கவின் (நடிகர்)
| கவின் ராஜ் | |
|---|---|
| பிறப்பு | 22 சூன் 1990 திருச்சிராப்பள்ளி, தமிழ்நாடு |
| இருப்பிடம் | சென்னை |
| பணி | நடிகர், தொலைக்காட்சி நிகழ்ச்சி ஒகுப்பாளர் |
| செயற்பாட்டுக் காலம் | 2011-தற்போதுவரை |
கவின் ராஜ் (பிறப்பு: 22 சூன் 1990) என்பவர் தமிழ்நாட்டை சேர்ந்த தொலைக்காட்சி நடிகர் மற்றும் நிகழ்ச்சி தொகுப்பாளர் ஆவார். இவர் சரவணன் மீனாட்சி 2 (2012-2016) என்ற தொலைக்காட்சி தொடரிலும் மற்றும் பிக் பாஸ் தமிழ் 3 (2019) என்ற நிகழ்ச்சியிலும் பங்குபெற்றதன் மூலம் பரிசியமான நடிகர் ஆவார்.
தொழில் வாழ்க்கை
ஊடகத்துறையில் இருந்த ஆர்வத்தினால் முதலில் நண்பர்களின் மூலமாகவே குறும்படங்கள் நடிக்க ஆரம்பித்தார். முறையாக நடிப்பைக் கற்றுக்கொள்ள, கூத்துப்பட்டறையில் சேர்ந்து மூன்று மாதங்கள் பயிற்சி எடுத்தார்.[1] அதன் பின்னர் விஜய் தொலைக்காட்சியில் நடிகராக தன் வாழ்வைத் துவக்கினார். 2011 ஆம் ஆண்டு கனா காணும் காலங்கள் என்ற தொடரில் 'சிவா' என்னும் கதாபாத்திரம் மூலம் சின்னத்திரையில் நடிகராக அறிமுகமானார். அதை தொடர்ந்து அதை தொடர்ந்து சரவணன் மீனாட்சி (2012-2013), தாயுமானவன் (2013-2014), போன்ற தொடர்களில் நடித்தார்.
2013 ஆம் ஆண்டு சரவணன் மீனாட்சி 2 என்ற தொடரின் மூலம் கதாநாயகனாக நடித்தார். இந்த தொடர் இவருக்கு மிகப்பெரிய வெற்றியை கொடுத்தது. அதை தொடர்ந்து 2017 ஆம் ஆண்டு சத்ரியன் என்ற திரைப்படத்தில் துணைக் கதாபாத்திரத்தில் நடித்தார். 2019 ஆம் ஆண்டு நட்புன்னா என்னான்னு தெரியுமா என்ற திரைப்படத்தின் மூலம் கதாநாயகனாக நடித்தார். இவருக்கு ஜோடியாக நடிகை ரம்யா நம்பீசன் என்பவர் நடித்துள்ளார். 2019 ஆம் ஆண்டு விஜய் தொலைக்காட்சியில் ஒளிபரப்பான பிக் பாஸ் தமிழ் 3 என்ற நிகழ்ச்சியில் போட்டியாளராக பங்குபெற்றார்.
தொலைக்காட்சி
| ஆண்டு | நிகழ்ச்சி | பாத்திரம் | தொலைக்காட்சி | குறிப்பு |
|---|---|---|---|---|
| 2011-2012 | கனா காணும் காலங்கள் | சிவா | விஜய் தொலைக்காட்சி | |
| 2013-2014 | தாயுமானவன் | விக்கி | ||
| 2012-2013 | சரவணன் மீனாட்சி | முருகன் | ||
| 2013-2016 | சரவணன் மீனாட்சி 2 | வேட்டையன் | சிறந்த கதாநாயகனாக விஜய் தொலைக்காட்சி விருது | |
| 2015 | வேட்டையாடு விளையாடு | தொகுப்பாளர் | விஜயதசமி சிறப்பு நிகழ்ச்சி | |
| விஜய் தொலைக்காட்சி விருதுகள் | ||||
| 2016 | கிங் ஒப்பி டான்சர் 1 | |||
| 2017 | விஜய் தொலைக்காட்சி விருதுகள் | |||
| 2019 | பிக் பாஸ் தமிழ் 3 | போட்டியாளராக |
திரைப்படம்
| ஆண்டு | திரைப்படம் | பாத்திரம் | குறிப்பு |
|---|---|---|---|
| 2012 | பீட்சா | சிறப்பு தோற்றம் | |
| 2015 | இன்று நேற்று நாளை | ||
| 2017 | சத்ரியன் | சந்திரன் | |
| 2019 | நட்புன்னா என்னான்னு தெரியுமா | சிவா | |
| 2023 | டாடா | மணிகண்டன் | [2] |
மேற்கோள்கள்
- ↑ "சரவணன் மீனாட்சி சீரியல் எப்போ முடியும்? - உண்மை சொல்கிறார் ‘வேட்டையன்’". செவ்வி (விகடன் சினிமா). 16 பெப்ரவரி 2016 இம் மூலத்தில் இருந்து 2016-08-26 அன்று. பரணிடப்பட்டது.. https://web.archive.org/web/20160826212455/http://www.vikatan.com/cinema/tamil-cinema/interview/59723-when-will-finish-saravanmeenakshi-vettaiyan-kavin.art. பார்த்த நாள்: 7 செப்டம்பர் 2016.
- ↑ "சினிமாவுக்கு வரும் சரவணன் மீனாட்சி சீரியல் ஹீரோக்கள்: கவின் ஜோடி ரம்யா நம்பீசன்". செய்தி (tamil.filmibeat.com/). 6 செப்டம்பர் 2016. http://tamil.filmibeat.com/television/saravanan-meenakshi-2-kavin-play-with-ramya-nambeesan-042063.html. பார்த்த நாள்: 7 செப்டம்பர் 2016.