ஆற்றுப்படை இலக்கணம்

தொல்காப்பியம் ஆற்றுப்படை நூலுக்கு இலக்கணம் கூறுகிறது. வள்ளல் ஒருவரிடம் தன் வறுமையைப் போக்கும் வளங்களைப் பெற்றுவந்த ஒருவர். கூத்தர், பாணர், பொருநர், விறலி முதலானோரை அவரிடம் செல்லுமாறு வழி சொல்லி அனுப்புவது ஆற்றுப்படை.

புறப்பொருளின் இலக்கணம் கூறும் புறப்பொருள் வெண்பாமாலை இவர்கள் நால்வருக்கும் தனித்தனியே இலக்கண நூற்பாவும், பொருள் விளக்கப் பாடலும் கூறுகிறது.

பாட்டியல் நூல்களில் காலத்தால் முந்திய பன்னிரு பாட்டியல் என்னும் தொகுப்பு நூலில் ஆற்றுப்படைக்குப் பொதுவகையில் இலக்கணம் கூறப்பட்டுள்ளது.