ஐங்குறுநூறு பழையவுரை

ஐங்குறுநூறு அகத்திணைப் பாடல்களுக்கு ஒவ்வொன்றின் இறுதியிலும் அதன் நிகழ்விடம் காட்டும் விளக்கக் குறிப்பு உள்ளது
இதனைக் கருத்துரை எனக் குறிப்பிடுகின்றனர்.
இதனைச் செய்தவர் இன்னார் எனத் தெரியவில்லை.
இதனை விடுத்துப் ‘பழைய உரை’ என்னும் குறிப்போடு சாமிநாதையர் பதிப்பித்துள்ள உரையையே இங்கு நாம் ‘பழைய உரை’ என எடுத்துக்கொள்கிறோம்.

இந்த உரையின் பாங்கு

• சில பாடல்களுக்கு ஓரிரு வரிக் குறிப்பு. சிலவற்றிற்கு பல வரிகளில் குறிப்பு. இப்படி அமைந்துள்ளது.
• சில பாடல்களுக்கு உள்ளுறை பற்றிய விளக்கங்கள் மட்டும் உள்ளன.

”பூவுப் புலாலும் ஒக்க விளையும் ஊரன் என்றது குலமகளிரைப் போலப் பொதுமகளிரையும் கொண்டொழுகுவான் என்றது”

• சில பாடல்கள் எவ்வாறு திணைக்குப் பொருந்தும் எனக் காட்டப்பட்டுள்ளன.

இது கருப்பொருளால் பாலை

இது காலத்தால் பாலை

இது பாலைக்கு உரித்தாகிய வேனிற்கண் நிகழும் குரவும் குயிலும் கூவுதலால் பாலை ஆயிற்று

இது பாலைக்கு உரிய கோங்கு கூறினமையால் பாலை ஆயிற்று

• சிலவற்றிற்கு வேறு பாடங்கள் காட்டப்பட்டுள்ளன.
• ஆங்காங்கே தொல்காப்பிய மேற்கோள்கள் தரப்பட்டுள்ளன.

இந்த உரை எல்லாப் பாடல்களுக்கும் கிடைக்கவில்லை.

இந்த உரைநூலின் காலம் 13ஆம் நூற்றாண்டு.

பார்க்க

• எட்டுத்தொகை உரைகள்

கருவிநூல்

• மு. அருணாசலம், தமிழ் இலக்கிய வரலாறு, பதின்மூன்றாம் நூற்றாண்டு, 2005