ஐ. ஏ. ஐ ஆரோப்
| ஆரோப் | |
|---|---|
| |
| 2013 ஆம் ஆண்டு பாரிசு வான் காட்சியகத்தில் ஐஏஐ ஹாரோப் |
ஐ. ஏ. ஐ ஆரோப் அல்லது ஐ. ஏ. ஐ ஹாரோப் (IAI Harop) என்பது இஸ்ரேல் ஏரோஸ்பேஸ் இண்டஸ்ட்ரீஸின் எம்பிடி ஏவுகணைப் பிரிவால் உருவாக்கப்பட்ட ஒரு மிதந்து திரியும் சுடுகலன் தளவாடம் ஆகும். சுற்றித்திரியும் சுடுகலன்கள் போர்க்களத்திற்கு மேலே வட்டமிடவோ அல்லது மிதக்கவோ வடிவமைக்கப்பட்டுள்ளன, இலக்குகள் வெளிப்படும் வரை காத்திருக்கின்றன, மேலும் இயக்குபவரின் கட்டளையின்படி தாக்குகின்றன.[1]
கண்ணோட்டம்
ஹாரோப் சுற்றித்திரியும் சுடுகலன் ஒரு ஏவுகணை மற்றும் ஆளில்லா விமான வாகனத்தின் (யுஏவி) நன்மைகளை ஒருங்கிணைக்கிறது. ஹாரோப் ஒரு உலோக ஆயுதக் கலனில் இருந்து ஏவப்பட்டு, ஒரு "தற்காலிகமான நிலைநிறுத்தப் பகுதியை" அடைகிறது, அங்கு அது முக்கியமான நுண்ணறிவு, கடுங்கண்காணிப்பு, உளவுப் பணி ஆகியவற்றிற்கான இயக்கத்தை மணிக்கணக்கில் நடத்தலாம். அது தனது இலக்கைக் கண்டறிந்தவுடன், ஹாரோப் தாக்குதல் கட்டத்திற்குச் சென்று, இலக்கில் தன்னை வெடிக்கச் செய்கிறது.
ஹாரோப் ஒரு மனித இயக்குநரின் வழிகாட்டுதலுக்குட்பட்டு இயங்கும் கட்டுப்பாட்டு பயன்முறையைப் பயன்படுத்துகிறது, இது ஒரு தொலைநிலை இலக்கு இயக்குநரால் இயக்கப்படுகிறது.[2] ஹாரோப் இயக்குநர் விமானத்தின் மின் ஒளியியல் உணரி மூலம் கண்டறியப்பட்ட நிலையான அல்லது நகரும் இலக்குகளைத் தேர்ந்தெடுக்க முடியும்.[1] ஐ. ஏ. ஐ ஹாரோப் 6 மணி நேரத்திற்கும் அதிகமான பறக்கும் திறன் மற்றும் 1000 கி. மீ. தொலைவைத் தாங்கும் திறன் கொண்டது.
மேலும் உத்தி மற்றும் இலக்கு சார்ந்த பணிகளின் வரம்புகளுக்காக ஹாரோப்பின் சிறிய பதிப்புகளை ஐ. ஏ. ஐ உருவாக்கியது, இவ்வகையான தயாரிப்புக்கு சிறிய ஹாரோப் என்று பெயரிட்டது. சிறிய ஹாரோப் கூட்டொளி தந்திரோபாய வாகனங்கள் இராணுவ வாகனங்களில் உலோகப் பெட்டிகளில் இருந்து வெளியேற்ற வடிவமைக்கப்பட்டுள்ளதுடன் 1 மணி நேர அளவிற்குப் பணி நிலைப்புத்தன்மையைக் கொண்டுள்ளது. மினி ஹாரோப் பொதுவாக மறைந்து மீண்டும் தோன்றும் நேர-முக்கியமான இலக்குகளுக்கு எதிராகப் பயன்படுத்தப்படுகிறது.
