மகேஷி ராமசாமி
| பிறப்பு | |
|---|---|
| குடியுரிமை | பிரித்தானியர் |
| தேசியம் | இலங்கை - பிரித்தானியர் |
| Alma mater | கிறிஸ்ட் கல்லூரி, கேம்பிரிட்ஜ், கேம்பிரிச்சுப் பல்கலைக்கழகம் வாதாம் கல்லூரி, ஆக்ஸ்போர்டு |
| அறியப்பட்டது | அறிவியலாளர் |
மகேஷி என். ராமசாமி, இலங்கையைப் பூர்விகமாகக் கொண்ட பிரித்தானிய மருத்துவரும், விரிவுரையாளருமாவார். இவர் தற்போது ஆக்ஸ்போர்டு தடுப்பூசி குழுவில் தலைமை புலனாய்வாளர்களில் ஒருவராக பணியாற்றி வருகிறார். [1]
வரலாறு
இலங்கையைச் சார்ந்த தமிழரும், அவுஸ்திரேலிய கல்வியாளரும் அறிவியலாளருமான, ரஞ்சன் ராமசாமி மற்றும் சிங்கள இனத்தைச் சார்ந்த சமரநாயக் என்ற மந்திரி ராமசாமி இவரது பெற்றோர் ஆவர். இருவருமே புகழ்பெற்ற விஞ்ஞானிகள் ஆவர். [2]
தொழில்
மருத்துவக் கல்வியை இங்கிலாந்தில் உள்ள கேம்பிரிட்ஜ், கிறிஸ்ட் கல்லூரியில் முடித்துள்ள மகேஷி லண்டன், ஆக்ஸ்போர்டில் தொற்று நோய்கள் மற்றும் பொது உள் மருத்துவத்தில் பயிற்சி பெற்றுள்ளார். மேலும் [3] ஆக்ஸ்போர்டில் உள்ள வாதாம் கல்லூரியில் முனைவர் பட்டமும் பெற்றுள்ளார். [4]
இவர் தற்போது ஆக்ஸ்போர்டு பல்கலைக்கழகத்தின் NHS அறக்கட்டளையில் ஆலோசக மருத்துவராகவும், ஆக்ஸ்போர்டு பல்கலைக்கழகத்தின் மாக்டலன் கல்லூரியில் மூத்த கௌரவ மருத்துவ விரிவுரையாளராகவும் பணியாற்றிவருகிறார். [4]
ஆக்ஸ்போர்டு தடுப்பூசி குழுவில் முன்னணி விஞ்ஞானிகளில் ஒருவராக கருதப்படும் இவர், கோவிட்-19 தொற்றுநோயால் பாதிக்கப்பட்ட நோயாளிகளுக்கு தகுந்த நோயெதிர்ப்பு தடுப்பூசியை உருவாக்கிய குழுவில் பணியாற்றியுள்ளார்.[5][6]
வளர்ச்சி நிலையில் உள்ள கோவிட் தடுப்பூசியின் மருத்துவ நடைமுறை குறித்து பிரபல மருத்துவ இதழான தி லான்செட் வெளியிட்ட கட்டுரை ஒன்றில் இவரின் பங்களிப்பைக் குறிப்பிடப்பட்டு அங்கீகரித்துள்ளது. [2]
மேற்கோள்கள்
- ↑ Lahiru Pothmulla (November 21, 2020). "SL born Dr Ramasamy an investigator in Oxford COVID-19 Vaccine Group". http://www.themorning.lk/sl-born-dr-ramasamy-an-investigator-in-oxford-covid-19-vaccine-group/.
- ↑ 2.0 2.1 "Sri Lankan born medical professional at the forefront of COVID-19 vaccine development" (in en). 2020-11-21. https://www.newsfirst.lk/2020/11/21/sri-lankan-born-medical-professional-at-the-forefront-of-covid-19-vaccine-development/.
- ↑ "Maheshi Ramasamy" (in en). https://www.ovg.ox.ac.uk/team/maheshi-ramasamy.
- ↑ 4.0 4.1 "Dr Maheshi Ramasamy | Magdalen College Oxford". https://www.magd.ox.ac.uk/member-of-staff/dr-maheshi-ramasamy/.
- ↑ "Oxford Covid-19 vaccine shows promise among over 70s in trials". https://www.irishtimes.com/business/health-pharma/oxford-covid-19-vaccine-shows-promise-among-over-70s-in-trials-1.4413532?mode=amp.
- ↑ "Covid: Oxford vaccine shows 'encouraging' immune response in older adults". https://www.bbc.com/news/health-54993652.