எஸ். குப்தன் நாயர்
எஸ். குப்தன் நாயர் (ஆங்கிலம் : S. Guptan Nair) (பிறப்பு:1919 ஆகஸ்ட் 22 - இறப்பு: 2006 பிப்ரவரி 6) இவர் ஒரு இந்திய அறிஞரும், கல்வியாளரும், விமர்சகரும் மற்றும் மலையாள இலக்கிய எழுத்தாளரும் ஆவார். தனது இலக்கியப் படைப்புகளுக்கும், சொற்பொழிவுத் திறனுக்கும் பெயர் பெற்ற நாயர், 35 க்கும் மேற்பட்ட புத்தகங்களைக் கொண்ட ஒரு சிறந்த எழுத்தாளராக இருந்தார். அவர் கேரள சாகித்ய அகாதமியின் புகழ்பெற்ற சக ஊழியராகவும், கேந்திரா சாகித்ய அகாதமி விருது, கேரள சாகித்ய அகாதமி விருது, வயலார் விருது, வள்ளத்தோள் விருது மற்றும் எழுத்தச்சன் புரஸ்காரம் உள்ளிட்ட பல கௌரவங்களை பெற்றவராகவும் இருந்தார். இதுவே கேரள அரசின் மூலம் கடைசியாக வழங்கப்பட்ட மிக உயர்ந்த இலக்கிய விருதாகும்.
வாழ்க்கை
எஸ். குப்தன் நாயர், தென்னிந்திய மாநிலமான கேரளாவின் இன்றைய கொல்லம் மாவட்டத்தில் காயம்குளத்திற்கு அருகிலுள்ள பரபிரம்ம கோயிலுக்கு புகழ்பெற்ற ஓச்சிறை என்ற கோயில் நகரத்தில் 1919 ஆகஸ்ட் 22, அன்று பிறந்த ஆயுர்வேத அறிஞரும் மருத்துவரும் சங்கரன் பிள்ளைக்கும் அவரது மனைவி காளி அம்மாவிற்கும் மகனாகப் பிறந்தார்.[1] காயம்குளத்தில் உள்ள உள்ளூர் பள்ளியில் ஆரம்ப பள்ளிப்படிப்பு படித்தார். பின்னர் அவர் 1941 இல் திருவனந்தபுரம் அரசு கலைக் கல்லூரியில் மலையாள இலக்கியத்தில் கெளரவவப் பட்டம் பெற்றார்.[2] 1945 ஆம் ஆண்டில், திருவனந்தபுரம் பல்கலைக்கழக கல்லூரியின் மலையாளத் துறையில் விரிவுரையாளராக சேர்ந்தார்.
1978 ஆம் ஆண்டில் கோழிக்கோடு பல்கலைக்கழகத்தின் மலையாளத் துறையின் தலைவராக பணியில் இருந்து மேலதிகமாக பணியாற்றுவதற்காக, கேரளா முழுவதும் ப்ரென்னென் கல்லூரி போன்ற பல கல்வி நிறுவனங்களில் பணியாற்றினார். தலச்சேரி,எர்ணாகுளம் மகாராஜா கல்லூரி மற்றும் பாலக்காடு அரசு விக்டோரியா கல்லூரி பல்கலைக்கழக மானியக் குழுவின் (யுஜிசி) பேராசிரியராகவும் பணியாற்ற்றினார்.[3] பின்னர், கேரள சாகித்ய அகாதமி மற்றும் சாகித்ய பிரவர்த்தக சாகரண சங்கம் (எஸ்.பி.சி.எஸ் - எழுத்தாளர்கள் கூட்டுறவு சங்கம்) ஆகியவற்றிக்குத் தலைமை தாங்கினார். இதைத்தவிர, கேரள சாகித்ய சமிதி, மார்கி, வித்யப்யாச சுரேக்ச சமிதி மற்றும் சிறீ சித்திரைத் திருநாள் கிரந்தசாலா ஆகியவற்றின் தலைவராகவும், கேரள பாசா நிறுவனத்தின் உதவி இயக்குநராகவும், மலையாளி, கிரந்தலோகம் மற்றும் விஜயனா கைரளி போன்ற வெளியீடுகளின் ஆசிரியராகவும் பணியாற்றினார். கேரளாவில் உள்ள கல்வி நிறுவனங்களில் மாணவர் அரசியலுக்கு எதிரான இயக்கமான கல்வி பாதுகாப்பு மன்றத்திலும் இவர் ஈடுபட்டார்.
