யமுனா (திரைப்படம்)

யமுனா (Yamuna) என்பது 2013 ஆம் ஆண்டு வெளியான தமிழ் திரைப்படம் ஆகும். இ. வி. கணேஷ் பாபு இயக்கிய இப்படத்தில் சத்யா, ஸ்ரீரம்யா, இ. வி. கணேஷ் பாபு ஆகியோர் முக்கிய வேடங்களில் நடித்தனர். எஸ். ஜெய்கார்த்திக், விருதை எம். பாண்டி ஆகியோர் தயாரித்த இப்படத்திற்கு இலக்கியன் இசை அமைத்தனர். பாடல்களை வைரமுத்து எழுதினார். இப்படம் 7, சூன், 2013 அன்று வெளியானது.

யமுனா
இயக்கம்	இ. வி. கணேஷ் பாபு
தயாரிப்பு	எஸ். ஜெய்கார்த்திக் விருதை எம். பாண்டி
இசை	இலக்கியன்
நடிப்பு	சத்யா ஸ்ரீரம்யா இ. வி. கணேஷ் பாபு வினோதினி வைத்தியநாதன்
ஒளிப்பதிவு	பொ. சிதம்பரம்
படத்தொகுப்பு	பி. லெனின்
கலையகம்	சிறீ அரிபாலாஜி மூவி புரொடக்சன்ஸ்
விநியோகம்	எஸ். எஸ். ஸ்டுடியோஸ்
வெளியீடு	சூன் 7, 2013 (2013-06-07)
ஓட்டம்	140 நிமிடங்கள்
நாடு	இந்தியா
மொழி	தமிழ்

கதை

கல்லூரியில் படித்து வரும் யமுனாவை (சிறீரம்யா) அதே கல்லூரியில் படிக்கும் மாணவர் பாஸ்கர் (சத்யா) காதலிக்கிறான். பாஸ்கரின் காதலை ஏற்க மறுக்கிறாள் யமுனா. இதனால் பாஸ்கர் மாடியில் இருந்து குதித்து தற்கொலைக்கு முயல்கிறான். பலத்த காயமடைந்த பாஸ்கர் காப்பாற்றபடுகிறான். பாஸ்கரின் காதலை உணர்ந்த யமுனா அவன் காதலை ஏற்கிறாள்.

இதன்பிறகு யமுனா திடீரென காணாமல் போகிறாள். சில நாட்களுக்கு பிறகு கல்லூரிக்கு திரும்பும் அவள், பாஸ்கரிடம் காதலை முறித்துக் கொள்ள நிர்ப்பந்திக்கிறாள். இதற்கான காரணம் என்ன என்பதே கதையின் பின்பகுதியாகும்.

நடிகர்கள்

• சத்யா பாஸ்கராக
• ஸ்ரீரம்யா யமுனாவாக
• இ. வி. கணேஷ் பாபு சிறப்புத் தோற்றத்தில்
• வினோதினி வைத்தியநாதன்
• பாலா சிங்
• எம். பாண்டி
• ஆடுகளம் நரேன்
• சாம்ஸ் புண்ணிகோடியாக
• பசங்க சிவகுமார்
• டி.எஸ்கே. சின்னமணியாக

இசை

படத்திற்கான இசையை இலக்கியன் அமைத்துள்ளார். படல் வரிகளை வைரமுத்து எழுதியுள்ளார்.

• "ஒற்றை பனித்துளி" - பிரசன்னா, சைந்தவி
• "ஒரு பொண்ணப்பாரு" - ராகுல் நம்பியார், சாம் பி. கீர்த்தன்
• "மண்ணை நம்பலாம்" - சாம் பி. கீர்த்தன்
• "திம்பா திம்பா" - எம். எம். மானசி
• "ஓ நெஞ்சே" - ஹரிசரண்
• "ஒரு கூட்டுப் புழு" - பத்மலதா