இரா. காமராசு
| இயற்பெயர்/ அறியும் பெயர் |
இரா.காமராசு |
|---|---|
| பணி | தமிழ்ப் பேராசிரியர், கவிஞர், எழுத்தாளர் |
| குடியுரிமை | இந்தியர் |
இரா. காமராசு, தமிழ்நாட்டில் திருவாரூர் மாவட்டம் மன்னார்குடி வட்டம் மேலவாசல் என்னும் ஊரில் பிறந்தவர்.[1]
வாழ்க்கைக்குறிப்பு
இவருடைய பெற்றோர் இராமசாமி-அருமைக்கண்ணு. உயர்நிலைப்பள்ளி கல்வி வரை மேலவாசல் திருமுருகன் உயர்நிலைப்பள்ளியில் பயின்றார். இளங்கலை, முதுகலை, கல்வியியல் பட்டப்படிப்புகளை சென்னைப் பல்கலைக்கழகத்திலும், ஆய்வியல் நிறைஞர் பட்டத்தை பெரியார் பல்கலைக்கழகத்திலும், முனைவர் பட்ட ஆய்வினைத் தமிழ்ப்பல்கலைக்கழகத்திலும் மேற்கொண்டுள்ளார். [2]1998இல் பள்ளி ஆசிரியராகப் பொறுப்பேற்ற இவர், தற்போது தஞ்சாவூர் தமிழ்ப் பல்கலைக்கழக இலக்கியத்துறையில் பணியாற்றிவிட்டு நாட்டுப்புறவியல்துறையில் துறைத்தலைவராகப் பணிபுரிந்து வருகின்றார்.[1]
பன்முகம்
நா. வானமாமலையின் ஆய்வுப் பங்களிப்பு குறித்த ஆய்விற்காக முனைவர் பட்டம் பெற்றவர். இவரது விருப்பமான ஆய்வுக்களமாக நவீன இலக்கியம், இலக்கியத் திறனாய்வு, இதழியல் போன்றவை அமையும்.[1] இவரது மேற்பார்வையில் சுமார் 70 ஆய்வியல் நிறைஞர் மாணவர்களும், 20 முனைவர் பட்ட ஆய்வுகளும் ஆய்வினை நிறைவு செய்துள்ளனர். [2]
நூல்கள்
இவர் கீழ்க்கண்டவை உள்ளிட்ட கவிதை நூல்கள், சிறுகதைத்தொகுப்புகள், ஆய்வு நூல்கள், பாட நூல்கள், திறனாய்வு நூல்கள், தொகுப்பு நூல்களையும், சில குறு நூல்களையும் எழுதியுள்ளார். சில நூல்களுக்குத் தொகுப்பாசிரியராகவும் உள்ளார்.
- கணவனான போதும் (1993)
- நா. வாவின் படைப்புகள் நூலடைவு (1999)
- மகளுக்குச் சொல்ல (2000)
- பால்யசிநேகிதன் – தாமரைச் சிறுகதைகள் (2001)
- நூல் முகங்கள் (2002)
- ஙப்போல் வளை (2003)
- பதிவும் பார்வையும் (2007)
- குழந்தைகளைக் கொண்டாடுவோம் (2007)
- தனுஷ்கோடி ராமசாமி இலக்கியத்தடம் (2008)
- தமிழக வரலாறும் பண்பாடும் (2009)
- வேங்கை – ஆய்வுக் கட்டுரைகள் (2009)
- தமிழ் ஆளுமைகள் சிந்தனைத்தடம் (2010)
- நவீன இலக்கியம் அடையாளம் அழகியல் (2010)
- நா. வானமாமலை நூல் தொகுப்பு – இக்கால இலக்கியம் (2010)
- நா. வானமாமலை ஆராய்ச்சித் தடம் (2011) [3]
- இந்திய இலக்கியச் சிற்பிகள் – சு. சமுத்திரம் (2012) [4]
- குழந்தையும் கல்வியும் (2012)
- விளிம்பு நிலை வாழ்வியல் (2012)
- நா.வா. வாழ்வும் பணியும் (2012)
- அறிஞர் அண்ணாவின் கவிதைகள் (2013)
- விடுதலைக்குப் பின் கட்டுரை இலக்கியம் (2013)
- தமிழில் மாற்று ஆய்விதழ்கள் (2014)
- படுவழிப் படுக (2014)
- கட்டற்ற கவிதை அத்துமீறும் பயணம் (2014)
- தமிழ்த் தூதர் தனிநாயகம் (2014)
- தமிழ்ச் சிற்றிதழ்கள் வழி உருவான நவீனத் திறனாய்வுப் போக்குகள் (2016)
- இலக்கியமும் சமூகமும் சில பார்வைகள் (2016)
- தமிழ் ஆளுமைகள் மரபும் நவீனமும் (2016) [5]
- இந்திய இலக்கியச் சிற்பிகள் – தனுஷ்கோடி ராமசாமி (2016)
- கால்டுவெல்லின் தமிழ்க்கொடை (2016)
- நாவல் இலக்கியப் போக்குகள் (2016)
- உரைநடைப் பூங்கா (2016)
- தனிநாயகம் அடிகளின் தமிழியல் பங்களிப்பு (2017)
- பேராசிரியர் ந.சுப்புரெட்டியாரின் பன்முகம் (2017)
- கடித இலக்கியம் (2017) [6]
