வைக்கம் சரஸ்வதி
| இயற்பெயர்/ அறியும் பெயர் |
வைக்கம் சரஸ்வதி |
|---|---|
| பிறந்தஇடம் | வைக்கம், இந்தியா |
| பணி | கருநாடக இசைப் பாடகி |
| அறியப்படுவது | கருநாடக இசைப் பாடகி, பின்னணிப் பாடகி |
வைக்கம் சரஸ்வதி (Vaikom Saraswathi) தென்னிந்திய கருநாடக இசைப் பாடகியும், திரைப்படப் பின்னணிப் பாடகியும் ஆவார்.[1] இவர் பாடிய பல கருநாடக இசைப் பாடல்கள் இசைத்தட்டுகளில் வெளிவந்துள்ளன.[1] இந்திய வானொலிகளில் 1940கள், 50களில் இவரது கச்சேரிகள் ஒலிபரப்பப்பட்டுள்ளன.[2]
வாழ்க்கைக் குறிப்பு
வைக்கம் சரசுவதியின் தந்தை காலட்சேபதிலகம் என அழைக்கப்பட்ட கவாய் விசுவநாத பாகவதர் ஆவார்.[3] கதாகாலட்சேபம் செய்து கொண்டே இசையுலகில் நுழைந்தவர் சரசுவதி. ஜி. என். பாலசுப்பிரமணியத்தின் மாணவி.[3]
தமிழில் பின்னணிப் பாடல் முறை வரத்தொடங்கிய 1947-ஆம் ஆண்டில், கே. வி. மகாதேவன் வைக்கம் சரஸ்வதியை தன அமராவதி திரைப்படத்திலே பின்னணிப் பாடகியாக அறிமுகம் செய்தார்.[1] நடிகை பி. எஸ். சரோஜாவிற்காக கண்டேனடி, உன் திருவருள், அழகை ஆகிய பாடல்களை இத்திரைப்படத்தில் இவர் பாடினார்.[4] 1948 இல் வெளிவந்த ஜம்பம் திரைப்படத்தில் வாரும் இந்த வேளை, சேதி என்ன ஆகிய பாடல்களையும் இவர் பாடினார்.[4]
மேற்கோள்கள்
- ↑ 1.0 1.1 1.2 கலைமாமணி வாமனன் (29-04-2018). "‘திரை இசைத்திலகம் கே.வி.மகாதேவன் 1918–2018’ – 9". தினமலர் இம் மூலத்தில் இருந்து 2019-09-05 அன்று. பரணிடப்பட்டது.. https://archive.today/20190905130023/http://www.dinamalarnellai.com/web/news/48074. பார்த்த நாள்: 5-09-2019.
- ↑ "The Indian Listener" இம் மூலத்தில் இருந்து 2019-09-05 அன்று. பரணிடப்பட்டது.. https://archive.today/20190905130451/https://www.americanradiohistory.com/hd2/IDX-International/Indian-Listener-IDX/IDX/40s/The-Indian-Listener-1945-22-05-1945-OCR-Page-0048.pdf. பார்த்த நாள்: 5 செப்டம்பர் 2019.
- ↑ 3.0 3.1 கானதாசன் (1948-10-31). "வித்வத் மண்டலம்". ஹனுமான்: 40.
- ↑ 4.0 4.1 "வைக்கம் சரஸ்வதி". பேசும் படம். சனவரி 1949.
வெளி இணைப்புகள்
- யூடியூபில் குழலூதும் கண்ணன் எங்கே - வைக்கம் சரசுவதியின் பாடல்