போர் வரலாறு
ஹாரோப் உலகம் முழுவதும் பரவலாகப் பயன்படுத்தப்பட்டு வருவதுடன் பல செயல்பாட்டு வெற்றிகளைப் பெற்றுள்ளது. 2005 ஆம் ஆண்டில் ஹாரோப்பின் வெளியீட்டு வாடிக்கையாளராக துருக்கி இருந்திருக்கலாம்.[3] அக்டோபர் 2005 இல், ஐரோப்பிய ஏவுகணை தயாரிக்கும் எம்பிடிஏ என்ற நிறுவனம் ஹாரோப்பை ("ஒயிட் ஹாக்" என்ற பெயரில்) ஐக்கிய இராச்சியத்தின் பாதுகாப்பு அமைச்சகத்தின் முன்னிலையில் நடைபெற்ற "ஃபயர் ஷாடோ" என்று அழைக்கப்பட்ட சுற்றித்திரிந்து சுடும் பணியின் திறன் செயல்விளக்கத்திற்காக பரிசீலிக்க சமர்ப்பித்தது.[4][5] இறுதிப் போட்டியாளர்களில் ஒருவராக ஹாரோப் தேர்ந்தெடுக்கப்பட்டது, ஆனால் இங்கிலாந்து பாதுகாப்பு அமைச்சகம் இறுதியில் உள்நாட்டில் தயாரிக்கப்பட்ட ஒரு இதே போன்ற கருவியைத் தேர்ந்தெடுத்தது.[4]
ஆகத்து 2007 இல், இந்திய அரசு எட்டு முதல் பத்து ஹாரோப் அமைப்புகளை வாங்க பேச்சுவார்த்தை நடத்தி வந்தது.[2] செப்டம்பர் 2009 இல், இந்திய விமானப்படை "10 ஆளில்லா விமானங்களுக்கு" 100 மில்லியன் அமெரிக்க டாலர்களுக்கு வாங்கப்பட்ட ஹாரோப் அமைப்புகளை சேர்க்கப்போவதாக அறிவித்தது. ஏரோ இந்தியா 2009 நிகழ்ச்சிக்கு முன்னதாக, ஹாரோப் இந்தியாவில் முதன்முறையாக உலகிற்கு பகிரங்கமாக வெளியிடப்பட்டது.[4] பிப்ரவரி 2019 இல், இந்திய விமானப்படை மேலும் 54 ஹாரோப் ஆளில்லா விமானங்களை தனது 110 ஆளில்லா விமானங்களுடன் சேர்க்க முடிவு செய்தது, அவை பி-4 என மறுபெயரிடப்பட்டன.[6] ஹாரோப் பல பெயரிடப்படாத வாடிக்கையாளர்களால் வாங்கப்பட்டு பல்வேறு நாடுகளின் பாதுகாப்பு உத்திகளுக்கு ஒரு முக்கிய சொத்தாக உள்ளது.
ஏப்ரல் 2020 இல் நாகோர்னோ-கராபாக் மோதலில் அஜர்பைஜானில் அதன் போர் செயல்திறனுக்காக ஹாரோப் மிகவும் பரவலாக அங்கீகரிக்கப்பட்டுள்ளது.[7] உறைபனி வெப்பநிலை, ஆழமற்ற மற்றும் செங்குத்தான தலைகீழ்ப்பாய்வு, புவியிடங்காட்டி நெரிசலான மண்டலங்கள் உள்ளிட்ட மிகவும் கடினமான இயக்க நிலைமைகளில் இராணுவ அச்சுறுத்தல்களை எதிர்கொள்ள ஐ. ஏ. ஐ ஹாரோப் சுற்றித்திரியும் சுடுகலன் வெற்றிகரமாக பயன்படுத்தப்பட்டது. 2020 ஆம் ஆண்டில், அஜர்பைஜான் அதிபர் இல்ஹாம் அலியேவின் ஆலோசகர் ஹிக்மெட் ஹாஜியேவ், 2020 நாகோர்னோ-கராபாக் மோதலில் ஹாரோப்பின் செயல்திறனைப் பாராட்டினார்.
