பாவண்ணன்

தமிழர்விக்கி இல் இருந்து
Jump to navigation Jump to search
பாவண்ணன்
பாவண்ணன்
இயற்பெயர்/
அறியும் பெயர்		 பாவண்ணன்
பிறப்புபெயர் பாஸ்கரன்
பிறந்ததிகதி அக்டோபர் 20, 1958
பிறந்தஇடம் தமிழ்நாடு
பணி பொறியாளர்
இணையதளம் Paavannan

பாவண்ணன் (பிறப்பு: 20 அக்டோபர் 1958) ஒரு குறிப்பிடத்தக்க தமிழ் எழுத்தாளர். 1980களில் எழுதவந்த சிறுகதை எழுத்தாளத் தலைமுறையைச் சேர்ந்தவர். இவருடைய முதல் சிறுகதை நா. பார்த்தசாரதியை ஆசிரியராகக் கொண்டு வெளிவந்த தீபம் சிற்றிதழில் 1982 ஆம் ஆண்டில் வெளிவந்தது[1]. சிற்றிதழ்களிலும் பெரிய இதழ்களிலும் தொடர்ந்து தரமான படைப்புகளை எழுதிவருகிறார். தமிழ்ச்சிறுகதைகளையும் தமிழில் வெளிவந்த பிறமொழிச் சிறுகதைகளையும் முன்வைத்து ’எனக்குப் பிடித்த கதைகள்’ என்னும் தலைப்பில் ’திண்ணை’ என்னும் இணைய இதழில் சிறுகதைகளில் பொதிந்திருக்கும் அழகியலையும் வாழ்வியலையும் இணைத்துப் பொருத்திப் புரிந்துகொள்ளும் விதமாக இவர் எழுதிய நூறு கட்டுரைகள் பரவலான வாசக கவனம் பெற்றவை.

ஐம்பது தமிழ்க்கவிஞர்களின் படைப்புகளை முன்வைத்து ’உயிரோசை’ இணைய தளத்தில் ’மனம் வரைந்த ஓவியம்’ என்னும் தலைப்பில் இவர் எழுதிய கட்டுரைகளும் முக்கியமானவை. ரசனையை அடிப்படையாகக்கொண்டு இவர் எழுதிய பல இலக்கியக் கட்டுரைகள் இவரை தமிழ் அழகியல் விமர்சகர்களின் வரிசையில் வைத்துக் கணிக்கத்தக்கவை. சிறுகதை, கவிதை, நாவல், குழந்தைப்பாடல்கள், கட்டுரைகள், திரைப்பட விமர்சனங்கள் என பல தளங்களில் தொடர்ந்து எழுதி வருகிறார். கடந்த இருபதாண்டுகளுக்கும் மேலாக, கன்னட மொழியிலிருந்து பல முக்கியமான ஆளுமைகளைத் தமிழ் வாசகர்களுக்கு அறிமுகப்படுத்தும் வகையில் சிறுகதை, நாவல், கவிதை, சுயசரிதைகள் என ஏராளமான படைப்புகளை மொழிபெயர்த்தளித்துள்ளார்.

இவருக்கு கனடா தமிழ் இலக்கியத் தோட்டம் 2022 ஆம் ஆண்டிற்கான வாழ்நாள் சாதனையாளருக்கான இயல் விருது வழங்கப்பட்டது.[2]

வாழ்க்கைக் குறிப்பு

பாவண்ணன் புதுச்சேரிக்கும் விழுப்புரத்துக்கும் இடையில் உள்ள வளவனூர் என்னும் சிற்றூரில் அக்டோபர் 20, 1958 அன்று பிறந்தார். தாயார் பெயர் சகுந்தலா; தந்தையார் பெயர் பலராமன். அவரது இயற்பெயர் பாஸ்கரன். பள்ளிக்கல்வியை வளவனூரிலும் புகுமுக வகுப்பை விழுப்புரம் அரசுக்கல்லூரியிலும் பட்டப்படிப்பை புதுச்சேரி தாகூர் கலைக்கல்லூரியிலும் படித்துத் தேறினார். தொடக்கத்தில் ஓராண்டுக்கும் மேலாக புதுச்சேரி தொலைபேசி அலுவலகத்தில் பணிபுரிந்த பிறகு, இளம்பொறியாளர் பணிக்குத் தேர்ந்தெடுக்கப்பட்டு கர்நாடகத்துக்குச் சென்றார். கோட்டப் பொறியாளராக பணி ஓய்வு பெற்று தற்சமயம் பெங்களூரில் வசித்து வருகிறார். இவருடைய மனைவி அமுதா. மகன் அம்ரிதா மயன் கார்க்கி.

