வேங்கடரமண பாகவதர்

தமிழர்விக்கி இல் இருந்து
Jump to navigation Jump to search
வேங்கடரமண பாகவதர்
வேங்கடரமண பாகவதர்
இயற்பெயர்/
அறியும் பெயர்		 வேங்கடரமண பாகவதர்
பிறந்ததிகதி 18-2-1781
இறப்பு 18-12-1874
அறியப்படுவது தமிழ், சமஸ்கிருத மொழி,தெலுங்கு மொழி, கருநாடக பக்தி இசையில்
குறிப்பிடத்தக்க செயற்பாடு வேங்கடரமண
பாகதவரின் 228-வது
பிறந்த விழாவை சிறப்பிக்க [
[இந்திய அஞ்சல் துறை]]
2009-இல் வெளியிட்ட
அஞ்சல் தலை


வேங்கடரமண பாகவதர் (18-2-1781 - 18-12-1874) சௌராட்டிர மொழி, தமிழ், சமஸ்கிருத மொழி மற்றும் தெலுங்கு மொழிகளில் புலமையும், கருநாடக பக்தி இசையில் மிகுந்த தேர்ச்சியும் உடையவராய் விளங்கியவர்.[1] தஞ்சாவூர் மாவட்டம் அய்யம்போட்டையில், குப்பையா நன்னுசுவாமி பாகதவருக்கு ஐந்தாம் மகனாகப் பிறந்தவர்.இவரும், இவரது மகன் கிருஷ்ணசாமி பாகவதரும் தியாகராஜ சுவாமியின் சீடர்களாக விளங்கியவர்கள். [2]

வாழ்நாள் சாதனைகள்

இவர் தியாகராஜரின் தலைமை மாணவர் ஆவார். தெலுங்கு மற்றும் சௌராட்டிர மொழியில் பல்வேறு பக்திக் கீர்த்தனைகளை இயற்றியுள்ளார். தமது அனைத்து தெலுங்கு கீர்த்தனைகளின் இறுதியில் தியாகராஜ என்ற முத்திரையிட்டுக் குரு காணிக்கையாக செலுத்தியுள்ளார்.[3][4]

தியாகராச சுவாமிகள் தெலுங்கு மொழியில் இயற்றிய நௌகா சரிதம் எனும் நூலை, வேங்கடரமண பாகவதவர் சமஸ்கிருத மொழியில் மொழிபெயர்த்துள்ளார்.

தியாகராஜர் மறைவுக்குப் பின்னர் வேலூர் மாவட்டத்தில் உள்ள வாலாஜாப்பேட்டைக்கு குடிபெயர்ந்தார். தியாகராஜர் பயன்படுத்திய பாதுகை, பாராயணம் செய்த தெலுங்கு பாகவத நூல், கையெழுத்து ஏட்டுச் சுவடிகள், ஸ்ரீ வேங்கடரமணபாகவதரின் பாதுகைகள், பூஜா பாத்திரங்கள், அவர் இயற்றிய கீர்த்தனைகள், புதிய வர்ணங்கள், ஸ்வர ஜதிகள் முதலியவை அடங்கிய அற்புத பொக்கிஷமான ஏட்டுச் சுவடிகளை பாதுகாத்து வந்தார்.

வேங்கடரமணரின் மறைவிற்குப் பின் அவரிடம் ஏட்டுச் சுவடிகள் மற்றும் அவர் பயன்படுத்திய பூஜைப் பொருட்கள் மதுரை சௌராட்டிர சபையைச் சேர்ந்த வேங்கடரமண மந்திரத்தில் பாதுகாக்கப்பட்டு வருகின்றன.

தஞ்சை மாவட்டம் அய்யம்பேட்டையில் வேங்கடரமணரது பிறந்தநாள் விழா ஆண்டுதோறும் செளராட்டிரர்களால் மிகவும் சிறப்பாக கொண்டாடப்படுகிறது.[5][6] [7]

வேங்கடரமணரின் கர்நாடக பக்தி இசையை பாராட்டி, அவரின் உருவம் பதித்த அஞ்சல் வில்லையை இந்திய அஞ்சல் துறை 2009-ஆம் ஆண்டில் வெளியிட்டது.[8]

வேங்கடரமண பாகவதரின் புகழ்பெற்ற ராகங்களைத் தவிர்த்து அவர் பல அரிய ராகங்களிலும் கீர்த்தனைகள் எழுதியுள்ளார். சரஸ்வதி, கமலநாராயணி, ஜோதிஸ்வரூபிணி, நாமநாராயணி, ஸ்வர்ணங்கி போன்ற ராகங்களில் அமைந்த கீர்த்தனைகள் இவற்றுள் அடங்கும். வேங்கடரமண பாகவதரின் எழுபது கீர்த்தனைகள் 1991-ம் ஆண்டு தொகுக்கப்பட்டன.