- சிறுவர் கதைக் களஞ்சியம் (சொ. சேதுபதி உடன் இணைந்து) (2017)
- பெண் எழுத்து வலியும் ஒளியும் (2018)
- தமிழ் இலக்கிய நவீனத் திறனாய்வுக் கோட்பாடுகள் (2018)
- தமிழ்ச் செம்மல் வ.சுப. மாணிக்கனாரின் தமிழியல் பங்களிப்பு (2019)
- நா.வானமாமலை நூற்றாண்டு உரையரங்கக் கட்டுரைகள் (2021) [7]
விருதுகளும் பொறுப்புகளும்
கீழ்க்கண்டவை உள்ளிட்ட பல விருதுகளைப் பெற்றுள்ள இவர் பல பொறுப்புகளை வகித்து வருகிறார்.[1]
பரிசுகள்/விருதுகள்
- பாரத ஸ்டேட் வங்கி இலக்கியப் பரிசு (2001)
- திருப்பூர் தமிழ்ச் சங்க இலக்கியப் பரிசு (2004)
- எட்டையபுரம் பாரதி விழா பரிசு (2004)
- தமிழ்நாடு கலை இலக்கியப் பெருமன்ற ஆய்வுநூல் பரிசு (2008)
- இந்தியப் பல்கலைக்கழகத் தமிழாசிரியர் மன்ற ஆய்வு நூலுக்கானப் பரிசு (2009)
- என். சி. பி. ஹெச் ஆய்வு நூல் பரிசு (2011)
- நெய்வேலி புத்தகக் கண்காட்சி – சிறந்த எழுத்தாளர் விருது
- ஜேசீஸ் – செம்மைப்பணி விருது (2013)
பொறுப்புகள்
- தேசியக்குழு உறுப்பினர், சாகித்திய அகாதமி, புதுதில்லி (2013 - 2017).
- பாடத்திட்டக்குழு உறுப்பினர், அழகப்பா பல்கலைக்கழகம், காரைக்குடி.
- பாடத்திட்டக்குழு உறுப்பினர், பாரதிதாசன் பல்கலைக்கழகம், திருச்சி.
- பாடத்திட்டக்குழு உறுப்பினர், ஜமால் முகமது கல்லூரி, திருச்சி.
- பாடத்திட்டக்குழு உறுப்பினர், நேரு நினைவுக் கல்லூரி, புத்தனாம்பட்டி.
- பாடத்திட்டக்குழு உறுப்பினர், பூ. சா. கோ கலை அறிவியல் கல்லூரி, கோவை.
- பாடத்திட்டக்குழு உறுப்பினர், காவேரி கல்லூரி, திருச்சி.
- ஆசிரியர் குழு உறுப்பினர், தாமரை இலக்கிய இதழ்.
- ஆசிரியர் குழு உறுப்பினர், தமிழ்க்கலை ஆய்விதழ்.
- ஆசிரியர் குழு உறுப்பினர், நா. வா. வின் ஆராய்ச்சி ஆய்விதழ்.
- பதிப்பாசிரியர் குழு, நியூ செஞ்சுரி புத்தக நிறுவனம், சென்னை
- ஆசிரியர் குழு உறுப்பினர், சாண்லாக்ஸ் ஆய்விதழ்
அயலகப்பயணம்
மலேசியா, மொரீசியஸ், பிரான்ஸ், ஜெர்மனி, மியன்மார், தாய்லாந்து ஆகிய நாடுகளில் தமிழ் இலக்கியக் கருத்தரங்குகளில் கலந்துகொண்டு, தமிழ் மொழிக் கற்பித்தல் பயிற்சியினை அளித்துள்ளார். [2]
மேற்கோள்கள்
- ↑ 1.0 1.1 1.2 1.3 தமிழ்ப்பல்கலைக்கழகம், இணையதளம்
- ↑ 2.0 2.1 2.2 அ.அனுசுயா, கவிஞர் இரா. காமராசுவின் படைப்புலகம், நியூ செஞ்சுரி புக் ஹவுஸ், சென்னை, டிசம்பர் 2019
- ↑ பிரபஞ்சன், எமது உள்ளம் சுடர் விடுக! 20-ஓர் ஏர் உழவன், இந்து தமிழ் திசை, 13 டிசம்பர் 2017
- ↑ தமிழ்ப் பேராழியில் கலந்த சமுத்திரம், உங்கள் நூலகம், கீற்று, 27 ஆகஸ்டு 2013
- ↑ நூல் அரங்கம், தினமணி, 14 நவம்பர் 2016
- ↑ நூல் அரங்கம், தினமணி, 6 ஆகஸ்டு 2018
- ↑ நூல் அரங்கம், தினமணி, 27 டிசம்பர் 2021
வெளி இணைப்புகள்
- ஸ்ரீ ரங்கம் சௌரிராஜன், இரா.காமராசு கவிதைகள் சில சிந்தனைகள், திண்ணை, 1 மே 2017
- ஆய்வுகளின் வழியே ஒரு வரலாற்றுப் பயணம், இரா.காமராசு, இந்து தமிழ் திசை, 18 சனவரி 2018
- இரா.காமராசு உரை, பொன்னீலன் - 80, 18 நவம்பர் 2019
- வண்டலாய் வாழ்வார் சோலை சுந்தரபெருமாள், இரா.காமராசு, இந்து தமிழ் திசை, 17 சனவரி 2021
- பொதிகை தொலைகாட்சியின் இன்றைய விருந்தினர் நிகழ்ச்சியில் முனைவர் இரா.காமராசு, 23.11.2019