ஆள்கூறுகள்: 10°57′57.7″N 78°3′9.6″E / 10.966028°N 78.052667°E / 10.966028; 78.052667

2025 கரூர் கூட்ட நெரிசல் விபத்து

தமிழர்விக்கியிலிருந்து
Jump to navigation Jump to search
2025 கரூர் கூட்ட நெரிசல் விபத்து
Map
நாள்27 செப்டம்பர் 2025
நேரம்மாலை அண்.7:45  (இசீநே)
அமைவிடம்வேலுசுவாமிபுரம், கரூர், தமிழ்நாடு, இந்தியா
வகைகூட்ட நெரிசல்
காரணம்அளவு மீறிய கூட்டம்
இறப்புகள்41[1]
காயமுற்றோர்83–124[2][3][4]

2025 கரூர் கூட்ட நெரிசல் விபத்து (2025 Karur crowd crush) என்பது 2025 ஆம் ஆண்டு செப்டம்பர் 27 அன்று கரூர் நகரத்தில் தமிழ்த் திரைப்பட நடிகரும், தமிழக வெற்றிக் கழகத்தின் தலைவருமான விஜய் மேற்கொண்ட அரசியல் பரப்புரையின் போது, ஏற்பட்ட கூட்ட நெரிசலில் சிக்கி குறைந்தபட்சமாக 41 பேர் உயிரிழந்துள்ளனர், 100-க்கும் அதிகமானோர் காயமாகியுள்ளனர்.[5][6][7][8]

பின்னணி

விஜய், தலைவர், தமிழக வெற்றிக் கழகம்

2024 பிப்ரவரி 2 அன்று தமிழக வெற்றிக் கழக கட்சியைத் தொடங்கிய தமிழ் நடிகர் விஜய், 2025 செப்டம்பர் 27 அன்று கரூர்-ஈரோடு நெடுஞ்சாலையில் உள்ள வேலுசாமிபுரத்தில் பிரச்சாரம் செய்துவந்தார்.[9] சுமார் 10,000 பேர் கலந்துகொள்ள அனுமதிக்கப்பட்டதாக கூறப்படுகிறது. ஆனால் நேரில் பார்த்தவர்கள் கூட்டத்தை அந்த எண்ணிக்கையை விட அதிகமாக இருந்ததாக கூறுகின்றனர்.[10][11][12] ஆரம்பத்தில் சுமார் 30,000 பேர் கலந்து கொள்வார்கள் என்று அதிகாரிகள் எதிர்பார்த்ததாக பின்னர் வந்த தகவல்கள் சுட்டிக்காட்டின. ஆனால், உள்ளூர் தகவல்கள் பேரணியில் 60,000 பேர் வரை கலந்து கொண்டதாக தெரிவித்தன.[13][14]

மதியம் முதல் அந்த இடத்தில் விஜய் ஆதரவாளர்கள் கூடத் தொடங்கினர். விஜய்யின் வருகை குறித்த நேரத்தை விட ஆறு மணி நேரத்திற்கும் மேலாகத் தாமதமானது, அந்த நேரத்தில் உணவு, தண்ணீர் மற்றும் அடிப்படை வசதிகள் இல்லாத வெப்பமான சூழ்நிலைகளிலும் கூட்டம் அதிகரித்தது.[15] பேரணி தொடங்குவதற்கு முன்பு மயக்கம், நீரிழப்பு மற்றும் அமைதியின்மை நிலவியதாக சாட்சிகள் பின்னர் தெரிவித்தனர். விஜய்யின் பிரச்சார வாகனத்திற்கு அருகே பலர் கூடிய நிலையில் அங்கு நெரிசல் ஏற்பட்டதாகக் கூறப்படுகிறது.[10][12][16]

நேர்வு

விஜய்யின் பரப்புரை வாகனம் சுமார் ஆறு மணி நேரம் தாமதமாக வந்ததால் கூட்டத்தின் பெரும் பிரிவினர் மேடைத் தடுப்புகளை நோக்கி முன்னேறியபோது இரவு 7:40 மணியளவில் நெரிசல் ஏற்பட்டது.[14][17] ஏற்கனவே கூடியிருந்த சுமார் 4,000 பங்கேற்பாளர்களின் ஆரம்ப கூட்டத்துடன், விஜய்யுடன் வந்த ஆதரவாளர்களின் கூட்டமும் இணைந்தபோது இந்த எண்ணிக்கை கணிசமாக அதிகரித்தது. ஆதாரங்களின்படி, விஜய்யின் பேரணி அவர் பேசுவதற்கு முன்னதாக சுமார் 27,000 பேர் அந்த இடத்தில் கூடியிருந்தனர்.[14] பெண்கள் மற்றும் குழந்தைகள் உட்பட பலர், வெயிலில் பல மணிநேரங்கள் காத்திருந்தனர். சிலர் தாங்கள் இருக்கும் நிலைகளைத் தக்கவைத்துக்கொள்ள உணவைத் தவிர்த்தனர்.[18][19]