குப்தன் நாயர் பகீரதியம்மா என்பவரை மணந்தார். இத்தம்பதியருக்கு பி. லட்சுமி குமாரி, வரலாற்றாசிரியரும் எழுத்தாளருமான எம்.ஜி.சசிபூஷன்,[4] மற்றும் பி.சுதா குமாரி என்ற மூன்று குழந்தைகள் இருந்தனர்.[1] நாயர் 2006 பிப்ரவரி 6, அன்று திருவனந்தபுரத்தில் உள்ள ஒரு தனியார் மருத்துவமனையில் சுவாச நோய் காரணமாக தனது 86 வயதில் இறந்தார்.[5]
இலக்கிய வாழ்க்கை
நவீன மலையாள இலக்கியத்தின் சிறந்த விமர்சகர்களில் ஒருவராக குப்தன் நாயர் கருதப்பட்டார். இலக்கிய விமர்சனத்திற்கான கேரள சாகித்ய அகாதமி விருதைப் பெற்ற ஒரு இலக்கிய ஆய்வான இசங்கல்கப்பூரம் போன்ற புத்தகங்களில் காணப்படும் சிக்கலான இலக்கியத் தலைப்புகளை எளிமையான பாணியில் கையாண்டார். அஸ்தியுதே பூக்கல், சங்கம்புழா காவியம் கவிதாயம், சங்கம்புழா கிருஷ்ண பிள்ளையின் வாழ்க்கை மற்றும் இலக்கியம் குறித்த ஆய்வு அவரது குறிப்பிடத்தக்க படைப்புகளில் ஒன்றாகும் .[6] கிரந்த தர்சிகல், நவமாலிகா மற்றும் கத்யம் பின்னிட்டா வளிக்கல் போன்ற புத்தகங்கள் அவரது முக்கிய படைப்புகளில் ஒன்றாகக் கருதப்படுகின்றன. பல கட்டுரைத் தொகுப்புகள் மற்றும் சுயசரிதைகளைத் தவிர, தேசிய புத்தகக் கடையின் N B S Concise English-Malayalam அகராதி என்ற அகராதியையும் அவர் திருத்தியுள்ளார். அவரது நினைவுக் குறிப்புகள் மனசஸ்மராமி என்ற பெயரில் வெளிவந்துள்ளது. அவரது நண்பரும் கவிஞருமான ஜி.சங்கர குறுப் எழுதிய பல கடிதங்களை வெளியிடுவதிலும் அவர் முக்கிய பங்கு வகித்தார். அத்துடன் 19 ஆம் நூற்றாண்டின் எழுத்தாளரும், இராயிம்மன் தம்பியின் மகளுமான குட்டி குஞ்சு நன்றி தச்சியின் எழுத்துக்கள் [7] குப்தன் நாயரால் 1979 ஆம் ஆண்டில் குட்டிகுஞ்சு நன்றிச்சியுடே கிருத்திகல் என்ற தலைப்பில் திருத்தப்பட்டு வெளியிடப்பட்டது.
