மைலே சைரஸ்

தமிழர்விக்கியிலிருந்து
Jump to navigation Jump to search
மைலே சைரஸ்
படிமம்:Miley Cyrus Primavera19 -226 (48986293772) (cropped).jpg
2019 இல் மைலே சைரஸ்
பிறப்புடெஸ்டினி ஹோப் சைரஸ்
நவம்பர் 23, 1992 (1992-11-23) (அகவை 33)
பிராங்க்ளின், டென்னஸி, அமெரிக்க ஐக்கிய நாடுகள்
மற்ற பெயர்கள்
  • மைலே ரே சைரஸ்
  • மைலே ரே ஹெம்ஸ்வொர்த் [2]
பணி
  • பாடகர்
  • பாடலாசிரியர்
  • நடிகை

மைலே ரே சைரஸ் (Miley Ray Cyrus) (பிறப்பு; டெஸ்டினி ஹோப் சைரஸ், நவம்பர் 23, 1992) அமெரிக்க ஐக்கிய நாடுகளைச் சேர்ந்த ஓர் பாடகியும், பாடலாசிரியரும் மற்றும் நடிகையும் ஆவார். ஒரு பரப்பிசையில் ஒரு பிம்பமாகக் கருதப்படும் சைரஸ், தனது வளர்ந்து வரும் கலைத்திறன்களுக்காக அங்கீகரிக்கப்பட்டுள்ளார். பாடகர் பில்லி ரே சைரஸின் மகளான இவர், இளம் வயதினருக்கான வெற்றிகரமான பொழுதுபோக்கு வாழ்க்கையைக் கொண்ட ஒரு சில குழந்தை நட்சத்திரங்களில் ஒருவராகக் கருதப்படுகிறார். டிஸ்னி தொலைக்காட்சியில் ஒளிப்பரப்பட்ட ஹன்னா மாண்டனா என்ற தொலைக்காட்சித் தொடரின் (2006–2011) தலைப்பு கதாபாத்திரமாக சைரஸ் ஒரு இளம் வயது பெண்ணாக நடித்திருந்தார். இது வணிக ரீதியாக வெற்றி பெற்றது. ஹன்னா மான்டனாவின் வெற்றியைத் தொடர்ந்து 2006ஆம் ஆண்டு அக்டோபரில் இவர் எட்டு பாடல்களைப் பாடிய நிகழ்ச்சியின் இசைத்தட்டு வெளியிடப்பட்டது.

வெளியீடுகள்

அமெரிக்காவின் முதலிடத்தைப் பிடித்த இவரது முதல் பரப்பிசைத் தொகுப்பான மீட் மைலி சைரஸ் (2007) மற்றும் பிரேக்அவுட் (2008) சைரஸின் தனி இசை வாழ்க்கையுடன் தொடங்கியது. 2009-இல் வெளியான இவரது தி டைம் ஆஃப் அவர் லைவ்ஸ் அமெரிக்காவில் இரண்டாவது இடத்தைப் பிடித்தது. அதன் முன்னணி தனிப்பாடலான " பார்ட்டி இன் தி யுஎஸ்ஏ " எல்லா காலத்திலும் அதிகம் விற்பனையாகும் தனிப்பாடல்களில் ஒன்றாக மாறியது. மேலும் அமெரிக்காவில் 14 முறை பிளாட்டினம் சான்றிதழ் பெற்றது. 2010 ஆம் ஆண்டு வெளியான கான்ட் பி டேம்ட் என்ற இசைக் காணொளியில் பரப்பிசையுடன் நடனத்தையும் சேர்த்து வெளியிட்டார். இது கலவையான விமர்சனங்களைப் பெற்றது. 2021 ஆம் ஆண்டில் கொலம்பியா ரெக்கார்ட்ஸ் நிறுவனத்திற்காக சைரஸ், தனது எட்டாவது இசைத் தொப்பான எண்ட்லெஸ் சம்மர் வெக்கேஷன் (2023) என்பதை வெளியிட்டார். அதன் முன்னணி தனிப்பாடலான " ஃப்ளவர்ஸ் " சர்வதேச அளவில் வெற்றி பெற்றது. மேலும் ஆண்டின் சாதனை உட்பட இரண்டு கிராமி விருதுகளை வென்றது.