நாகோர்னோ-கராபாக்கிற்கு கூடுதலாக, 2018 மே 10 அன்று சிரிய விமான பாதுகாப்பு எஸ்ஏ-22 கிரேஹவுண்ட் அழித்த பெருமை ஹரோப்பிற்கு வழங்கப்பட்டது.[8]
டிசம்பர் 9,2024 அன்று, சிரியாவில் சிரிய ஆயுதப் படைகள் மீதான தாக்குதலில் ஹாரோப் பயன்படுத்தப்பட்டது.[9]
2025 இந்தியா-பாக்கித்தான் மோதல்
2025 மே 8 அன்று, லாகூரில் பாகிஸ்தானின் வான் பாதுகாப்பு அமைப்பைத் தகர்க்க அல்லது தவிர்க்க இந்திய விமானப்படையால் ஐ. ஏ. ஐ ஹாரோப் ட்ரோன்கள் பயன்படுத்தப்பட்டதாக இந்திய ஊடகங்கள் கூறின.[10] கட்டுப்பாடுகளை நீக்கும் முன், நாட்டின் குடியியல் விமானப் போக்குவரத்து அதிகாரிகள் வியாழக்கிழமை நான்கு விமான நிலையங்களில் நடவடிக்கைகளை தற்காலிகமாக நிறுத்தி வைத்தனர். இராணுவ செய்தித் தொடர்பாளர் டி. ஜி. ஐ. எஸ். பி. ஆர், இந்தியா அனுப்பிய அந்த ஆளில்லா விமானங்களால் தகர்க்கப்பட்ட 12 இடங்களை விவரித்தார். அவை, லாகூர், அட்டோக், குஜ்ரன்வாலா, சக்வால், ராவல்பிண்டி, பஞ்சாபில் பஹவல்பூர், அதே போல் சுக்கூரின் மியானோ, உமர்கோட்டின் சோர், சிந்துவில் கராச்சிக்கு அருகில், லாகூரில் உள்ள அல்லாமா இக்பால் சர்வதேச விமான நிலையம், கராச்சியில் உள்ள ஜின்னா சர்வதேச விமான நிலையம் மற்றும் இஸ்லாமாபாத் சர்வதேச விமான நிலையம் ஆகியவை ஆகும்.[11] பாகிஸ்தான் இராணுவத்தின் கூற்றுப்படி, தாக்குதல்கள் ஒரு "தீவிர ஆத்திரமூட்டும் செயல்" மற்றும் இரு அணுசக்தி நாடுகளுக்கு இடையே வன்முறையை அதிகரிக்க வழிவகுக்கும் என்பதுமாகும்.[12][13]
இயக்குபவர்கள்
அசர்பைஜான்[7]
இந்தியா[14]
இசுரேல் [15]- கொனிங்க்லிஜ்கே மரைன் மூலம் நீர்நிலைகளில் உள்ள மற்றும் பல்லாதரவு கப்பல்களில் பயன்படுத்துவதற்காக கையகப்படுத்தல் அறிவிக்கப்பட்டது
நெதர்லாந்து 
மொரோக்கோ
மேற்கோள்கள்
- ↑ 1.0 1.1 "Israel special - IAI's Harop ups the stakes on SEAD missions". Archived from the original on 2020-10-31.
- ↑ 2.0 2.1 "India eyes IAI's Harop attack UAV". Jane's Defence Weekly. 28 August 2007.
- ↑ Sweetman, Bill (11 February 2009). "IAI Predicts Big UAV Market - And Unveils Loitering Missile". Ares: A Defense Technology Blog. Archived from the original on 2012-03-22.
- ↑ 4.0 4.1 4.2 "Israel Unveils Loitering Anti-Missile Drone". Defense Update. http://defense-update.com/products/h/harop.html. பார்த்த நாள்: 2009-02-20.
- ↑ "Rivals unveil concepts for loitering munition demo". Flight International. 20 September 2005. http://www.flightglobal.com/articles/2005/09/20/201621/rivals-unveil-concepts-for-loitering-munition-demo.html.
- ↑ Indian Air Force buys another 54 Israeli HAROP drones பரணிடப்பட்டது 2019-02-14 at the வந்தவழி இயந்திரம், DebkaFile, Feb 13, 2019.
- ↑ 7.0 7.1 "Arminfo: Azerbaijan uses Israel-made Harop drone against NKR". arminfo.am. Archived from the original on 8 April 2016. Retrieved 6 April 2016.
- ↑ "Syrian air defense system destroyed by Israel was allegedly unarmed". Archived from the original on 2018-05-14. Retrieved 2018-05-14.
- ↑ Karremann, Jaime. "Israëlische marine gebruikte Harop bij aanval, Russen verlaten Tartus". Marineschepen.nl (in டச்சு). Retrieved 2024-12-12.
- ↑ "Israeli Kamikaze Drones Take Center Stage in India-Pakistan Conflict - World News - Haaretz.com".
- ↑ "Have India and Pakistan started a drone war?". Al Jazeera (in ஆங்கிலம்). 2025-05-08. Retrieved 2025-05-08.
- ↑ "25 Israeli-made drones used by India in attempt to attack Pakistan, all shot down: ISPR". DAWN.COM. May 8, 2025.
- ↑ "TRT Global - India uses Israeli-made Harop drones to target Pakistan again: military". trt.global (in ஆங்கிலம்). Retrieved 2025-05-08.
- ↑ "Indian air force orders Harop loitering munitions". Flightglobal.com. Archived from the original on 9 May 2016. Retrieved 6 April 2016.
- ↑ Martin Streetly, ed. (2014). Jane's All the World's Aircraft: Unmanned 2014-2015. London: IHS Jane's. p. 101. ISBN 978-0710630964.