பலாங்கொடை

பலாங்கொடை இலங்கையின் சபரகமுவா மாகாணத்தின் இரத்தினபுரி மாவட்டத்தில் அமைந்துள்ள நகரசபை ஆகும். இது மாவட்ட தலைநகரான இரத்தினபுரிக்கு கிழக்குத் திசையில் 60 கி.மீ. தூரத்தில் அமைந்துள்ளது. இந்நகரமானது கொழும்பையும், கிழக்கு மாகாணத்தின் கல்முனையையும் இணைக்கும் ஏ4 பெருந்தெருவில் 160 கி.மீ. தூரத்தில் காணப்படுகிறது.

பலாங்கொடை බලන්ගොඩ Balangoda
நகரம்
நாடு	இலங்கை
Province	சபரகமுவா மாகாணம்
District	இரத்தினபுரி மாவட்டம்
நேர வலயம்	+5.30
இணையதளம்	www.searchbalangoda.com

புவியியலும் காலநிலையும்

இது இலங்கையின் புவியியல் பிரிவான மத்திய மலை நாட்டில் அமைந்துள்ளது. கடல் மட்டத்துக்கு மேல் சுமார் 750 மீற்றர் உயரத்தில் காணப்படுகிறது. இங்கு ஆண்டு சராசரி வெப்பநிலை 25 பாகை செல்சியஸ் ஆகும். பெரும்பாலான மழைவீழ்ச்சி தென்மேல் பருவக்காற்றின் மூலம் கிடைக்கிறது, 2000-2500 மி.மீ. ஆண்டு சராசரி மழைவீழ்ச்சியை பெறுகின்றது.

மக்கள்

இது சிங்கள மக்களை பெரும்பான்மையாக கொண்ட நகரமாகும். இங்கு 2001ஆம் ஆண்டு சனத்தொகை கணிப்பீட்டின் படி 11,397 மக்கள் வாழ்கின்றார்கள். இன அடிப்படையிலான சனத்தொகைப் பரம்பல் பின்வருமாறு:

மொத்தம்	சிங்களவர்	இலங்கைத் தமிழர்	இந்தியத் தமிழர்	முஸ்லிம்கள்	பரங்கியர்	ஏனைய
11,397	7,667	1,246	354	2,040	27	63

சமய அடிப்படையிலான சனத்தொகைப் பரம்பல் வருமாறு:

மொத்தம்	பௌத்தர்	இந்து	இஸ்லாம்	கத்தோலிக்கம்	ஏனைய கிறிஸ்தவம்	ஏனைய
11,397	7,293	1,199	2,073	688	144	0

உசாத்துணைகள்

• இலங்கை புள்ளிவிபரவியல் திணைக்களம் - பகுதி 1
• இலங்கை புள்ளிவிபரவியல் திணைக்களம் - பகுதி 2

இவற்றையும் பார்க்கவும்

• பலாங்கொடை மனிதன்