இரா. பிரியா
| இரா. பிரியா | |
|---|---|
| சென்னை மாநகராட்சித் தலைவர் (மேயர்) | |
| பதவியில் உள்ளார் | |
| பதவியேற்பு 4 மார்ச் 2022 | |
| துணை | மு.மகேஷ்குமார் |
| முன்னவர் | சைதை சா. துரைசாமி |
| பெருநகர சென்னை மாநகராட்சி உறுப்பினர் (கவுன்சிலர்) | |
| பதவியில் உள்ளார் | |
| பதவியேற்பு 2 மார்ச் 2022 | |
| தொகுதி | கோட்டம் 74 |
| தனிநபர் தகவல் | |
| பிறப்பு | 1993 (அ) 1994 (அகவை 28) மதராஸ் (தற்போது சென்னை), தமிழ்நாடு, இந்தியா |
| அரசியல் கட்சி |  திராவிட முன்னேற்றக் கழகம்
|
| வாழ்க்கை துணைவர்(கள்) | கே. ராஜா |
| பிள்ளைகள் | 1 (மகள்) |
| பெற்றோர் | பெரம்பூர் இரா. ராஜன் (தந்தை) |
| இருப்பிடம் | மங்களபுரம், சென்னை, தமிழ்நாடு, இந்தியா |
| படித்த கல்வி நிறுவனங்கள் | ஸ்ரீ கன்யகா பரமேஸ்வரி மகளிர் கலைக் கல்லூரி, சென்னை |
| பணி | அரசியலர் |
இரா. பிரியா அல்லது பிரியா ராஜன் (R. Priya / Priya Rajan) (பி. 1993/1994) என்பவர் திராவிட முன்னேற்றக் கழகத்தைச் சேர்ந்த தமிழ்நாட்டு அரசியலரும் தற்போதைய பெருநகர சென்னை மாநகராட்சியின் தலைவரும் ஆவார்.[1]
தொடக்க வாழ்க்கை
வடசென்னை வாசியான இவர், ஸ்ரீ கன்யகா பரமேஸ்வரி மகளிர் கலைக் கல்லூரியில் முதுகலை வணிகவியல் பட்டம் பெற்றவர்.[2]
அரசியல்
2022 உள்ளாட்சித் தேர்தல்
பிரியா, பிப்ரவரி 2022-இல் நடைபெற்ற நகர்ப்புற உள்ளாட்சித் தேர்தலில், சென்னை மாநகராட்சிக்குட்பட்ட திரு. வி. க. நகரிலுள்ள 74-ஆவது கோட்டத்தில் வென்றார் .
சென்னை மாநகராட்சித் தலைவர் பதவியில் (2022-)
பிரியா சென்னை மாநகராட்சி தலைவரான முதல் இளையவரும், பட்டியலினப் பெண்ணும் ஆவார், தாரா செரியன், காமாட்சி ஜெயராமன் ஆகியோருக்குப் பின் மூன்றாவது பெண் மாநகராட்சித் தலைவர் என்ற பெருமையைப் பெற்றுள்ளார்.[3][4][5]
சென்னையின் தண்ணீர் வடிகால் சிக்கலைத் தீர்ப்பது தன் முன்னுரிமைகளுள் ஒன்று என்பதாக பிரியா கூறியுள்ளார்.[2]
குடும்பம்
பிரியா, 1989, 1996 ஆம் ஆண்டுகளில் பெரம்பூர் தொகுதியில் தமிழகச் சட்டமன்ற உறுப்பினராகத் தேர்ந்தெடுக்கப்பட்ட திராவிட முன்னேற்றக் கழகத்தினைச் சேர்ந்த செங்கை சிவம் என்பாரின் பேத்தியாவார். பிரியாவின் தந்தை இராஜன் வட சென்னையின் திமுக பகுதிப் பொறுப்பாளராக உள்ளார்.[6]
இவரின் கணவர் கே. இராஜா பொறியியல் பட்டதாரி மற்றும் தகவல் தொழில்நுட்ப ஊழியர்.[7] திரு. வி. க. நகரின் திமுக பகுதிச் செயலாளராக உள்ளார். இவ்விணையருக்கு ஒரு மகள் உள்ளார்.[8]
மேற்கோள்கள்
- ↑ https://www.thehindu.com/news/cities/chennai/r-priya-28-elected-unopposed-is-now-chennais-mayor/article65189484.ece
- ↑ 2.0 2.1 "DMK's R Priya to make history as Chennai's first SC woman mayor". The New Indian Express. பார்க்கப்பட்ட நாள் 2022-03-11.
- ↑ https://www.nakkheeran.in/24-by-7-news/thamizhagam/chennai-mayor-r-priya
- ↑ https://www.hindutamil.in/news/tamilnadu/773824-r-priya-takes-over-as-chennai-mayor-aiadmk-did-not-participate-in-indirect-elections-1.html
- ↑ https://www.india.com/tamil-nadu/meet-r-priya-chennais-youngest-and-first-ever-dalit-woman-to-take-charge-as-mayor-5268336/
- ↑ https://timesofindia.indiatimes.com/city/chennai/priya-rajan-dmks-mayoral-candidate-in-chennai-reveals-what-her-priorities-are/articleshow/89969329.cms
- ↑ https://www.dailythanthi.com/News/TopNews/2022/03/04134304/I-will-prioritize-and-solve-basic-problems-Interview.vpf
- ↑ "மாநகராட்சி... ஆளப்போகும் மகளிர்!". Dinamani. பார்க்கப்பட்ட நாள் 2022-03-09.