ஆக்கங்கள்

கவிதைகள்

  1. குழந்தையைப் பின்தொடரும் காலம் (1997 விடியல் பதிப்பகம்)
  2. கனவில் வந்த சிறுமி (2006 அகரம் பதிப்பகம்)
  3. புன்னகையின் வெளிச்சம் (2007 சந்தியா பதிப்பகம்)

சிறுகதைகள்

  1. வேர்கள் தொலைவில் இருக்கின்றன (1987 ‍ காவ்யா பதிப்பகம்)
  2. பாவண்ணன் கதைகள் (1990 அன்னம் பதிப்பகம்)
  3. வெளிச்சம் (1990 மீனாட்சி பதிப்பகம்)
  4. வெளியேற்றம் (1991 காவ்யா பதிப்பகம்)
  5. நேற்று வாழ்ந்தவர்கள் (1992 காவ்யா பதிப்பகம்)
  6. வலை (1996 தாகம் பதிப்பகம்)
  7. அடுக்கு மாளிகை (1998 காவ்யா பதிப்பகம்)
  8. நெல்லித் தோப்பு (1998 ஸ்நேகா பதிப்பகம்)
  9. ஏழுலட்சம் வரிகள் (2001 காவ்யா பதிப்பகம்)
  10. ஏவாளின் இரண்டாவது முடிவு (2002 தமிழினி பதிப்பகம்)
  11. கடலோர வீடு (2004 காவ்யா பதிப்பகம்)
  12. வெளியேற்றப்பட்ட குதிரை (2006 அகரம் பதிப்பகம்)
  13. இரண்டு மரங்கள் (2008 புதுமைபித்தன் பதிப்பகம்)
  14. பொம்மைக்காரி (2011 சந்தியா பதிப்பகம்)
  15. பச்சைக்கிளிகள் (2014 சந்தியா பதிப்பகம்)
  16. பாக்குத்தோட்டம் ( 2014, உயிர்மை பதிப்பகம் )
  17. கண்காணிப்புக் கோபுரம் (2016, சந்தியா பதிப்பகம்)
  18. பிரயாணம் ( தேர்ந்தெடுத்த சிறுகதைகள்- 2016, காலச்சுவடு பதிப்பகம்)
  19. ஆனந்த நிலையம் (2020, சந்தியா பதிப்பகம் )
  20. கனவு மலர்ந்தது (2020, சந்தியா பதிப்பகம் )
  21. நயனக்கொள்ளை (2022, சந்தியா பதிப்பகம்)

நாவல்கள்

  1. வாழ்க்கை ஒரு விசாரணை (1987 புத்தகப்பூங்கா, 2014 என்.சி.பி.எச். பதிப்பகம்)
  2. சிதறல்கள் (1990 தாகம் பதிப்பகம், 2014 என்.சி.பி.எச். பதிப்பகம் )
  3. பாய்மரக்கப்பல் (1995, 2014 காவ்யா பதிப்பகம்)

குறுநாவல்கள்

  1. இது வாழ்க்கையில்லை (1989 சரவணபாலு பதிப்பகம்)
  2. ஒரு மனிதரும் சில வருஷங்களும் (1989, 2005, 2018 அகரம் பதிப்பகம்)