கீர்த்தனை ராகம் தாளம்
1 அபராதி பிலஹரி கண்டசாபு
2 ஆனந்தமய ஜோதிஸ்வரூபிணி ஆதி
3 இதிகதயானந்தமு சௌராஷ்டிரம் ஆதி
4 இந்தமர்மி வராளி மிஸ்ரசாபு
5 எவராதரிந்து புன்னாகவராளி மிஸ்ரசாபு
6 ஏமநி பலுகுதுரா அடாணா ஆதி
7 கந்தவஹாத்மஜ தோடி ஆதி
8 கன்னுலார தன்யாசி ரூபகம்
9 கருணாநிதி கேதாரகௌளம் ஆதி
10 கருணிஞ்சரா தன்யாஸி ஆதி
11 கிருஷ்ணாயனுசு சுரடி ஆதி
12 குசேல பரிபால சங்கராபரணம் ஆதி
13 குருசரணம் பஜரே சங்கராபரணம் ஆதி
14 குருவருமஹமல ஆனந்தபைரவி ஆதி
15 கோதண்டதீஷா கல்யாணி மிஸ்ரசாபு
16 ஞானஸ்வரரூபமு ஸுரடி ஆதி
17 சபலமுமானி மத்யமாவதி ஆதி
18 சரணனு விஜயநாகரி ஆதி
19 செடிபோகே லலிதா ஆதி
20 தகதுரா ஸவேரி ஆதி
21 தத்வமு காம்போஜி சாபு
22 தஸரத நாதநாமக்ரியா ஆதி
23 தாம்தநாதி கேதாரகௌளம் (தில்லானா) ஆதி
24 தாரிதெலியக ஸ்ரீ மிஸ்ரசாபு
25 திகுலுமான்பரா ஹூசேனி ரூபகம்
26 திருப்பதிவேங்கடரமண முகாரி ஆதி
27 நாதப்பு காம்போஜி மிஸ்ரசாபு
28 நாமமுலனு பைரவி ஆதி
29 நாரத கான கல்யாணி ஆதி
30 நாராயணமுர தன்யாஸி ஆதி
31 நின்னேந்தோ தேவமனோகரி (பதவர்ணம்) கண்டதிருபுடை
32 நினுவினாக கேதாகௌளம் ரூபகம்
33 நீகே தய ஆனந்தபைரவி ஆதி
34 நீவே நன்னு தர்பார் கண்டசாபு
35 நெனரும்சி சக்ரவாகம் ஆதி
36 நேரமு லெந்நக சக்ரவாகம் ஆதி
37 பகஸேய தகுநா நாம நாராயணி ஆதி
38 பஜரே மானஸ கௌளை ஆதி
39 பஜரே ஸ்ரீராம மாளவ ஆதி
40 பரமபுருஷ கேதாரம் ஆதி
41 பரவஸமாயனு நாதநாமக்ரியா ஆதி
42 பாலகோபால தன்யாஸி ஆதி
43 பாலயமாம் ஸ்ரீ ஸ்வர்ணாங்கி ஆதி
44 பாலயமாம் ஸ்ரீ ஸ்ரீ ரஞ்சனி ஆதி
45 ப்ரத்யக்‌ஷமுகா பைரவி ஆதி
46 மன்ஸாராமுனி கமாஸ் ஆதி
47 யமுனி பாதலகு தோடி ஆதி
48 ராதா ரமண மோஹணம் ஆதி
49 ராமசந்திர ஆனந்த பைரவி ரூபகம்
50 ராமநாமொரலிஞ்சரா ஹரிகாம்போஜி ரூபகம்
51 ராமபக்தி பேகட ஆதி
52 ராமா மநவிவிநுமா காம்போஜி (ஸ்வரஜதி) ரூபகம்
53 ராமாரவி கேதாரகௌளம் (ஸ்வரஜதி) ரூபகம்
54 ராரா தசரத பைரவி ரூபகம்
55 ராரா வஸுதேவ தோடி ரூபகம்
56 ராரா ஸ்ரீரகுவீரா பிலஹரி ஆதி
57 ராக்‌ஷஸ குல சங்கராபரணம் ரூபகம்
58 வதரஸநே பூர்வகல்யாணி ஆதி
59 விடவனுரா கமலாமனோஹரி ஆதி
60 விநராது செஞ்சுருட்டி ஆதி
61 ஸரோஜாஷ கல்யாணி (வர்ணம்) ஆதி
62 ஸாமி நீபாத கேதாரம் ஆதி
63 ஸாமி நெனருன பைரவி (ஸ்வரஜதி) ஆதி
64 ஸ்ரீதர வைகுண்ட பேகட ஆதி
65 ஸ்ரீரகு ராமம் ஸ்ரீரஞ்சனி ஆதி
66 ஸ்ரீராஜ கோபால ஆபோகி (பதவர்ணம்) திஸ்ர திருபிடை
67 ஸ்ரீராமசந்த்ரநாது கமலா மனோஹரி (வர்ணம்) ஆதி
68 ஸ்ரீராம்ப்ரம்மமு பேகட ஆதி
69 ஹரி ஹரி சரஸ்வதி ஆதி
70 ஹரி ஹரி ஸ்ரீ புன்னாகவராளி ஆதி
வேங்கடரமண பாகவதரின் கீர்த்தனைகள்

மேற்கோள்கள்

  1. ↑ வேங்கடரமண பாகவதர்
  2. ↑ Venkataramana Bhagavathar
  3. ↑ Illustrious disciple of saint-poet
  4. ↑ Torchbearer of Tyagaraja tradition
  5. ↑ History of Sri Ventaramana Bhagavathar
  6. ↑ Life and Contribution Of Venkataramana Bhagavatar Part 1
  7. ↑ Life and Contribution Of Venkataramana Bhagavatar Part 2
  8. ↑ வேங்கடரமண பாகவதரின் நினைவாக வெளியிடப்பட்ட அஞ்சல் தலை

உசாத்துணை

வெளி இணைப்புகள்

"https://tamilar.wiki/index.php?title=வேங்கடரமண_பாகவதர்&oldid=7586" இருந்து மீள்விக்கப்பட்டது