இரா. சம்பந்தன்
இராஜவரோதயம் சம்பந்தன் (Rajavarothayam Sampanthan, பிறப்பு: 5 பெப்ரவரி 1933) இலங்கைத் தமிழ் அரசியல்வாதியும், இலங்கை நாடாளுமன்ற உறுப்பினரும்,[1] தமிழ்த் தேசியக் கூட்டமைப்பு தலைவரும், இலங்கைத் தமிழரசுக் கட்சி முன்னாள் தலைவரும் ஆவார். 1977 முதல் 1983 வரை நாடாளுமன்ற உறுப்பினராக இருந்த சம்பந்தன், பின்னர் 2001 முதல் நாடாளுமன்ற உறுப்பினராக உள்ளார். 2015 செப்டம்பர் 3 முதல்[2][3][4] 2018 டிசம்பர் 18 வரை இவர் இலங்கையின் எதிர்க்கட்சித் தலைவராகப் பதவி வகித்தார்.
| இரா. சம்பந்தன் | |
|---|---|
| |
| 2013 இல் சம்பந்தன் | |
| 14-வது எதிர்க்கட்சித் தலைவர் | |
| பதவியில் 3 செப்டம்பர் 2015 – 18 திசம்பர் 2018 | |
| குடியரசுத் தலைவர் | மைத்திரிபால சிறிசேன |
| பிரதமர் | ரணில் விக்கிரமசிங்க |
| முன்னவர் | நிமல் சிரிபால டி சில்வா |
| பின்வந்தவர் | மகிந்த ராசபக்ச |
| தமிழ்த் தேசியக் கூட்டமைப்பு தலைவர் | |
| பதவியில் உள்ளார் | |
| பதவியேற்பு 2001 | |
| இலங்கை நாடாளுமன்ற உறுப்பினர் | |
| பதவியில் உள்ளார் | |
| பதவியேற்பு 5 திசம்பர் 2001 | |
| தொகுதி | திருகோணமலை மாவட்டம் |
| பெரும்பான்மை | 33,834 |
| பதவியில் 7 அக்டோபர் 1997 – 18 ஆகத்து 2000 | |
| முன்னவர் | அருணாசலம் தங்கத்துரை |
| தொகுதி | திருகோணமலை மாவட்டம் |
| பதவியில் 21 சூலை 1977 – 7 செப்டம்பர் 1983 | |
| முன்னவர் | பா. நேமிநாதன் |
| தொகுதி | திருகோணமலை |
| பெரும்பான்மை | 15,144 |
| தனிநபர் தகவல் | |
| பிறப்பு | 5 பெப்ரவரி 1933 |
| இறப்பு | 30-06-2024 |
| குடியுரிமை | இலங்கையர் |
| தேசியம் | இலங்கைத் தமிழர் |
| அரசியல் கட்சி | இலங்கைத் தமிழரசுக் கட்சி |
| பிற அரசியல் சார்புகள் |
தமிழ்த் தேசியக் கூட்டமைப்பு |
| படித்த கல்வி நிறுவனங்கள் | இலங்கை சட்டக் கல்லூரி |
| தொழில் | வழக்கறிஞர் |
வாழ்க்கைச் சுருக்கம்
திருகோணமலையைப் பிறப்பிடமாகக் கொண்ட சம்பந்தனின் தந்தை ஏ. இராஜவரோதயம் கல்லோயா திட்டத்தில் பணியாற்றியவர். சம்பந்தன் யாழ்ப்பாணம் சம்பத்தரிசியார் கல்லூரி, மொரட்டுவை புனித செபஸ்தியான் கல்லூரி ஆகியவற்றில் கல்வி கற்றார். பின்னர் இலங்கை சட்டக் கல்லூரியில் சட்டம் பயின்று வழக்கறிஞர் ஆனார். லீலாதேவி என்பாரைத் திருமணம் புரிந்தார். இவர்களுக்கு சஞ்சீவன், செந்தூரன், கிரிசாந்தினி என மூன்று பிள்ளைகள் உள்ளனர்.