திரைப்படங்கள்

2008இல் வெளிவந்த போல்ட் திரைப்படத்திலும் சைரஸ் தோன்றியுள்ளார். இவருக்கு கோல்டன் குளோப் விருது பரிந்துரையைப் பெற்றுத்தந்த பாடலுக்கான "ஐ தாட் ஐ லாஸ்ட் யூ" பாடலை பாடியுள்ளார். ஹன்னா மான்டனாவை அடிப்படையாகக் கொண்டு 2009 இல் வெளிவந்த ஹன்னா மான்டனா:தி மூவி என்ற திரைப்படத்திலும் இவர் நடித்திருக்கிறார். 2008இல், டைம் இதழ் உலகின் மிகவும் செல்வாக்குள்ள 100 நபர்களுள் ஒருவராக சைரஸையும் பட்டியலிட்டிருந்தது. போர்ப்ஸ் இதழ் 2008 இல் இவர் ஈட்டிய 25 மில்லியன் டாலர்கள் வருமானத்துடன் "பிரபலங்கள் 100" பட்டியலில் இவருக்கு 35வது இடத்தை அளித்திருந்தது. இப்பட்டியலில் 2009இல் இவருடைய தரவரிசை 29ஆம் இடத்திற்கு உயர்ந்தது.

சொந்த வாழ்க்கை

சைரஸ் கலிபோர்னியாவின் ஹிடன் ஹில்ஸில் வசிக்கிறார். மேலும் இவரது சொந்த ஊரான பிராங்க்ளினில் $5.8 மில்லியன் மதிப்புள்ள வீட்டையும் கொண்டுள்ளார்.[3][4] இவர் ஒரு கிறிஸ்தவராக வளர்க்கப்பட்டார். மேலும் தனது குழந்தைப் பருவத்திலும், இளமைப் பருவத்திலும் தன்னை ஒரு கிறிஸ்தவராக அடையாளப்படுத்திக் கொண்டார். ஆனால் 2015இல் வெளியான இவரது "பால் பால் பால்" [5] என்ற பாடலில் திபெத்திய பௌத்தத்தைப் பற்றிய குறிப்புகளைச் சேர்த்துள்ளார். மேலும் இந்து நம்பிக்கைகளாலும் ஈர்க்கப்படுள்ளார்.[6]

2019 முதல், இவர் தன்னார்வ குழந்தைச் சுதந்திர நபராக இருந்து வருகிறார்.[7][8]

சைரஸ் நேஆ. நேபெ. இ. மா. சமூகத்தின் ஆதரவாளர்.[9] 2010 ஆம் ஆண்டு இவர் பாடிய "மை ஹார்ட் பீட்ஸ் ஃபார் லவ்" பாடல் இவரது ஓரின சேர்க்கையாளர் நண்பர்களில் ஒருவருக்காக எழுதப்பட்டது.[10] மேலும் அதன் விரிவான ஓரின சேர்க்கை காட்சி காரணமாக இலண்டன் தான் நிகழ்ச்சி நடத்த மிகவும் பிடித்த இடம் என்று கூறியுள்ளார். சைரஸ் தனது மோதிர விரலில் ஒரே பாலின திருமணத்தை ஆதரித்து சமமான அடையாளத்தை பச்சை குத்திக் கொண்டுள்ளார்.[11] 2018 ஆம் ஆண்டு ஒரு ஆணுடன் திருமணம் செய்து கொண்ட பிறகும், சைரஸ் தான் இன்னும் ஓரினச்சேர்க்கையாளராகவே அடையாளம் காணப்பட்டதாகக் கூறினார்.[12] 2014 ஆம் ஆண்டில், இவர் ஹேப்பி ஹிப்பி அறக்கட்டளையை நிறுவினார். இது “வீடற்ற இளைஞர்கள், நேஆ. நேபெ. இ. மா. சமூக இளைஞர்கள் மற்றும் பிற பாதிக்கப்படக்கூடிய மக்கள் எதிர்கொள்ளும் அநீதியை எதிர்த்துப் போராட” செயல்படுகிறது.[13]

