பால் லிஞ்ச் (எழுத்தாளர்)
பால் லிஞ்ச் | |
|---|---|
_revised.jpg) 2014 ஆம் ஆண்டில் பிரான்சில் லிஞ்ச் | |
| பிறப்பு | 9 மே 1977 லிமெரிக், அயர்லாந்து |
| தொழில் | புதின எழுத்தாளர் |
| தேசியம் | ஐரியர் |
| குடியுரிமை | அயர்லாந்து குடியரசு |
| வகை | புனைகதை |
| குறிப்பிடத்தக்க படைப்புகள் |
|
| குறிப்பிடத்தக்க விருதுகள் |
|
| இணையதளம் | |
| Official website | |
பால் லிஞ்ச் (Paul Lynch) (பிறப்பு 9 மே 1977) ஒரு ஐரிஷ் நாவலாசிரியர் ஆவார். இவரது கவிதை பாடல் பாணிக்காகவும் சிக்கலான கருப்பொருள்களை ஆராய்வதற்காகவும் நன்கு அறியப்பட்டவர் ஆவார். இவர் ஐந்து நாவல்களை வெளியிட்டுள்ளார். கெர்ரி குழு ஐரிஷ் புனைகதை விருது உட்பட பல விருதுகளை வென்றுள்ளார். [1] இவர் தனது ஐந்தாவது நாவலான தீர்க்கதரிசியின் பாடலுக்காக (Prophet Song) 2023 புக்கர் பரிசைப் பெற்றார். [2]
வாழ்க்கை வரலாறு
லிஞ்ச் மே 1977 இல் அயர்லாந்தின் தென்மேற்கில் உள்ள லிமெரிக்கில் பிறந்தார்; இவரது பெற்றோர் மற்றும் இவரது குடும்பத்தினர் அனைவரும் லிமெரிக் மற்றும் லிமெரிக் கவுண்டியின் பிற பகுதிகளைச் சேர்ந்தவர்கள். [3] [4] இருப்பினும், இவர் ஒன்பது மாதமாக இருந்தபோது, இவரது பெற்றோர் அயர்லாந்தின் வடக்கு மாகாணமான அல்ஸ்டரில் உள்ள கவுண்டி டொனேகலின் வடக்குப் பகுதிக்கு குடிபெயர்ந்தனர், அங்கு இவர் வளர்க்கப்பட்டார். [3] [4] இவரது பெற்றோர் அல்ஸ்டரின் வடக்கு கடற்கரையில் உள்ள தீபகற்பமான இனிஷோவெனின் வடக்கில் குடியேறினர். லிஞ்ச் தனது குழந்தைப் பருவம் மற்றும் இளமைப் பருவத்தை மாலின் ஹெட்டிலும் பின்னர் கார்ண்டோனாக்கிலும் கழித்தார். [3] [5] அப்போதைய கோஸ்ட் அண்ட் கிளிஃப் ரெஸ்க்யூ சர்வீஸில் (சிசிஆர்எஸ்) இவரது தந்தையின் வேலை காரணமாக அவரது பெற்றோர் இனிஷோவெனுக்கு குடிபெயர்ந்தனர், இந்த சேவை பின்னர் 1991- ஆம் ஆண்டில் ஐரிஷ் கடல் அவசர சேவையாக மாறியது (ஐஎம்எஸ்; இப்போது ஐரிஷ் கடலோரக் காவல்படை என்று அழைக்கப்படுகிறது). [4] இவர் 1995 ஆம் ஆண்டு முதல் டொனேகல் கவுண்டியில் வசிக்கவில்லை [3] இவர் இப்போது தனது நீண்டகால இல்லமான டப்லினில் வசிக்கிறார், [3] அங்கு இவர் புனைகதை எழுதுவதற்கு முன்பு, தி சண்டே ட்ரிப்யூனின் துணைத் தலைமை துணை ஆசிரியராகவும், தலைமைத் திரைப்பட விமர்சகராகவும் இருந்தார்.