அரசியலில்
.jpg)
சம்பந்தன் 1977 ஆம் ஆண்டு நாடாளுமன்றத் தேர்தலில் தமிழர் விடுதலைக் கூட்டணியின் சார்பில் திருகோணமலைத் தொகுதியில் போட்டியிட்டு வெற்றி பெற்று நாடாளுமன்ற உறுப்பினர் ஆனார்.[5] 1983ஆம் ஆண்டு நடுப்பகுதியில் தமிழர் விடுதலைக் கூட்டணி (தவிகூ) நாடாளுமன்ற உறுப்பினர்கள் அனைவரும் நாடாளுமன்றத்தைப் புறக்கணித்தனர். இலங்கை அரசியலமைப்பின் ஆறாவது திருத்தச் சட்டத்தின் படி தனி நாடு கோருவதற்கு ஆதரவளிக்க முடியாது என நாடாளுமன்றத்தில் சத்தியப் பிரமாணம் எடுக்க மறுத்தமைக்காகவும், 1983 கறுப்பு சூலை நிகழ்வுகளில் மூவாயிரத்திற்கும் அதைகமான தமிழர்கள் சிங்களக் காடையர்களினால் படுகொலை செய்யப்பட்டதற்கும், அவர்களது உடைமைகள் சேதமாக்கப்பட்டதற்கும் எதிர்ப்புத் தெரிவித்தும் அவர்கள் நாடாளுமன்ற அமர்வுகளைப் புறக்கணித்தனர். மூன்று மாதங்கள் தொடர்ந்து நாடாளுமன்ற அமர்வுகளில் பங்குபற்றாமல் போனதால் சம்பந்தன் தனது நாடாளுமன்ற உறுப்பினர் பதவியை 1983, செப்டம்பர் 7 இல் இழந்தார்[6].
1989 நாடாளுமன்றத் தேர்தலில் சம்பந்தன் ஈஎன்டிஎல்எஃப்/ஈபிஆர்எல்எஃப்/டெலோ/தவிகூ கூட்டமைப்பின் வேட்பாளராக திருகோணமலை மாவட்டத்தில் போட்டியிட்டார். கூட்டணியின் வேட்பாளர் எவரும் இம்மாவட்டத்தில் வெற்றி பெறவில்லை.[7][8]
2001 ஆம் ஆண்டில் தவிகூ, அகில இலங்கைத் தமிழ்க் காங்கிரஸ், ஈழ மக்கள் புரட்சிகர விடுதலை முன்னணி (ஈபிஆர்எல்எஃப்), டெலோ ஆகிய கட்சிகள் இணைந்து தமிழ்த் தேசியக் கூட்டமைப்பு (ததேகூ) என்ற புதிய கூட்டணிக் கட்சி ஒன்றை ஆரம்பித்தனர். இக்கூட்டணிக்கு சம்பந்தன் தலைமைப் பொறுப்பை ஏற்றார். அக்கட்சி தேர்தல் சட்டத்தில் அங்கீகரிக்கப்படாத படியால் கூட்டமைப்பு தமிழர் விடுதலைக் கூட்டணியின் பெயரில் 2001 ஆம் ஆண்டுத் தேர்தலில் போட்டியிட்டது. சம்பந்தன் திருகோணமலைத் தேர்தல் மாவட்டத்தில் போட்டியிட்டு வெற்றி பெற்றார். இதன் காரணமாக 18 ஆண்டுகளின் பின்னர் சம்பந்தன் நாடாளுமன்றத்திற்கு மீண்டும் தெரிவு செய்யப்பட்டார்[9].
தமிழ்த் தேசியக் கூட்டமைப்பு அமைக்கப்பட்ட சிறிது காலத்தில் விடுதலைப் புலிகளை இலங்கைத் தமிழரின் ஏக பிரதிநிதிகளாக ஏற்றுக் கொண்டு அவர்களுக்குச் சார்பாக தனது நிலைப்பாட்டினை முன்னெடுத்தது. இந்நிலைப்பாட்டுக்கு தவிகூ தலைவர் வி. ஆனந்தசங்கரி எதிர்ப்புத் தெரிவித்து கூட்டமைப்பில் இருந்து விலகினார். அத்துடன், 2004 ஆம் ஆண்டு தேர்தலில் தமிழர் விடுதலைக் கூட்டணியின் பெயருடன் போட்டியிடுவதற்கு ஆனந்தசங்கரி அனுமதிக்கவில்லை.[10] இதனால் சம்பந்தன் தலைமையிலான தமிழ்த் தேசியக் கூட்டமைப்பினர் இலங்கைத் தமிழரசுக் கட்சியின் சின்னத்தில் போட்டியிட்டனர். சம்பந்தன் தமிழரசுக் கட்சியின் தலவராகத் தேர்ந்தெடுக்கப்பட்டார்.
2004,[11] 2010[12], 2015,[13][14] 2020[15][16][17] நாடாளுமன்றத் தேர்தல்களில் சம்பந்தன் திருகோணமலைத் தொகுதியில் இருந்து மீண்டும் தேர்ந்தெடுக்கப்பட்டார்.