தவெக கட்சி உறுப்பினர்களும் விஜய்யின் ரசிகர்களும் விஜய்யுடைய பிரச்சார வாகனத்திற்கு முன்னும் பின்னும் வாகனக் குழுக்களை அமைத்து சாலைகளைத் தடுத்தனர்.[20] விஜய்யின் பிரச்சார வாகனம் அந்த இடத்திற்கு வந்தபோது, அவரைக் காண்பதற்காக மக்கள் முன்னேறியபோது கூட்ட நெரிசல் ஏற்பட்டது.[21]

ஓர் ஈன்பொறி, ஒரு தொலைக்காட்சி ஒளிபரப்புச் சிற்றூர்தி இருந்த ஒரு கொட்டகைக்கு அருகே நெரிசல் ஆரம்பமானது. அங்கு மக்கள் தள்ளப்பட்டு பின்னர் மிதிக்கப்பட்டனர். மேடையைச் சுற்றி தாங்கல் பரப்பு இல்லாததால் மக்கள் முண்டியடித்து வந்தபோது நெரிசல் ஏற்பட்டது.[17] காவல்துறையினராலும் தன்னார்வலர்களாலும் அந்தக் கூட்டத்தினைக் கட்டுப்படுத்த முடியவில்லை, மேலும் நோயாளர் ஊர்தி நெரிசலான பகுதியில் செல்வதில் சிரமங்களை எதிர்கொண்டன. காயமடைந்தவர்களுக்கு பாதைகளை உருவாக்க தன்னார்வலர்கள் இறுதியில் மனிதச் சங்கிலிகளை உருவாக்கினர். சில குழந்தைகள் தங்கள் குடும்பங்களிலிருந்து பிரிந்தனர், வெப்ப சோர்வு மற்றும் கூட்டத்தின் நெரிசல் காரணமாக பலர் மயக்கமடைந்தனர்.[18][19]

குழப்பத்தின் போது, விஜய் தனது உரையை நிறுத்தி கூட்டத்தினரிடையே உரையாற்றினார், தண்ணீர் பாட்டில்களை விநியோகித்தார், காணாமல் போன குழந்தையை கண்டுபிடித்துத் தருமாறு கூறினார். மோசமான திட்டமிடல், போதிய பாதுகாப்புப் பணியாளர்கள் இல்லாதது மற்றும் போதிய கூட்டக் கட்டுப்பாட்டு நடவடிக்கைகள் ஆகியவை இந்தக் கூட்ட நெரிசலுக்கான முக்கிய காரணிகளாக உயிர் பிழைத்தவர்களும் சாட்சிகளும் கூறினர்.[22]

ஆரம்ப அறிக்கைகள் 10 பேர் இறந்ததாகக் கூறியது, ஆனால் எண்ணிக்கை விரைவாக 41 [5] ஆக உயர்ந்தது. இதில் ஓர் இரண்டு வயது குழந்தை, குறைந்தது 9 குழந்தைகள், 18 பெண்கள் மற்றும் 13 ஆண்கள் அடங்குவர்.[6][23] அவர்களில் பலர் பெண்கள், பாதிக்கப்பட்டவர்களில் பெரும்பாலோர் 20 மற்றும் 30 வயதிற்குட்பட்டவர்களாவர்.[24] குறைந்தது 83 பேர் எலும்பு முறிவு முதல் மூச்சுத் திணறல் வரையில் பாதிக்கப்பட்டனர். பலர் கரூர், அதன் அருகிலுள்ள மாவட்டங்களில் உள்ள மருத்துவமனைகளில் அனுமதிக்கப்பட்டனர்.[25][26][27]

