்றார். இவர் சமீபத்தில் பிலானி, பிர்லா தொழில்நுட்பம் மற்றும் அறிவியல் கழகத்தின் துணை வேந்தராக பொறுப்பேற்றுள்ளார். (இவரது தாத்தாவால் நிறுவப்பட்டது) மேலும், எண்டெவர் இந்தியாவின் தற்போதைய தலைவராகவும் உள்ளார். காங்கிரசு கட்சியுடன் நெருக்கமாக தொடர்புடைய சோபனா 2006 முதல் 2012 வரை இந்திய நாடாளுமன்றத்தின் மாநிலங்களவையில் பரிந்துரைக்கப்பட்ட உறுப்பினராக பணியாற்றினார். 2016 ஆம் ஆண்டில், ஃபோர்ப்ஸ் பத்திரிக்கையால் இவர் 93 வது மிக சக்திவாய்ந்த பெண்ணாக பட்டியலிடப்பட்டார் [1]
பின்னணி
சனவரி 4, 1957 இல் மார்வாரி குடும்பத்தில் பிறந்தார், [2] பார்தியா தொழிலதிபர் மற்றும் காங்கிரசு கட்சி உறுப்பினர் கே. கே. பிர்லாவின் மகளாவார். பிர்லா குடும்பத்த்தில் ஒருவரான தேசபக்தர் கன்சியாம் தாசு பிர்லாவின் பேத்தி. கே. கே. பிர்லா குடும்பம் இந்துஸ்தான் டைம்ஸ் குழுமத்தின் 75.36 சதவீத பங்குகளை வைத்திருந்தது. இதன் மதிப்பு ரூ .8.34 2004 இல் பில்லியன். இவர் கொல்கத்தாவில் வளர்ந்தார். லோரெட்டோ ஹவுஸில் பள்ளிப்படிப்பைப் பெற்றார். இவர் கொல்கத்தா பல்கலைக்கழகத்தில் பட்டம் பெற்றவர், [3]
குடும்பம்
சியாம் சுந்தர் பார்தியாவை மணந்தார். இவருக்கு இரண்டு மகன்கள் உள்ளனர், பிரியாவ்ரத் பாரதியா, அக்டோபர் 4, 1976 இல் பிறந்தார். சமித் பாரதியா1979 ஏப்ரல் 27 அன்று பிறந்தார். இவர்களது மகன் சமித் பார்தியாவும் இந்துஸ்தான் டைம்ஸ் குழுமத்தின் இயக்குநராக உள்ளார். மேலும் டோமினோஸ் பீட்சா இன்க் உரிமையைப் போன்ற வாழ்க்கை முறை வணிகங்களையும், பெங்களூரில் திங்கள் முதல் ஞாயிற்றுக்கிழமை வரை வசதியான கடை சங்கிலியையும் கவனித்து வருகிறார் .
அரசியல் வாழ்க்கை
2005 ஆம் ஆண்டில் முதல் பத்மசிறீ விருதுக்கு பரிந்துரைக்கப்பட்டவர்களில் சோபனாவும் ஒருவர். [4] பத்திரிகைக்காக இந்த விருது வழங்கப்பட்டது. அடுத்த ஆண்டு, பிப்ரவரி 2006 இல், சோனியா காந்தி தலைமையிலான ஆளும் ஐக்கிய முற்போக்குக் கூட்டணியின் பரிந்துரையின் பேரில், பாராளுமன்றத்தின் மாநிலங்களவைக்கு பரிந்துரைக்கப்பட்டார். இவர் பத்திரிகையாளர் அல்ல, மற்றும் இவர் இந்திய தேசிய காங்கிரசுடன் அரசியல் ரீதியாக இணைந்திருந்தது போன்ற காரணங்களுக்காகவும், இலக்கியம், அறிவியல், கலை மற்றும் சமூக சேவை ஆகிய துறைகளைச் சேர்ந்த புகழ்பெற்ற நபர்களுக்காக ஒதுக்கப்பட்ட இந்த நியமனத்தை எதிர்த்து, இந்திய உச்சநீதிமன்றத்தில் முறையிடப்பட்டது. எவ்வாறாயினும், முதல் கட்டத்திலேயே மேல்முறையீட்டை நீதிமன்றம் தள்ளுபடி செய்தது. இவர் "குழந்தைத் திருமணம் (ஒழிப்பு) மற்றும் இதர ஏற்பாடுகள் சட்டம், 2006" ஐ அறிமுகப்படுத்தினார். [5] இவரது நெருங்கிய நண்பர்களில் பாரதிய ஜனதா கட்சியின் அருண் ஜெட்லியும் அடங்குவார். [6]
குறிப்புகள்
- ↑ "World's Most Powerful Women". https://www.forbes.com/power-women.
- ↑ "Members Page". https://rajyasabha.nic.in/rsnew/member_site/Main.aspx. "The website generates a random link for all members making it difficult to check the source next time. So it can be navigated to using this link "https://rajyasabha.nic.in/rsnew/member_site/alphabeticallist_all_terms.aspx""
- ↑ HT Media Group Prospectus பரணிடப்பட்டது 2016-08-04 at the வந்தவழி இயந்திரம் 12 August 2005
- ↑ "Padma Awards". Ministry of Home Affairs, Government of India. 2015 இம் மூலத்தில் இருந்து 15 நவம்பர் 2014 அன்று. பரணிடப்பட்டது.. https://www.webcitation.org/6U68ulwpb?url=http://mha.nic.in/sites/upload_files/mha/files/LST-PDAWD-2013.pdf.
- ↑ "The Child Marriage (Abolition) and Miscellaneous Provisions Bill, 2006". Parliament of India, மாநிலங்களவை. December 2006 இம் மூலத்தில் இருந்து 2016-08-21 அன்று. பரணிடப்பட்டது.. https://web.archive.org/web/20160821173533/http://rajyasabha.nic.in/bills-ls-rs/2006/CI_2006.pdf.
- ↑ Dev, Atul (1 December 2018). "History repeating at Shobhana Bhartia's Hindustan Times" (in en). https://caravanmagazine.in/media/history-repeating-shobhana-bhartias-hindustan-times.