எதிர்க்கட்சித் தலைவர்
2015 தேர்தலில் முக்கிய கட்சிகளான ஐக்கிய தேசியக் கட்சி (ஐதேக), ஐக்கிய மக்கள் சுதந்திரக் கூட்டணி (ஐமசுகூ) ஆகியன முறையே 106, 95 இடங்களைக் கைப்பற்றியிருந்தன. ஐதேக ஆட்சியமைப்பதற்குத் தேவையான அறுதிப் பெரும்பான்மை கிடைக்காததால், இரண்டு முக்கிய கட்சிகளும் இணைந்து தேசிய அரசாங்கம் ஒன்றை அமைத்தன. இதனால் 16 இடங்களைக் கைப்பற்றி மூன்றாவது இடத்தில் இருந்த தமிழ்த் தேசியக் கூட்டமைப்பின் தலைவர் இரா. சம்பந்தன் 2015 செப்டம்பர் 3 இல் எதிர்க்கட்சித் தலைவராகத் தேர்ந்தெடுக்கப்பட்டார்.[2][3][4][18]
தேர்தல் வரலாறு
| தேர்தல் | தொகுதி | கட்சி | கூட்டணி | வாக்குகள் | முடிவு | ||
|---|---|---|---|---|---|---|---|
| 1977 நாடாளுமன்றம் | திருகோணமலை | இலங்கைத் தமிழரசுக் கட்சி | தமிழர் விடுதலைக் கூட்டணி | தெரிவு | |||
| 1989 நாடாளுமன்றத் தேர்தல் | திருகோணமலை மாவட்டம் | இலங்கைத் தமிழரசுக் கட்சி | தமிழர் விடுதலைக் கூட்டணி | தேர்ந்தெடுக்கப்படவில்லை | |||
| 2001 நாடாளுமன்றத் தேர்தல் | திருகோணமலை மாவட்டம் | இலங்கைத் தமிழரசுக் கட்சி | தமிழ்த் தேசியக் கூட்டமைப்பு | தெரிவு | |||
| 2004 நாடாளுமன்றத் தேர்தல் | திருகோணமலை மாவட்டம் | இலங்கைத் தமிழரசுக் கட்சி | தமிழ்த் தேசியக் கூட்டமைப்பு | தெரிவு | |||
| 2010 நாடாளுமன்றத் தேர்தல் | திருகோணமலை மாவட்டம் | இலங்கைத் தமிழரசுக் கட்சி | தமிழ்த் தேசியக் கூட்டமைப்பு | தெரிவு | |||
| 2015 நாடாளுமன்றத் தேர்தல் | திருகோணமலை மாவட்டம் | இலங்கைத் தமிழரசுக் கட்சி | தமிழ்த் தேசியக் கூட்டமைப்பு | தெரிவு | |||
| 2020 நாடாளுமன்றத் தேர்தல் | திருகோணமலை மாவட்டம் | இலங்கைத் தமிழரசுக் கட்சி | தமிழ்த் தேசியக் கூட்டமைப்பு | தெரிவு | |||
மேற்கோள்கள்
- Dictionary of Biography of the Tamils of Ceylon. 1997. பக். 173–174.
- "RAJAVAROTHIAM SAMPANTHAN". Directory of Members (இலங்கை நாடாளுமன்றம்). http://www.parliament.lk/directory_of_members/ViewMember.do?memID=309.
- ↑ "Directory of Members: Rajavarothiam Sampanthan, M.P.". Sri Jayawardenepura Kotte, Sri Lanka: இலங்கை நாடாளுமன்றம். https://www.parliament.lk/en/members-of-parliament/directory-of-members/viewMember/309. பார்த்த நாள்: 24 September 2020.
- ↑ 2.0 2.1 "Sampanthan Chosen As New Leader Of The Opposition". கொழும்பு டெலிகிராப். 3 செப்டம்பர் 2015. https://www.colombotelegraph.com/index.php/sampanthan-chosen-as-new-leader-of-the-opposition/. பார்த்த நாள்: 3 செப்டம்பர் 2015.
- ↑ 3.0 3.1 "Ethnic Tamil lawmaker becomes opposition leader in Sri Lanka for first time in decades". Fox News. 3 செப்டம்பர் 2015. http://www.foxnews.com/world/2015/09/03/ethnic-tamil-lawmaker-becomes-opposition-leader-in-sri-lanka-for-first-time-in/. பார்த்த நாள்: 3 செப்டம்பர் 2015.