அரசு நடவடிக்கைகள்

விபத்து தொடர்பாக தமிழக அரசின் உயர் அலுவலர்களுடன் ஆலோசித்த முதலமைச்சர் ஸ்டாலின் தனி விமானம் மூலம் திருச்சி சென்று அங்கிருந்து சாலை வழியாக கரூர் மருத்துவமனையை அதிகாலை 3.30 மணியளவில் அடைந்தார். அங்கு இறந்தவர்களின் உடல்களுக்கு அஞ்சலி செலுத்திவிட்டு உறவினர்களுக்கு ஆறுதல் கூறினார். பின்னர் சிகிச்சை பெற்று வருபவர்களை சந்தித்து நலம் விசாரித்தார்.[28] உயிரிழந்தவர்களின் குடும்பத்தினருக்கு தமிழ்நாடு அரசின் சார்பில் முதலமைச்சரின் பொது நிவாரண நிதியிலிருந்து ரூபாய் பத்து இலட்சமும், சிகிச்சை பெற்று வருபவர்களுக்கு தலா ஒரு இலட்சமும் நிவாரணமாக வழங்கப்படும் என்று முதலமைச்சர் ஸ்டாலின் அறிவித்தார்.[29] இந்நிகழ்வு குறித்து விசாரணை செய்ய ஓய்வு பெற்ற உயர் நீதிமன்ற நீதிபதி அருணா ஜெகதீசன் தலைமையில் ஒரு நபர் விசாரணை ஆணையம் அமைக்கப்படுவதாக அறிவிக்கப்பட்டது.[30] இணையத்தில் வதந்தி பரப்பியதாக ஊடகவியலாளர் ஃபெலிக்ஸ் ஜெரால்டு கைது செய்யப்பட்டார் மேலும் 25 நபர்கள் மீது வழக்கு பதிவு செய்யப்பட்டுள்ளது.[31] சென்னை உயர் நீதிமன்ற உத்தரவின் பேரில் வட மண்டல ஐஜி அஸ்ரா கார்க் தலைமையில் சிறப்புப் புலனாய்வுக் குழு அமைக்கப்பட்டு, விசாரணையைத் தொடங்கியது.[32]

இதர நடவடிக்கைகள்

விபத்தில் சிக்கி உயிரிழந்தவர்களுக்கு இந்தியக் குடியரசுத் தலைவர் திரௌபதி முர்மு,[33] பிரதமர் நரேந்திர மோதி,[34] தமிழ்நாடு ஆளுநர் ஆர். என். இரவி,[35] முதலமைச்சர் மு. க. ஸ்டாலின் ஆகியோர் இரங்கல் அறிக்கைகளை வெளியிட்டனர். தவெக சார்பில் உயிரிழந்தவர்கள் குடும்பத்தினருக்குத் தலா ரூ. 20 லட்சம் நிவாரணம் அறிவிக்கப்பட்டது.[36] உயிரிழந்தவர்கள் குடும்பங்களுக்கு காங்கிரஸ் கட்சி சார்பில் மொத்தம் ரூ.1 கோடி நிவாரணமும், பாஜக கட்சி சார்பில் தலா ஒரு லட்சம் நிவாரணமும் வழங்கப்படும் என்று அறிவிக்கப்பட்டன.[37] தேசிய ஜனநாயகக் கூட்டணி சார்பாக ஹேம மாலினி தலைமையில் 8 நாடாளுமன்ற உறுப்பினர் கொண்ட விசாரணைக் குழு அமைக்கப்பட்டுள்ளது.[38]

குற்றச்சாட்டுகள்

அரசுத் தரப்பின் முதல் தகவல் அறிக்கையின்படி தவெக தலைவர் விஜய் காலதாமதமாக வந்தது காரணமாகப் பதியப்பட்டுள்ளது.[39] செந்தில் பாலாஜியும் காவல்துறையும் தான் இந்த விபத்திற்குக் காரணம் என்றும் குற்றம் சாட்டி தவெக நிர்வாகியொருவர் தற்கொலை செய்து கொண்டார்.[40] தவெகவினர் செந்தில் பாலாஜி மீது குற்றம் சுமத்தி சிபிஐ விசாரணை கோரியுள்ளனர்.[41][42] விஜய் வெளியிட்டுள்ள காணொளியில் ஆளும் அரசைக் குற்றம் சாட்டி பேசியுள்ளார்.[43][44]

