மன்னாப் பொருள்

மன்னாப் பொருள் என்பது ஓர் இலக்கணக் குறியீடு. தொல்காப்பியம் இதனைக் குறிப்பிடுகிறது.

மன்னாப் பொருளும் அன்ன இயற்றே

சினைமுதல் கிளவி செயலாற்றும் பாங்கைக் குறிப்பிடும்போது 'உம்' சேர்த்துச் சொல்ல வேண்டும் என்று கூறிய அடுத்த நூற்பா இவ்வாறு குறிப்பிடுகிறது. மன்னாப் பொருள் என்பது உலகில் இல்லாத பொருள். ஒருவரிடம் இல்லாத பொருள் மற்றொருவரிடம் இருக்கலாம். இது மன்னாப் பொருள் ஆகாது. உலகில் இல்லாத பொருளை குறிப்பிட நேரும்போது 'உம்' சேர்த்துச் சொல்லவேண்டும் என்கிறார் தொல்காப்பியர்.

பவளக் கோட்டு நீல யானை சாதவாகனன் கோயிலுள்ளும் இல்லை.

இப்படிச் சொல்லவேண்டும் என்பது தமிழ்நெறி.