- ↑ 4.0 4.1 TNA’s Sampanthan becomes opposition leader in Sri Lankan parliament, தி இந்து, 3 செப்டம்பர் 2015
- ↑ "Result of Parliamentary General Election 1977". இலங்கைத் தேர்தல் திணைக்களம் இம் மூலத்தில் இருந்து 2011-07-17 அன்று. பரணிடப்பட்டது.. https://web.archive.org/web/20110717002624/http://www.slelections.gov.lk/pdf/General%20Election%201977.PDF.
- ↑ Wickramasinghe, Wimal (18 சனவரி 2008). "Saga of crossovers, expulsions and resignations etc. Referendum for extention of Parliament". தி ஐலண்ட், இலங்கை இம் மூலத்தில் இருந்து 2011-06-17 அன்று. பரணிடப்பட்டது.. https://web.archive.org/web/20110617063609/http://www.island.lk/2008/01/18/features11.html.
- ↑ "Result of Parliamentary General Election 1989". இலங்கைத் தேர்தல் திணைக்களம் இம் மூலத்தில் இருந்து 2009-03-04 அன்று. பரணிடப்பட்டது.. https://web.archive.org/web/20090304101343/http://www.slelections.gov.lk/pdf/Results_1989%20GENERAL%20ELECTION.PDF.
- ↑ de Silva, W. P. P.; Ferdinando, T. C. L.. 9th Parliament of Sri Lanka. Associated Newspapers of Ceylon Limited. பக். 182 இம் மூலத்தில் இருந்து 2015-06-23 அன்று. பரணிடப்பட்டது.. https://web.archive.org/web/20150623233447/http://noolaham.net/project/148/14715/14715.pdf. பார்த்த நாள்: 2015-09-03.
- ↑ "General Election 2001 Preferences". இலங்கைத் தேர்தல் திணைக்களம் இம் மூலத்தில் இருந்து 2010-03-04 அன்று. பரணிடப்பட்டது.. https://web.archive.org/web/20100304015155/http://www.slelections.gov.lk/pdf/preference2001GE.pdf.
- ↑ "Objection against TNA using HOUSE symbol rejected". தமிழ்நெட். 28 பெப்ரவரி 2004. http://www.tamilnet.com/art.html?catid=13&artid=11340. பார்த்த நாள்: 28 பெப்ரவரி 2010.
- ↑ "General Election 2004 Preferences". இலங்கைத் தேர்தல் திணைக்களம் இம் மூலத்தில் இருந்து 2010-03-04 அன்று. பரணிடப்பட்டது.. https://web.archive.org/web/20100304015514/http://www.slelections.gov.lk/pdf/Preference2004GE.pdf.
- ↑ "Parliamentary General Election - 2010 Trincomalee Preferences". இலங்கைத் தேர்தல் திணைக்களம் இம் மூலத்தில் இருந்து 2010-05-13 அன்று. பரணிடப்பட்டது.. https://web.archive.org/web/20100513034918/http://www.slelections.gov.lk/pdf/GE2010_preferences/Trincomalee_pref_GE2010.pdf.
- ↑ "Ranil tops with over 500,000 votes in Colombo". டெய்லிமிரர். 19 ஆகத்து 2015. http://www.dailymirror.lk/83949/ranil-tops-with-over-500-000-votes-in-colombo.
- ↑ "Preferential Votes". டெய்லிநியூஸ். 19 ஆகத்து 2015 இம் மூலத்தில் இருந்து 2015-08-20 அன்று. பரணிடப்பட்டது.. https://archive.today/20150820025307/http://www.dailynews.lk/?q=political/preferential-votes-2.
- ↑
- ↑ "General Election 2020: Preferential votes of Trincomalee District". Ceylon Today (Colombo, Sri Lanka). 7 August 2020 இம் மூலத்தில் இருந்து 24 செப்டம்பர் 2020 அன்று. பரணிடப்பட்டது.. https://web.archive.org/web/20200924220408/https://ceylontoday.lk/news/general-election-2020-preferential-votes-of-trincomalee-district. பார்த்த நாள்: 24 September 2020.
- ↑ டி. பி. எஸ். ஜெயராஜ் (8 August 2020). "TNA suffers electoral setback in North and East polls". Daily Mirror (Colombo, Sri Lanka). http://www.dailymirror.lk/opinion/TNA-suffers-electoral-setback-in-North-and-East-polls/172-193440. பார்த்த நாள்: 24 September 2020.
- ↑ "Tamil MP Sampanthan to lead Sri Lanka opposition". பிபிசி. 3 செப்டம்பர் 2015. http://www.bbc.co.uk/news/world-asia-34136684.