வி. மைத்ரேயன்
மருத்துவர் வி. மைத்ரேயன் | |
|---|---|
| நாடாளுமன்ற உறுப்பினர் மாநிலங்களவை | |
| தொகுதி | தமிழ்நாடு |
| தனிப்பட்ட விவரங்கள் | |
| பிறப்பு | 21 செப்டம்பர் 1955 சென்னை, தமிழ்நாடு |
| அரசியல் கட்சி | தி.மு.க (2025–தற்போது) |
| பிற அரசியல் தொடர்புகள் | பா.ஜ.க (1991–1999), (2023–2024) அ.தி.மு.க (1999–2023), (2024–2025) |
வாசுதேவன் மைத்ரேயன் (நவம்பர் 21, 1955) என்பவர் இந்திய அரசியல்வாதியும் தமிழ்நாட்டைச் சேர்ந்த இந்திய நாடாளுமன்ற மேனாள் உறுப்பின்ரும் ஆவார். இவர் ஓர் இந்திய புற்றுநோய்க்கட்டி நீக்கும் பெரும் மருத்துவராகவும் உள்ளார்.
இளமையும் கல்வியும்
நவம்பர் 21, 1955-இல் வடகலை ஐயங்கார் குடும்பத்தில் இந்திய சுதந்திர போராட்ட வீரரான கே. ஆர். வாசுதேவன் - அவரது மனைவி மங்கா வாசுதேவன் ஆகியோருக்கு மைத்ரேயன் பிறந்தார். இவர் பள்ளிப்படிப்பை சென்னையில் பயின்றார். நாக்பூர் அரசு மருத்துவக் கல்லூரியில் மருத்துவப் பட்டம் பெற்றார். மைத்ரேயன் தனது பட்டப்படிப்பை முடித்தவுடன் சென்னை மருத்துவக் கல்லூரியில் புற்றுநோய் மருத்துவத்திற்கான தனது எம்.டி படிப்பைத் தொடர்ந்தார். இதன் பின் சென்னைப் பல்கலைக்கழகத்தில் புற்றுநோய் மருத்துவத்திற்கான டி.எம். படிப்பை முடித்தார்.
மருத்துவப் பணி
படிப்பை முடித்ததும், மைத்ரேயன் சிறிது காலம் புற்றுநோய் சிகிச்சை மருத்துவராக பணியாற்றினார். இவர் பல இந்திய, வெளிநாட்டு மருத்துவ இதழ்களில் கட்டுரைகளை எழுதியுள்ளார்.
அரசியல்
மைத்ரேயன் ஆரம்ப நாட்களில் ராஷ்டிரிய சுயயம்சேவாக் சங்கத்தில் உறுப்பினராக இருந்தார். 1991 ஆம் ஆண்டு பாரதிய ஜனதா கட்சியின் தமிழ்நாடு பிரிவின் செயற்குழு உறுப்பினராக ஆனார். 1995 முதல் 1997 வரை பா.ஜ.க யின் தமிழ்நாடு பொதுச் செயலாளராகவும், 1997 முதல் 1999 வரை துணைத் தலைவராகவும், 1999இல் சில காலம் மாநில தலைவராகவும் பணியாற்றினார். 1999 ஆம் ஆண்டு ஜூலையில் இவர் பாஜகவிலிருந்து விலகி அனைத்து இந்திய அண்ணா திராவிட முன்னேற்ற கழகத்தில் இணைந்தார்.[1] 2023 சூன் மாதத்தில் மீண்டும் பாஜகவில் இணைந்தார். 2024 செப்டம்பரில் பாஜகவில் இருந்து விலகி, மீண்டும் அதிமுகவில் இணைந்தார்.[2] On 28 ஜனவரி 2025 அன்று, அதிமுக அமைப்புச் செயலாளராக நியமிக்கப்பட்டார்.[3] பின்பு 13.08.2025 அன்று அதிமுகவிலிருந்து விலகி திமுகவில் இணைந்தார்.
மேலும் பார்க்க
தமிழ்நாடு மாநிலங்களவை உறுப்பினர்கள்
மேற்கோள்கள்
- ↑ "Senior BJP leader joins AIADMK". ரெடிப்.காம் (in ஆங்கிலம்). 1999-07-20. Retrieved 2024-09-12.
- ↑ "Expelled Ex-AIADMK MP and Jaya's close aide Maitreyan quits BJP, rejoins AIADMK". dtnext (in ஆங்கிலம்). 2024-09-12. Retrieved 2024-09-12.
- ↑ "அதிமுகவில் மைத்ரேயன், முல்லைவேந்தனுக்கு புதிய பதவி". Hindu tamil. 2025-01-28. Retrieved 2025-01-28.