எழுத்து வாழ்க்கை
இவரது முதல் நாவலான ரெட் ஸ்கை இன் மார்னிங், லண்டனில் ஆறு வெளியீட்டாளர்கள் ஏலத்திற்கு உட்பட்டது, மேலும் அமெரிக்காவிலும் பிரான்சிலும் இவருக்குப் பாராட்டுக்களைப் பெற்றுத் தந்தறது, இந்தப் புத்தகம் பிரான்சின் பிரிக்ஸ் டு மெல்லூர் லிவ்ரே எட்ரேஞ்சருக்கு (சிறந்த வெளிநாட்டு புத்தக விருது) இறுதிப் போட்டியாக இருந்தது. ) [6] 1830 களில், முக்கியமாக அல்ஸ்டரில் இருந்து ஐரிஷ் குடியேறியவர்கள், அடையாளம் தெரியாத பெரும்புதைகுழியில் கண்டுபிடிக்கப்பட்ட, பிலடெல்பியாவிற்கு அருகிலுள்ள டஃபிஸ் கட் என்ற தளத்தின் அகழ்வாராய்ச்சியைப் பற்றிய ஒரு தொலைக்காட்சி ஆவணப்படத்தால் ஈர்க்கப்பட்டு அதன் வெளிப்பாடாய் இந்த நாவல் உருவாக்கப்பட்டது. [4] இது குடியேற்றம், இனவெறி மற்றும் மிருகத்தனம் ஆகியவற்றின் கருப்பொருளை ஆராய்கிறது. [7]
லிஞ்சின் இரண்டாவது நாவலான தி பிளாக் ஸ்னோ, கவுண்டி டொனேகலில் உள்ள தனது சொந்த சமூகத்திற்கு ஐரிஷ் குடியேறியவர் திரும்புவதையும், ஒரு குதிரைக் கொட்டில் தீப்பிடித்தபோது சோகத்தில் வீழ்வதையும் விவரிக்கிறது. [8] இந்த நாவல் பல பரிசுகளுக்கான பரிந்துரைக்கப்பட்டது மற்றும் சிறந்த வெளிநாட்டு நாவலுக்கான பிரான்சின் பிரிக்ஸ் லிப்ரா நௌஸை வென்றது. சண்டே டைம்ஸ் அயர்லாந்தில், தியோ டோர்கன் புத்தகத்தை "ஒரு குறிப்பிடத்தக்க சாதனை" என்று அழைத்தார்.
இவரது மூன்றாவது நாவல், கிரேஸ் (2017), ஐரிஷ் பஞ்சத்தின் போது ஒரு இளம் பெண் உயிர் வாழ்வதற்கான போராட்டத்தின் கதையைச் சொல்கிறது. இந்த நாவல் கெர்ரி குழுவின் ஐரிஷ் நாவலின் ஆண்டிற்கான பரிசை வென்றது.[1] மேலும், வரலாற்றுப் புனைகதைக்கான தி வால்டர் ஸ்காட் பரிசு உட்பட பல விருதுகளுக்கு பரிந்துரைக்கப்பட்டது. [9] ஒரு மதிப்பாய்வில், தி நியூயார்க் டைம்ஸ் பின்வருமாறு கூறியுள்ளது: "லிஞ்ச் ஒரு உறுதியான கால்களைக் கொண்டு இறுக்கமான கயிற்றில் நடப்பவர்... இவரது ஈரம் பொதிந்த, கவிதை உரைநடை வேண்டுமென்றே வலியுடன் கூடிய பஞ்சத்தின் யதார்த்தத்திற்கு ஒரு மென்படலமாக செயல்படுகிறது.” [10]
லிஞ்சின் நான்காவது புதினமான, பியாண்ட் தி சீ (2019), ஒரு உண்மை நிகழ்வால் ஈர்க்கப்பட்டு உருவாக்கப்பட்டது. பசிபிக் பெருங்கடலில் ஒரு படகில் அமைக்கப்பட்ட இரண்டு காஸ்ட்வேகளை உள்ளடக்கிய இருத்தலியல் கதை. இந்த நாவல் பல்வேறு விமர்சகர்களால் எர்னஸ்ட் ஹெமிங்வே, சாமுவேல் பெக்கெட், ஏர்மன் மெல்வில், வில்லியம் கோல்டிங், பியோதர் தஸ்தாயெவ்ஸ்கி மற்றும் பாப்லோ நெருடா ஆகியோரின் படைப்புகளுடன் ஒப்பிடப்பட்டு, இல் பிரான்சின் பிரிக்ஸ் ஜென்ஸ் டி மெர்ஸை வென்றது.