அங்கீகாரம்

தனது வாழ்க்கை முழுவதும், சைரஸ் பல விருதுகளையும் பரிந்துரைகளையும் பெற்றுள்ளார். 2009 ஆம் ஆண்டில், தனது 16 வயதில், போல்ட் திரைப்படத்திற்காக ஜான் டிராவோல்டா நடித்த ஐ தாட் ஐ லாஸ்ட் யூ பாடலுக்காக சிறந்த அசல் பாடலுக்கான கோல்டன் குளோப் விருதுகளுக்கானப் பரிந்துரையைப் பெற்றார் [14], மேலும் 2025 ஆம் ஆண்டில் தி லாஸ்ட் ஷோகேர்ள் திரைப்படத்திற்காக பியூட்டிஃபுல் தட் வே பாடலுக்காக அதே பிரிவில் பரிந்துரைக்கப்பட்டார்.[15] 2009 ஆம் ஆண்டில் தி க்ளைம்ப் என்ற பாடலுக்காக ஒரு திரைப்படத்தின் சிறந்த பாடலுக்கான எம்டிவி திரைப்பட விருதையும் வென்றார். 2014 ஆம் ஆண்டு உலக இசை விருதுகளில் 16 பரிந்துரைகளையும், 2006 முதல் 2014 வரை 50 டீன் சாய்ஸ் விருது பரிந்துரைகளையும் பெற்றதன் மூலம், டீன் சாய்ஸ் விருதுகளின் வரலாற்றில் அதிக முறை பரிந்துரைக்கப்பட்ட நபர் என்ற பெருமையைப் பெற்றார். 2024 ஆம் ஆண்டில், 66வது வருடாந்திர கிராமி விருதுகளில் தனது முதல் இரண்டு கிராமி விருதுகளை வென்றார். மேலும் 2025 ஆம் ஆண்டில் இவர் 9 பரிந்துரைகளைப் பெற்றார்.

குறிப்புகள்

மேற்கோள்கள்

  1. ↑ Mandell, Andrea (February 8, 2019). "Yep, Miley Cyrus took Liam Hemsworth's last name. But will she use it professionally?". USA Today இம் மூலத்தில் இருந்து June 1, 2019 அன்று. பரணிடப்பட்டது.. https://web.archive.org/web/20190601213449/https://www.usatoday.com/story/life/entertainthis/2019/02/08/miley-cyrus-took-liam-hemsworths-last-name-she-use-onstage/2817541002/. 
  2. ↑ லியம் ஹெம்ஸ்வர்த் என்பவரை மணந்தார். (2018–2020)[1]
  3. ↑ David, Mark (July 23, 2020). "Miley Cyrus Lands Back in Hidden Hills". Dirt.com. Retrieved February 10, 2022.
  4. ↑ Haggard, Amanda (August 14, 2017). "Miley Cyrus buys Franklin home for $5.8M". NashvillePost.com. Retrieved February 10, 2022.
  5. ↑
  6. ↑ Khan, Alshaar (February 7, 2017). "Miley Cyrus' Lakshmi Puja And The West's Obsession With India". Man's World India (in ஆங்கிலம்). Retrieved December 27, 2024.
  7. ↑ Bailey, Alyssa (July 13, 2019). "Miley Cyrus Says Climate Change Has Affected Her Stance on Having Kids". ELLE. Retrieved January 27, 2024.
  8. ↑
  9. ↑ "Miley dedicated 'My Heart Beats for Love' to all her gay fans". MTV News. Viacom. Archived from the original on October 4, 2013. Retrieved April 29, 2013.
  10. ↑ "Miley Cyrus, 'I Wrote 'STAY' About Liam'". Ocean Up. June 16, 2010. Retrieved April 29, 2013.
  11. ↑ Ford, Rebecca (July 30, 2011). "Miley Cyrus Supports Gay Marriage With Tattoo". The Hollywood Reporter. Retrieved May 14, 2015.
  12. ↑ Mizoguchi, Karen (August 12, 2019). "Everything Miley Cyrus Has Said About Her Sexuality". People. Retrieved August 16, 2019.
  13. ↑ "The Happy Hippie Foundation". Happyhippies.org. Retrieved July 31, 2016.
  14. ↑ "Miley Cyrus". Golden Globes (in அமெரிக்க ஆங்கிலம்). Retrieved November 15, 2024.
  15. ↑ Moreau, Jordan (December 9, 2024). "Golden Globes 2025 Nominations: 'Emilia Perez' Dominates Films With 10 Nods; 'The Bear' Leads TV With Five". Variety (in அமெரிக்க ஆங்கிலம்). Retrieved December 9, 2024.

மேலும் படிக்க

வெளி இணைப்புகள்

"https://tamilar.wiki/w/index.php?title=மைலே_சைரஸ்&oldid=477853" இலிருந்து மீள்விக்கப்பட்டது