மேற்கோள்கள்

  1. ↑ "TVK Vijay Karur rally stampede death toll rises". தி இந்து. 29 September 2025. Retrieved 29 September 2025.
  2. ↑ https://www.ndtv.com/india-news/tamil-nadu-karur-stampede-at-actor-politician-vijays-rally-described-in-haunting-visuals-9360785
  3. ↑ "Stampede at Indian actor Vijay's rally in Tamil Nadu kills 40". The Independent. 28 September 2025.
  4. ↑ Rankin, Jennifer (28 September 2025). "At least 40 dead and 124 injured in crush at Vijay rally in India" – via The Guardian.
  5. ↑ 5.0 5.1 The, Hindu (29 September 2025). "TVK Karur rally stampede: Death toll climbs to 41" (in en-IN). தி இந்து. https://www.thehindu.com/news/national/tamil-nadu/tvk-vijay-karur-rally-stampede-death-toll-september-29-2025/article70107509.ece. 
  6. ↑ 6.0 6.1 "39 die in stampede during TVK leader Vijay's Karur campaign". தி டைம்ஸ் ஆஃப் இந்தியா. 29 September 2025. https://timesofindia.indiatimes.com/city/chennai/10-die-in-stampede-like-situation-during-tvk-leader-vijays-karur-campaign/articleshow/124183777.cms. 
  7. ↑ "TVK rally stampede LIVE: T.N. CM Stalin visits injured persons in Karur hospital". தி இந்து. 27 September 2025. https://www.thehindu.com/news/national/tamil-nadu/tvk-vijay-rally-karur-updates-on-september-27-2025/article70102676.ece. 
  8. ↑ "TVK Vijay rally Stampede Live: Tamil Nadu CM Stalin visits Karur hospital; meets families of victims". தி டைம்ஸ் ஆஃப் இந்தியா. 27 September 2025. https://timesofindia.indiatimes.com/india/tamil-nadu-stampede-live-updates-tvk-chief-vijay-rally-tragedy-karur-news-tamil-nadu-stampede-people-injured-many-feared-dead/liveblog/124184248.cms. 
  9. ↑ "Vijay to campaign at Velusamypuram in Karur today". 26 September 2025. https://timesofindia.indiatimes.com/city/trichy/vijay-to-campaign-at-velusamypuram-in-karur-today/articleshow/124164566.cms. 
  10. ↑ 10.0 10.1 "Letter reveals TVK expected 10,000 at Karur rally; Massive turnout triggers chaos". @mathrubhumi (in ஆங்கிலம்). 27 September 2025. Retrieved 27 September 2025.
  11. ↑ "6-hour delay, 30,000 people: What caused the stampede at TVK chief Vijay's rally in Tamil Nadu's Karur". India TV News (in ஆங்கிலம்). 27 September 2025. Retrieved 27 September 2025.
  12. ↑ 12.0 12.1 "Stampede at Vijay's Karur rally: All you need to know". thefederal.com (in ஆங்கிலம்). Puthiya Thalaimurai TV. 28 September 2025. Retrieved 27 September 2025.
  13. ↑ "'Writhing in unbearable, indescribable pain': TVK chief Vijay as Karur rally death toll rises to 36" (in en). 28 September 2025. https://www.hindustantimes.com/india-news/writhing-in-unbearable-indescribable-pain-tvk-chief-vijay-as-karur-rally-death-toll-rises-to-36-101758998069994.html. 
  14. ↑ 14.0 14.1 14.2 India, Today News (28 September 2025). "Video shows Vijay rally attendees clawing through hut roof to escape crowd crush". India Today (in ஆங்கிலம்). Retrieved 28 September 2025.
  15. ↑ Shankar, Priyanka. "At least 39 killed in crowd crush at Indian actor-politician Vijay's rally". Al Jazeera (in ஆங்கிலம்). Retrieved 28 September 2025.
  16. ↑ "Video shows Vijay rally attendees clawing through hut roof to escape crowd crush" (in en). https://www.indiatoday.in/india/story/vijay-karur-rally-stampede-kills-several-crowd-surge-heat-tvk-event-2794585-2025-09-28. 