கட்டுரைகள்

  1. எட்டுத்திசையெங்கும் தேடி (2002 அகரம் பதிப்பகம்)
  2. எனக்குப் பிடித்த கதைகள் (2003 காலச்சுவடு பதிப்பகம்)
  3. ஆழத்தை அறியும் பயணம் (2004 காலச்சுவடு பதிப்பகம்)
  4. தீராத பசிகொண்ட விலங்கு (2004 சந்தியா பதிப்பகம்)
  5. வழிப்போக்கன் கண்ட வானம் (2005 அகரம் பதிப்பகம்)
  6. எழுத்தென்னும் நிழலடியில் (2004 சந்தியா பதிப்பகம்)
  7. மலரும் மணமும் தேடி (2005 சந்தியா பதிப்பகம்)
  8. இருபத்திரண்டு அட்டைப்பெட்டிகள் (2006 சந்தியா பதிப்பகம்)
  9. நதியின் கரையில் (2007 எனி இந்தியன் பதிப்பகம், 2018, சந்தியா பதிப்பகம்)
  10. துங்கபத்திரை (2008 எனி இந்தியன் பதிப்பகம், 2017, சந்தியா பதிப்பகம்)
  11. ஒரு துண்டு நிலம் (2008 அகரம் பதிப்பகம்)
  12. உரையாடும் சித்திரங்கள் (2008 புதுமைபித்தன் பதிப்பகம்)
  13. வாழ்வென்னும் வற்றாத நதி (2008 அகரம் பதிப்பகம்)
  14. ஒட்டகம் கேட்ட இசை (2010 காலச்சுவடு பதிப்பகம்)
  15. அருகில் ஒளிரும் சுடர் (2010 அகரம் பதிப்பகம்)
  16. மனம் வரைந்த ஓவியம் (2011 அகரம் பதிப்பகம்)
  17. புதையலைத் தேடி (2012 சந்தியா பதிப்பகம்)
  18. கனவுகளும் கண்ணீரும் (2014, என்.சி.பி.எச். வெளியீடு)
  19. படகோட்டியின் பயணம் (2017, என்.சி.பி.எச். வெளியீடு)
  20. வெங்கட் சாமிநாதன்: சில பொழுதுகள் சில நினைவுகள் (2017, சந்தியா பதிப்பகம்)
  21. கதவு திறந்தே இருக்கிறது (2018, பாரதி புத்தகாலயம்)
  22. சிட்டுக்குருவியின் வானம் (2018 சந்தியா பதிப்பகம்)[3]
  23. சத்தியத்தின் ஆட்சி - காந்திய ஆளுமைகளின் கதைகள் (2019, சந்தியா பதிப்பகம்)
  24. ஒரு சொல்லின் வழியாக (2019, என்.சி.பி.எச். வெளியீடு)
  25. எல்லாம் செயல்கூடும் - காந்திய ஆளுமைகளின் கதைகள் (2020, சந்தியா பதிப்பகம் )
  26. வற்றாத நினைவுகள் (2021, என்.சி.பி.எச். வெளியீடு)
  27. நான் கண்ட பெங்களூரு (2021, சந்தியா பதிப்பகம்)
  28. ஒன்பது குன்று (2021, சிறுவாணி வாசகர் மையம்)
  29. என் வாழ்வில் புத்தகங்கள் (2021, சந்தியா பதிப்பகம் )
  30. மண்ணில் பொழிந்த மாமழை - காந்திய ஆளுமைகளின் கதைகள் (2021, சந்தியா பதிப்பகம்)
  31. சென்றுகொண்டே இருக்கிறேன் - பாவண்ணன் நேர்காணல்கள் (2022, சந்தியா பதிப்பகம்)
  32. தங்கப்பா - இந்திய இலக்கியச்சிற்பிகள் வரிசை நூல் (2022, சாகித்திய அகாதெமி )
  33. விட்டல்ராவும் நானும் உரையாடிக்கொண்டிருந்தோம் (2022, சந்தியா பதிப்பகம் )
  34. எப்பிறப்பில் காண்போம் இனி (2022, சந்தியா பதிப்பகம் )
  35. விட்டல்ராவின் உரையாடல்கள் - சில நினைவுப்பதிவுகள் (2023, சந்தியா பதிப்பகம்)