லிஞ்சின் ஐந்தாவது புதினமான தீர்க்கதரிசியின் பாடல் (Prophet Song), "அயர்லாந்து ஒரு பாசிச நாடாக மாறுவது பற்றிய குளிர்ச்சியான ஆய்வு" என்று விவரிக்கப்பட்டுள்ளது. நியூயார்க் டைம்ஸ் படி, நாவல் அதன் ஆரம்ப வெளியீட்டில் அயர்லாந்து மற்றும் பிரிட்டனில் கலவையான விமர்சனங்களைப் பெற்றது.
தீர்க்கதரிசியின் பாடல் தி கார்டியனால் "நடைமுறை மற்றும் அரசியல் சொற்களில் ஈர்க்கக்கூடிய நாவல்" என்று விவரிக்கப்பட்டது, [11] மேலும் இது 2023 ஆம் ஆண்டிற்கான புக்கர் பரிசைப் பெற்றது
மேற்கோள்கள்
- ↑ 1.0 1.1 Doyle, Martin (30 May 2018). "'Grace' by Paul Lynch wins Kerry Group Irish Novel of the Year Award". The Irish Times. https://www.irishtimes.com/culture/books/grace-by-paul-lynch-wins-kerry-group-irish-novel-of-the-year-award-1.3513627.
- ↑ "Booker Prize 2023: Ireland's Paul Lynch wins with Prophet Song". 26 November 2023. https://www.bbc.com/news/entertainment-arts-67537449.
- ↑ 3.0 3.1 3.2 3.3 3.4 The Nine O'Clock Show, RTÉ Radio 1, Thursday, 24 August 2023 (Paul Lynch interviewed by Oliver Callan; go to 35 minutes and 37 seconds into the show). https://www.rte.ie/radio/radio1/the-nine-oclock-show/programmes/2023/0824/1401405-the-nine-oclock-show-thursday-24-august-2023/
- ↑ 4.0 4.1 4.2 4.3 'The Arts Interview: Paul Lynch' (The Limerick Leader, 9 November 2014). https://www.limerickleader.ie/news/news/102369/The-Arts-Interview-Paul-Lynch.html
- ↑ Ireland North (map). O.S.I., Dublin, and O.S.N.I. (part of Land and Property Services), பெல்பாஸ்ட், 2011.
- ↑ Doyle, Martin (1 June 2018). "'Grace' by Paul Lynch is June's Book Club pick". https://www.irishtimes.com/culture/books/grace-by-paul-lynch-is-june-s-book-club-pick-1.3515339.
- ↑ Cheuse, Alan (November 4, 2013). "'Red Sky In Morning' Mixes Forceful Language And Powerful Story". NPR. https://www.npr.org/templates/story/story.php?storyId=243056278&t=1657893148525.
- ↑ Hamilton, Hugo (2014-03-29). "The Black Snow by Paul Lynch review – raw, savage ... and tender". தி கார்டியன். https://www.theguardian.com/books/2014/mar/29/black-snow-paul-lynch-ireland-emigration-review.
- ↑ McGarry, Patsy (18 April 2018). "Paul Lynch novel 'Grace' nominated for second major award in less than a month". The Irish Times. https://www.irishtimes.com/news/social-affairs/paul-lynch-novel-grace-nominated-for-second-major-award-in-less-than-a-month-1.3464944.
- ↑ Grant, Katharine (September 2017). "On the Road: Two Children Brave the Irish Famine". https://www.nytimes.com/2017/09/01/books/review/paul-lynch-grace.html.
- ↑ Jordan, Justine (2023-08-01). "Irish writers, debuts – and groundbreaking sci-fi: the Booker longlist in depth". தி கார்டியன். https://www.theguardian.com/books/2023/aug/01/booker-prize-2023-irish-debuts-groundbreaking-sci-fi.