ராம் சரண்

இராம் சரண்
பிறப்பு	இராம் சரண் தேஜ் 27 மார்ச்சு 1985 ( 1985 -03-27) சென்னை, தமிழ்நாடு, இந்தியா
இருப்பிடம்	திரைப்பட நகர், ஹைதெராபாத், ஆந்திர பிரதேசம், இந்தியா
பணி	நடிகர் தயாரிப்பாளர்
செயற்பாட்டுக் காலம்	2007–அறிமுகம்
உயரம்	5 அடிகள் 9 அங்குலங்கள் (1.75 m)
பெற்றோர்	சிரஞ்சீவி சுரேகா
வாழ்க்கைத் துணை	உபாசனா காமினேனி (2012–தற்போது வரை)
உறவினர்கள்	அல்லு இராமா (தாய்வழி தாத்தா) நாகேந்திர பாபு (தந்தை வழி மாமா) பவன் கல்யாண் (தந்தை வழி மாமா) ரேணு தேசாய் (அப்பா வழி அத்தை) அல்லு அரவிந்த் (மாமா) அல்லு அர்ஜுன் (cousin)

இராம் சரண் (பிறப்பு:27 மார்ச்சு 1988) தெலுங்கு திரைப்பட நடிகர் ஆவார். 2007 ஆம் ஆண்டு சிறுத்தை என்ற திரைப்படத்தின் மூலம் திரைப்படத் துறைக்கு அறிமுகமானார். அதைத் தொடர்ந்து பல வெற்றித் திரைப்படங்களில் நடித்ததன் மூலம் நந்தி விருது, பிலிம்பேர் விருது போன்ற பல விருதுகளை வென்றார். இவர் தெலுங்கு திரைப்பட நடிகர் சிரஞ்சீவியின் மகன் ஆவார்.

தனிப்பட்ட வாழ்க்கை

இவர் தமிழ்நாடு மாநிலம், சென்னையில் பிறந்தார். இவரின் தந்தை சிரஞ்சீவி மற்றும் தாய் சுரேகா சிரஞ்சீவி ஆவார். இவரின் குடும்பம் ஒரு திரைப்படக் கலைக் குடும்பம் ஆகும். இவர் திசம்பர் 1 ஆம் திகதி 2011 ஆம் ஆண்டு உபாசனா காமினேனி என்பவரை காதலித்து திருமணம் செய்து கொண்டார்.

திரைப்பட வாழ்க்கை

2007ம் ஆண்டு சிறுத்தை என்ற திரைப்படத்தின் மூலம் திரைப்படத் துறைக்கு அறிமுகமானார். இந்த திரைப்படம் 50 நாட்களை கடந்து ஓடியது. இந்த திரைப்படத்தில் நடித்ததற்காக சிறந்த அறிமுக நடிகருக்கான பிலிம்பேர் விருது மற்றும் நந்தி சிறப்பு நடுவர் விருது வென்றார். இந்த திரைப்படம் தமிழ் மொழியில் சிறுத்தை புலி என்ற பெயரில் மொழிமாற்றம் செய்யப்பட்டு 2012 ஆம் ஆண்டு வெளியானது.

2009 ஆம் ஆண்டு மாவீரன் என்ற திரைப்படத்தில் இவர் இரட்டை வேடத்தில் நடித்திருந்தார். இந்த திரைப்படத்தை இராஜமௌலி இயக்கியுள்ளார். இந்த திரைப்படத்தில் இவருக்கு ஜோடியாக நடிகை காஜல் அகர்வால் நடித்திருந்தார். இந்த திரைப்படம் பெரிய வெற்றிதுடன் வசூலிலும் மிக பெரிய வெற்றி கண்டது.

மாவீரன் திரைப்படத்தின் வெற்றியை தொடர்ந்து 2010 ஆம் ஆண்டு ஆரஞ்சு, 2012 ஆம் ஆண்டு ரச்சா, 2013 ஆம் ஆண்டு நாயக், 2014 ஆம் ஆண்டு ஏவடு போன்ற தெலுங்கு திரைப்படத்திலும் ஜன்சீர் என்ற ஒரு ஹிந்தி திரைப்படத்திலும் நடித்து இருந்தார், இந்த திரைப்படத்தில் இவருக்கு ஜோடியாக பாலிவுட் நடிகை பிரியங்கா சோப்ரா நடித்து இருந்தார், இந்த திரைப்படம் தெலுங்கு மொழியில் தூபேன் என்ற மொழிமாற்றம் செய்யப்பட்டு வெளியானது.

இவர் தற்பொழுது Govindudu Andarivadele என்ற திரைப்படத்தில் நடித்து கொண்டு இருக்கின்றார். இவருக்கு ஜோடியாக நடிகை காஜல் அகர்வால் நடிக்கின்றார்.

திரைப்படங்கள்

ஆண்டு	தலைப்பு	மொழி
2007	சிறுத்தை	தெலுங்கு
2009	மாவீரன்	தெலுங்கு
2010	ஆரஞ்சு	தெலுங்கு
2012	ரச்சா	தெலுங்கு
2013	நாயக்	தெலுங்கு
2013	ஜன்சீர் தூபேன்	ஹிந்தி தெலுங்கு
2014	Yevadu	தெலுங்கு
2014	Govindudu Andarivadele	தெலுங்கு

விருதுகள்

நந்தி விருது

• நந்தி சிறப்பு நடுவர் விருது சிறந்த நடிகர் - சிறுத்தை (2007)
• நந்தி சிறப்பு நடுவர் விருது சிறந்த நடிகர் - மாவீரன் (2009)

பிலிம்பேர் விருதுகள்

வெற்றி

• பிலிம்பேர் விருது சிறந்த புதுமுக நடிகர் - (சிறுத்தை) (2007)
• பிலிம்பேர் விருது சிறந்த நடிகர் தெலுங்கு - மாவீரன் (2009)

பரிந்துரைகள்

• பிலிம்பேர் விருது சிறந்த நடிகர் தெலுங்கு - ரச்சா (2012)

சினிமா விருதுகள்

வெற்றி

• சினிமா விருது சிறந்த புதுமுக நடிகர் - சிறுத்தை (2007)
• சினிமா விருது சிறந்த நடிகர் - மாவீரன் (2009)

பரிந்துரைகள்

• சினிமா விருது சிறந்த நடிகர் - ரச்சா (2012)

தென்னிந்திய சர்வதேசத் திரைப்பட விருதுகள்

பரிந்துரைகள்

• தென்னிந்திய சர்வதேசத் திரைப்பட விருது சிறந்த நடிகர் - ரச்சா (2012)

வெளி இணைப்புகள்

• ஐ.எம்.டி.பி இணையத்தளத்தில் Ram Charan