மோனிசா உன்னி
| இயற்பெயர்/ அறியும் பெயர் |
மோனிசா உன்னி |
|---|---|
| பிறந்தஇடம் | 24 சனவரி 1971 பன்னியங்கர, கோழிக்கோடு, கேரளா, இந்தியா |
| இறப்பு | 5 திசம்பர் 1992 (அகவை 21) |
| பணி | திரைப்ப நடிகை, பரதநாட்டிய கலைஞர் |
| தேசியம் | இந்தியர் |
| கல்வி நிலையம் | மவுண்ட் கார்மல் கல்லூரி, பெங்களூர், கருநாடகம், இந்தியா |
| பெற்றோர் | நாராயணன் உன்னி சிறிதேவி உன்னி |
மோனிசா உன்னி (Monisha Unni; 24 சனவரி 1971 - 5 திசம்பர் 1992) ஒரு இந்திய திரைப்பட நடிகை, மலையாள சினிமாவில் தனது படைப்புகளுக்கு பெயர் பெற்றவர். [1] [2]
மோனிசா உன்னி மலையாள திரைப்பட நடிகையாவார். இவர் நடித்து 1986 ஆண்டில் வெளியான முதல் திரைப்படம் நகக்க்ஷதங்கள். இந்த திரைப்படம் மூலம் இவர் சிறந்த நடிகைக்கான தேசிய திரைப்பட விருதைப் பெற்றார்.[3]
சாரதா, சோபனா, மீரா ஜாஸ்மின், சுரபி இலட்சுமி மற்றும் ஷோபாஆகியோருடன் சிறந்த நடிகைக்கான தேசிய திரைப்பட விருதை வென்ற ஆறு மலையாள நடிகைகளில் மோனிசா உன்னியும் ஒருவர்.[4] [5]
தனது குறுகிய கால திரையுலக வாழ்வில், எம். டி. வாசுதேவன் நாயர்,அரிகரன், பிரியதர்சன், அசயன்,கமல் மற்றும் சிபி மலையில் போன்ற இயக்குனர்களுடன் மோனிஷா பணியாற்றியுள்ளார்.[6]
ஆரம்பகால வாழ்க்கை
மோனிஷா உன்னி 1971 ஆம் ஆண்டில் கோழிக்கோடு பன்னியங்கராவில் நாராயணன் உன்னி, ஸ்ரீதேவி உன்னி ஆகியோருக்கு பிறந்தார். நாராயணன் உன்னி கேரள மாநிலம் பாலக்காடு மாவட்டத்திலுள்ள சோர்னூரிலிருந்து வந்து பெங்களூரில் தோல் வியாபாரம் செய்து வந்தார், அங்கு மோனிசா வளர்க்கப்பட்டார். ஸ்ரீதேவி உன்னி மோகினியாட்டத்தில் பயிற்சி பெற்ற நடனக் கலைஞர். மோனிசா தனது குழந்தைப் பருவத்தில் நடனம் கற்கத் தொடங்கினார், மேலும் ஒன்பது வயதாக இருந்தபோது மேடையில் தனது முதல் நடன அறங்கேற்றம் செய்தார்.
1985 இல் கர்நாடக மாநில அளவிலான மோகினியாட்டம் போட்டியில் கெளசிகா விருதை வென்றார். பெங்களூரிலுள்ள செயின்ட் சார்லஸ் உயர்நிலைப் பள்ளியிலும், பெங்களூர் பிஷப் காட்டன் பெண்கள் பள்ளியிலும் தனது பள்ளிப்படிப்பை முடித்தார். பெங்களூரில் உள்ள மவுண்ட் கார்மல் கல்லூரியில் உளவியலில் பட்டம் பெற்றார். அவருக்கு சசித் உன்னி என்ற மூத்த சகோதரும் உள்ளார்.
மரணம்
மோனிசா உன்னி செப்படிவித்யா என்ற மலையாள திரைப்படத்தில் பணிபுரிந்து வந்தபோது கார் விபத்தில் இறந்தார். 1992 திசம்பர் 5 அன்று, மோனிசா, அவரது தாயார் சிறிதேவி உண்ணி ஆகியோருடன் சென்ற கார், ஆலப்புழாவில் உள்ள சேர்த்தலை அருகே தேசிய நெடுஞ்சாலையில் சேர்ந்தலாவில் இருந்து முஹம்மா நோக்கிச் சென்ற கேரள அரசுப் பேருந்து மீது மோதியதில் விபத்து ஏற்பட்டது. அவரது தாயார் எலும்பு முறிவுகள் மற்றும் காயங்களுடன் உயிர் தப்பினார். பலத்த காயமடைந்த மோனிசா உயிரிழந்தார்.
மேற்கோள்கள்
- ↑ "Monisha Biography". entertainment.oneindia.in இம் மூலத்தில் இருந்து 5 December 2013 அன்று. பரணிடப்பட்டது.. https://web.archive.org/web/20131205101409/http://entertainment.oneindia.in/celebs/monisha-malayalam-actress/biography.html.
- ↑ "Archived copy" இம் மூலத்தில் இருந்து 3 December 2013 அன்று. பரணிடப்பட்டது.. https://web.archive.org/web/20131203050620/http://www.mangalam.com/mangalam-varika/64795.
- ↑ National Best Actress Award for Nakhashathangal – IMDB Page
- ↑ "Archived copy" இம் மூலத்தில் இருந்து 30 November 2013 அன்று. பரணிடப்பட்டது.. https://web.archive.org/web/20131130152334/http://www.thehindu.com/todays-paper/tp-features/tp-neighbourhood/losing-her-wish-she-turned-to-dance/article853641.ece.
- ↑ "Archived copy" இம் மூலத்தில் இருந்து 15 April 2014 அன்று. பரணிடப்பட்டது.. https://web.archive.org/web/20140415144405/http://www.thehindu.com/features/cinema/remembering-monisha-unni/article5609706.ece.
- ↑ "Archived copy" இம் மூலத்தில் இருந்து 3 December 2013 அன்று. பரணிடப்பட்டது.. https://web.archive.org/web/20131203022547/http://www.manoramaonline.com/cgi-bin/MMOnline.dll/portal/ep/malayalamContentView.do?contentId=8391035&programId=7940855&channelId=-1073750705&BV_ID=@@@&tabId=3.