  17. ↑ 17.0 17.1 "How chaos broke out at Vijay's Karur rally, where at least 36 died, over 40 injured". ஹிந்துஸ்தான் டைம்ஸ். 27 September 2025. https://www.hindustantimes.com/india-news/how-chaos-broke-out-at-vijays-karur-rally-toll-may-go-beyond-10-in-tamil-nadu-tragedy-101758987209704.html. 
  18. ↑ 18.0 18.1 Jaisankar, C. (27 September 2025). "Karur stampede: Anatomy of the tragedy at Vijay's TVK rally in Tamil Nadu" (in en-IN). தி இந்து. https://www.thehindu.com/news/national/tamil-nadu/karur-stampede-anatomy-of-the-tragedy-at-vijays-tvk-rally-in-tamil-nadu/article70103198.ece. 
  19. ↑ 19.0 19.1 "TVK rally tragedy: Long delay, overcrowded what we know so far". தி டைம்ஸ் ஆஃப் இந்தியா. 28 September 2025. https://timesofindia.indiatimes.com/india/tvk-rally-tragedy-long-delay-overcrowded-what-we-know-so-far/articleshow/124184575.cms. 
  20. ↑ "Vijay's Late Arrival, Inadequate Karur Arrangements Under Scrutiny As Rally Stampede Kills 39". News18 (in ஆங்கிலம்). Retrieved 28 September 2025.
  21. ↑ "Karur stampede: Anatomy of the tragedy at Vijay's TVK rally in Tamil Nadu" (in en). https://www.thehindu.com/news/national/tamil-nadu/karur-stampede-anatomy-of-the-tragedy-at-vijays-tvk-rally-in-tamil-nadu/article70103198.ece. 
  22. ↑ "How chaos broke out at Vijay's Karur rally, where at least 36 died, over 40 injured". https://www.hindustantimes.com/india-news/how-chaos-broke-out-at-vijays-karur-rally-toll-may-go-beyond-10-in-tamil-nadu-tragedy-101758987209704.html. 
  23. ↑ The, Hindu (27 September 2025). "TVK rally stampede LIVE: Death toll rises to 40; Madras HC to hear case against TVK at 4.30 p.m." (in en-IN). தி இந்து. https://www.thehindu.com/news/national/tamil-nadu/tvk-vijay-rally-karur-updates-on-september-27-2025/article70102676.ece. 
  24. ↑ "Karur stampede: Identities of 39 persons killed during TVK rally established" (in en). தி இந்து இம் மூலத்தில் இருந்து 2025-09-28 அன்று. பரணிடப்பட்டது.. https://web.archive.org/web/20250928082034/https://www.thehindu.com/news/national/tamil-nadu/karur-tvk-vijay-rally-stampede-death-toll-identified-september-28-2025/article70104763.ece. 
  25. ↑ "At least 36 dead in stampede at actor Vijay's rally in Karur" (in en-IN). தி இந்து. 27 September 2025. https://www.thehindu.com/news/national/tamil-nadu/vijay-tvk-rally-karur-september-27-2025/article70102762.ece. 
  26. ↑ "At least 38 dead and more than 50 injured in stampede at Vijay rally in India" (in en-GB). The Guardian. 27 September 2025. https://www.theguardian.com/world/2025/sep/27/dead-and-injured-in-stampede-at-vijay-rally-in-india. 
  27. ↑ "Karur TVK stampede: CM Stalin announces Rs 10 lakh compensation for families of deceased". The News Minute (in ஆங்கிலம்). 27 September 2025. Retrieved 27 September 2025.
  28. ↑ https://www.hindutamil.in/news/tamilnadu/1378007-cm-stalin-rushed-to-karur.html
  29. ↑ "கரூரில் விஜய் பிரச்சார கூட்ட நெரிசலில் சிக்கி உயிரிழந்தவர்கள் குடும்பத்துக்கு தலா ரூ.10 லட்சம் நிவாரணம் வழங்கப்படும்: முதலமைச்சர் மு.க.ஸ்டாலின் அறிவிப்பு - Dinakaran". Dinakaran. Retrieved 2025-09-27.
  30. ↑ https://www.hindutamil.in/news/tamilnadu/1378000-karur-stampede-inquiry-commission-under-aruna-jagadeesan-formed.html
  31. ↑ "கரூர் சம்பவம் பற்றி வதந்தி பரப்பியதாக பிரபல யூடியூபர் ஃபெலிக்ஸ் ஜெரால்டு கைது". இந்து தமிழ். https://www.hindutamil.in/news/tamilnadu/1378279-karur-incident-youtuber-felix-gerlad-arrested-1.html. பார்த்த நாள்: 1 October 2025. 
