நூலகவியல் (சிற்றிதழ்)
நூலகவியல் ஐக்கிய இராச்சியத்தின் லூட்டன் எனுமிடத்திலிருந்து 2005 இல் வெளிவந்த ஒரு காலாண்டு இதழாகும். அதன் முதலிதழ் 1985ம் ஆண்டு இலங்கையிலிருந்து வெளிவந்தது.
பணிக்கூற்று
- வாசிப்பை நேசிப்போம்.
நிர்வாகம்
பிரதம ஆசிரியர்
- என். செல்வராஜா
இவர் யாழ்ப்பாணம் ஆனைக்கோட்டையைப் பிறப்பிடமாகக் கொண்டவர் புலம்பெயர்ந்து ஐக்கிய இராச்சியத்தில் வசித்து வருகின்றார். இவர் இலங்கையில் பிரபல நூலகவியலாளர்களுள் ஒருவராக இருந்தவர். நூல்தேட்டம் எனும் பெயரில் இதுவரை 07 தொகுதிகளில் 7000 இலங்கைத் தமிழ் நூல்களை பதிவாக்கியுள்ளார்.
நிர்வாக ஆசிரியர்
- திருமதி கல்பனா சந்திரசேகர்
வெளியீடு
- அயோத்தி நூலக சேவைகள், ஐக்கிய இராச்சியம்
தனிப்பிரதி
- 100 ரூபாய்
சிறப்பு
நூலகவியல் 1985ம் ஆண்டில் அயோத்தி நூலக சேவைகள் அமைப்பினால் இலங்கையில் ஆரம்பிக்கப்பட்டு தமிழ் பிரதேசங்களில் இயங்கும் அனைத்து நூலகங்களுக்கிடையிலும் தமிழ் நூலகங்களுக்கிடையேயும் ஒரு உறவு பாலத்தை 1991 வரை ஏற்படுத்தியிருந்தது.
இலங்கையிலிருந்து வெளிவந்த போது ஆசிரியர்
- என். செல்வராஜா
இலங்கையிலிருந்து வெளிவந்த போது ஆசிரியர்குழு
- சி. யோகவேல்
- (அமரர்) கலாநிதி ஜே. இ. பாக்கியவான்
- கலாநிதி இ. பாலசுந்தரம்
- திருமதி ரூபா நடராஜா
- திருமதி ரோ. பரராஜசிங்கம்
- எஸ். எல். கமால்தீன்
- சே. கிருஸ்ணராஜா
இதன் ஆசிரியர் என்.செல்வராஜா புலம்பெயர்ந்து 1991ம் ஆண்டில் லண்டனுக்கு செல்லும்வரை தொடர்ச்சியாக ஏழாண்டுகள் வெளிவந்துள்ளது. மீண்டும் 2005 முதல் புதுப்பொழிவுடன் லண்டனிலிருந்து வெளிவர ஆரம்பித்துள்ளது.
உள்ளடக்கம்
நூலகவியல் சம்பந்தமாக அனைத்து தகவல்களையும் இது தாங்கி வெளி வந்துள்ளது.