குழந்தைகளுக்கான நூல்கள்

  1. பொம்மைக்கு ஓர் இடம் வேண்டும் - பாடல்கள் (1992 கலைஞன் பதிப்பகம்)
  2. பச்சைக்கிளியே பறந்துவா - பாடல்கள் (2009 அகரம் பதிப்பகம்)
  3. யானை சவாரி - பாடல்கள் (2014, பாரதி புத்தகாலயம்)
  4. மீசைக்காரப் பூனை- பாடல்கள் (2016, பாரதி புத்தகாலயம்)-
  5. எட்டு மாம்பழங்கள் - பாடல்கள் (2017, பாரதி புத்தகாலயம்)
  6. நான்கு கனவுகள் - சிறுகதைகள் (2018, நெஸ்லிங் புக்ஸ் பப்ளிஷிங்)
  7. கன்றுக்குட்டி - பாடல்கள் (2019, பாரதி புத்தகாலயம்)
  8. கொண்டைக்குருவி - பாடல்கள் (2022, பாரதி புத்தகாலயம்)
  9. பொம்மைகள் -சிறார் கதைகள் (2022, தன்னறம் பதிப்பகம்)
  10. வணக்கம் சொல்லும் குரங்கு - பாடல்கள் (2022, பாரதி புத்தகாலயம்
  11. பாவண்ணன் பாடல்கள் (2022, பாரதி புத்தகாலயம்)

மொழிபெயர்ப்புகள்

கன்னடத்திலிருந்து
  1. கன்னட நவீனக் கவிதைகள் (1992, கனவு)
  2. பலிபீடம் (1992 நாடகம், நாடகவெளி, காவ்யா பதிப்பகம்)
  3. நாகமண்டலம் (1993 நாடகம், நாடகவெளி, காவ்யா பதிப்பகம், 2022 காலச்சுவடு)
  4. மதுரைக்காண்டம் (1994 நாடகம், காவ்யா பதிப்பகம்)
  5. வினைவிதைத்தவன் வினை அறுப்பான் (1995 நாவல், என்பிடி)
  6. புதைந்த காற்று (1996 தலித் எழுத்துகளின் தொகைநூல், விடியல் பதிப்பகம்)
  7. ஊரும் சேரியும் (1996 தலித் சுயசரிதை, விடியல் பதிப்பகம், 2015 காலச்சுவடு பதிப்பகம்)
  8. கல்கரையும் நேரம் (1998, லங்கேஷ் சிறுகதைகள், சாகித்திய அகாதெமி)
  9. கவர்மென்ட் பிராமணன் (1998 தலித் சுயசரிதை, விடியல் பதிப்பகம், 2015 காலச்சுவடு பதிப்பகம்)
  10. பசித்தவர்கள் (1999 நாவல், என்பிடி)
  11. வடகன்னட நாட்டுப்புறக்கதைகள் (2001, சாகித்திய அகாதெமி)
  12. அக்னியும் மழையும் (2002 நாடகம், காவ்யா பதிப்பகம்)
  13. பருவம் (2002 நாவல், சாகித்திய அகாதெமி)
  14. ஆயிரம் மரங்கள் ஆயிரம் பாடல்கள் (2004 நவீன கன்னட இலக்கிய எழுத்துகள் தொகைநூல், அகரம் பதிப்பகம்)
  15. நூறு சுற்றுக்கோட்டை (2004 நவீன கன்னட சிறுகதைகள் தொகைநூல்)
  16. ஓம் நமோ (2008 நாவல், சாகித்திய அகாதெமி)
  17. அக்னியும் மழையும் (2011 ஆறு நாடகங்களின் தொகைநூல், காலச்சுவடு பதிப்ப‌கம்)
  18. தேர் (2010 நாவல், சாகித்திய அகாதெமி)
  19. வீரப்பன் பிடியில் பதினான்கு நாட்கள்[4] (2013 கட்டுரை, காலச்சுவடு பதிப்ப‌கம்)
  20. வாழ்வின் தடங்கள் (தன்வரலாறு, 2017, காலச்சுவடு பதிப்பகம்)
  21. சிதைந்த பிம்பம் (நாடகம், 2018, காலச்சுவடு பதிப்பகம்)
  22. அஞ்சும் மல்லிகை (நாடகம், 2018, காலச்சுவடு பதிப்பகம்)
  23. திருமண ஆல்பம் (நாடகம், 2019, காலச்சுவடு பதிப்பகம்)
  24. அனலில் வேகும் நகரம் (நாடகம், 2019, காலச்சுவடு பதிப்பகம் )
ஆங்கிலத்திலிருந்து
  1. நீர்யானை முடியுடன் இருந்தபோது (1998 ஆப்பிரிக்க வனவிலங்களைப்பற்றிய கதைகள், என்பிடி)
  2. காட்டின் கதைகள் (2003, சுற்றுப்புறச்சூழல் கல்வி மையம், பெங்களூரு)
  3. வியப்பூட்டும் பாலூட்டிகள் (2003, சுற்றுப்புறச்சூழல் கல்வி மையம், பெங்களூரு)
  4. மரங்கள் (2003, சுற்றுப்புறச்சூழல் கல்வி மையம், பெங்களூரு)
  5. கஸ்தூர்பா: ஒரு நினைவுத்தொகுப்பு (2019, சந்தியா பதிப்பகம் )