  32. ↑ "கரூர் துயரத்தில் சிறப்பு புலனாய்வுக் குழு உண்மையை வெளிக்கொண்டு வரும்: முதல்வர் ஸ்டாலின் உறுதி". இந்து தமிழ். https://www.hindutamil.in/news/tamilnadu/1378660-cm-stalin-vows-that-sit-will-bring-truth-to-light-in-karur-tragedy.html. பார்த்த நாள்: 4 October 2025. 
  33. ↑ பிரிவு, இணையதளச் செய்திப் (2025-09-27). "கரூர் நெரிசல் பலி: குடியரசுத் தலைவர் இரங்கல்!". Dinamani. Retrieved 2025-09-27.
  34. ↑ தினத்தந்தி (2025-09-27). "விஜய் பிரசார கூட்ட நெரிசலில் சிக்கி 31 பேர் பலி - பிரதமர் மோடி இரங்கல்". www.dailythanthi.com. Retrieved 2025-09-27.
  35. ↑ பாலாஜி, நந்தினி ரா ,சே (2025-09-27) (in ta). கரூர் கூட்ட நெரிசல் : 'மிகுந்த வலியையும் வேதனையையும் அளிக்கிறது'- தமிழக ஆளுநர் இரங்கல். https://www.vikatan.com/government-and-politics/tamil-nadu-governor-r-n-ravi-condolences-to-karur-stampede-deaths. பார்த்த நாள்: 2025-09-27. 
  36. ↑ "கரூர் கூட்ட நெரிசல்: உயிரிழந்தவர்களின் குடும்பத்தினருக்கு தலா ரூ. 20 லட்சம் நிவாரணம் - தவெக தலைவர் விஜய்". தினத்தந்தி. https://www.dailythanthi.com/news/tamilnadu/karur-stampede-rs-20-lakh-relief-for-each-for-the-families-of-those-killed-tvl-leader-vijay-1182069. பார்த்த நாள்: 1 October 2025. 
  37. ↑ "கரூர் மாவட்ட பாஜக சார்பில் தலா ரூ.1 லட்சம் நிதியுதவி: அண்ணாமலை அறிவிப்பு!". தினகரன். Retrieved 1 October 2025.
  38. ↑ [கரூர் பலி: ஹேமமாலினி எம்.பி. தலைமையில் விசாரணைக் குழு "https://www.dinamani.com/tamilnadu/2025/Sep/29/vijay-rally-stampede-hema-malini-mps-in-nda-probe-panel-to-visit-karur"]. தினமணி. கரூர் பலி: ஹேமமாலினி எம்.பி. தலைமையில் விசாரணைக் குழு. பார்த்த நாள்: 1 October 2025. 
  39. ↑ "Karur stampede: TVK organisers deliberately delayed arrival of Vijay, claims primary FIR". தி இந்து. https://www.thehindu.com/news/national/tamil-nadu/tvk-organisers-deliberately-delayed-arrival-of-vijay-at-karur-claims-fir-of-karur-town-police/article70108926.ece. பார்த்த நாள்: 1 October 2025. 
  40. ↑ "TVK functionary dies by suicide, blames DMK Minister, police for Karur stampede". indiatoday. https://www.indiatoday.in/india/tamil-nadu/story/tvk-functionary-suicide-note-blames-dmk-minister-senthil-balaji-police-for-karur-stampede-deaths-2795517-2025-09-30. பார்த்த நாள்: 1 October 2025. 
  41. ↑ "செந்தில் பாலாஜி மீது சந்தேகம்: தவெக வழக்கறிஞர் குற்றச்சாட்டு". இந்து தமிழ். https://www.hindutamil.in/news/tamilnadu/1378252-tvk-lawyer-alleges-suspicion-on-senthil-balaji.html. பார்த்த நாள்: 1 October 2025. 
  42. ↑ "`செந்தில் பாலாஜி சதியால் 41 பேர் இறப்பு; விஜய் பாதிக்கப்பட்டவர்களை சந்திக்க தயார்!'- தவெக வழக்கறிஞர்". விகடன். https://www.vikatan.com/government-and-politics/tvk-advocate-wing-secretary-pressmeet-regarding-karur-stampede-deaths. பார்த்த நாள்: 1 October 2025. 
  43. ↑ "'If you seek revenge': TVK chief Vijay's message to CM Stalin on Karur stampede; says 'truth will come out'". https://timesofindia.indiatimes.com/india/if-you-seek-revenge-tvks-vijay-message-to-cm-stalin-on-karur-stampede-says-truth-will-come-out/articleshow/124232671.cms. 
  44. ↑ "சிஎம் சார்... என்னை என்ன வேண்டுமானாலும் செய்யுங்கள் : விஜய் பரபர வீடியோ வெளியீடு". சமயம். https://tamil.samayam.com/latest-news/state-news/actor-vijay-video-about-karur-tvk-rally-stampede-deaths/articleshow/124232233.cms. பார்த்த நாள்: 1 October 2025. 
"https://tamilar.wiki/w/index.php?title=2025_கரூர்_கூட்ட_நெரிசல்_விபத்து&oldid=320572" இலிருந்து மீள்விக்கப்பட்டது