விருதுகள்

  • புதுச்சேரி அரசின் சிறந்த நாவலுக்கான விருது(வாழ்க்கை ஒரு விசாரணை) - 1987
  • இலக்கியச் சிந்தனையின் சிறந்த நாவலுக்கான விருது(பாய்மரக்கப்பல்) - 1995
  • கதா அமைப்பின் சிறந்த சிறுகதைக்கான விருது (பயணம்)- 1996
  • சாகித்திய அகாதெமியின் சிறந்த மொழிபெயர்ப்பாளருக்கான விருது (பருவம்) - 2005
  • தமிழக அரசின் சிறந்த குழந்தை இலக்கியத்துக்கான விருது (பச்சைக்கிளியே பறந்து வா) -2009
  • சென்னை இலக்கிய திருவிழாவின் சிறந்த எழுத்தாளர் விருது -2016
  • சுஜாதா-உயிர்மை அறக்கட்டளையின் 2015 ஆம் ஆண்டின் சிறந்த சிறுகதைத்தொகுப்புக்கான விருது[5] - பச்சைக்கிளிகள்
  • என்.சி.பி.எச். வழங்கும் 2015 ஆம் ஆண்டின் சிறந்த கட்டுரைத்தொகுதிக்கான விருது - கனவுகளும் கண்ணீரும்
  • வாழ்நாள் சாதனைக்காக விளக்கு இலக்கிய அமைப்பு வழங்கிய புதுமைப்பித்தன் விருது -2018
  • எம்.வி.வெங்கட்ராம் நூற்றாண்டு நினைவு விருது -2021[6]
  • கனடா இலக்கியத் தோட்டம் வழங்கும் வாழ்நாள் சாதனையாளருக்குரிய இயல் விருது - 2022

மேற்கோள்கள்

  1. ↑ Renuka (June 26, 2018). "An interview with writer Pavannan!". SBS Tamil. https://www.sbs.com.au/yourlanguage/tamil/en/audiotrack/interview-writer-pavannan. பார்த்த நாள்: 7 ஏப்ரல் 2019. 
  2. ↑ "கனடா தமிழ் இலக்கியத் தோட்டம்: `இயல் விருது' எழுத்தாளர் பாவண்ணனுக்கு அறிவிப்பு!". விகடன். 26 திசம்பர் 2022. https://www.vikatan.com/news/literature/writer-bhavannan-receives-lifetime-literary-achievement-award. பார்த்த நாள்: 27-12-2022. 
  3. ↑ "காப்பகப்படுத்தப்பட்ட நகல்" இம் மூலத்தில் இருந்து 2019-04-07 அன்று. பரணிடப்பட்டது.. https://web.archive.org/web/20190407002431/https://www.kamadenu.in/news/series/548-chittukuruviyin-vanam-by-pavannan.html. 
  4. ↑ "முறுக்கு மீசைக்குப் பின்னே..." (in ta). https://www.hindutamil.in/news/supplements/ilamai-puthumai/217830-.html. 
  5. ↑ "சுஜாதா விருதுகள் 2015" (in ta). https://www.hindutamil.in/news/literature/39816-2015.html. 
  6. ↑ "வீடு தேடிச் சென்ற இலக்கியப் பரிசுகள்" (in ta). https://www.hindutamil.in/news/literature/688932-events-360.html. 

வெளி இணைப்புகள்

"https://tamilar.wiki/index.php?title=பாவண்ணன்&oldid=5060" இருந்து மீள்விக்கப்பட்டது