விருதுகள் மற்றும் கெளரவங்கள்
கேரள சாகித்ய அகாதமி 1966 ஆம் ஆண்டில் இலக்கிய விமர்சனத்திற்காக ஆண்டு விருதை நிறுவியது.[8] அதன் இரண்டாம் ஆண்டுக்கான விருது இசங்கல்கப்பூரம் என்ற அவரது படைப்பிற்காக குப்தன் நாயருக்கு வழங்கப்பட்டது.[9] நாயர் 1983 இல் கேந்திரா சாகித்ய அகாதமி விருதையும் [10] 1995 இல் [11] லலிதாம்பிகா அந்தர்ஜனம் விருதையும் பெற்றார்.[11] 1996 இல் கேரள சாகித்ய அகாதமி புகழ்பெற்ற இவரது சிறந்த கூட்டுறவுப் பணிகளுக்காக கெளரவித்தது.[12] இரண்டு ஆண்டுகளுக்குப் பிறகு, இவர் வயலார் விருதைப் பெற்றார்.[13] பின்னர் வள்ளிதோள் விருது 1999 இல் இவரை அடைந்தது.[14] கேரள அரசு 2005 ஆம் ஆண்டில் எழுத்தச்சன் புரஸ்காரமான மிக உயர்ந்த இலக்கிய மரியாதையை அவருக்கு வழங்கியது.[3] ஜி . சங்கர குருப் விருது, செ. அச்சுத மேனன் விருது, ஆர்.சங்கரநாராயணன் தம்பி விருது, சி.வி.ராமன் பிள்ளை விருது மற்றும் பி. என். பணிக்கர் விருது ஆகியவற்றையும் இவர் பெற்றுள்ளார்.
குப்தான் நாயர் விருது
நாயரின் பெயரில் பேராசிரியர். குப்தன் நாயர் அறக்கட்டளை என்பதை நிறுவி இவரது நினைவாக 2007 ஆம் ஆண்டில் குப்தன் நாயர் விருதை வழங்கியது.[15] இந்த விருதில் ₹ 25,000 ரொக்கப் பரிசு, சான்று மற்றும் பதக்கம் ஆகியவை உள்ளன. எம். லீலாவதி தொடக்க விருதைப் பெற்றார். அம்பலப்புழா ராம வர்மா (2008), சுகுமார் அழீக்கோடு (2009), ஹிருதயகுமாரி (2010), ஜி.பாலகிருஷ்ணன் நாயர் (2011), ஓ. என். வி. குறுப்பு (2012) [16] பன்மந ராமச்சந்திரன் நாயர் (2013),[17] புதுசேரி ராமச்சந்திரன் (2015) [18] மற்றும் கே. பி. சங்கரன் (2019) [19] ஆகியோர் விருதைப் பெற்றவர்கள் ஆவர்.
மேற்கோள்கள்
- ↑ 1.0 1.1 "Prof. S. Guptan Nair (1919-2006)" (in en). 2019-02-07. http://www.keralaculture.org/prof-s-guptan-nair/427.
- ↑ "S. Guptan Nair - Veethi profile". 2019-02-07. https://www.veethi.com/india-people/s._guptan_nair-profile-4377-25.htm.
- ↑ 3.0 3.1 "Guptan Nair dead" (in en-IN). 2006-02-07. https://www.thehindu.com/todays-paper/tp-national/tp-kerala/guptan-nair-dead/article3174944.ece.
- ↑ Sasibhooshan, M. G.; Sasibhooshan, Bindu (2011-04-07). "Philosopher and guide" (in en-IN). https://www.thehindu.com/features/friday-review/history-and-culture/Philosopher-and-guide/article14674083.ece.
- ↑ "Malayalam literatteur Guptan Nair dead - Times of India". February 6, 2006. https://timesofindia.indiatimes.com/india/Malayalam-literatteur-Guptan-Nair-dead/articleshow/1402674.cms.
- ↑ "Isangalkkappuram". 2019-02-08 இம் மூலத்தில் இருந்து 2019-02-09 அன்று. பரணிடப்பட்டது.. https://web.archive.org/web/20190209124234/http://keralaliterature.com/old/book.php?bukid=1615.
- ↑ "Women Writers of Kerala". 2019-02-08. http://womenwritersofkerala.com/author.php?author_id=266&lang=en.
- ↑ "Kerala Sahithya Akademi Award for Literary Criticism 1". 2019-02-08. http://www.keralasahityaakademi.org/ml_aw5.htm.
- ↑ "Kerala Sahithya Akademi Award for Literary Criticism". 2019-02-07 இம் மூலத்தில் இருந்து 2017-07-05 அன்று. பரணிடப்பட்டது.. https://web.archive.org/web/20170705154427/http://www.keralasahityaakademi.org/sp/Writers/ksa/Awards/Criticism_Studies.htm.
- ↑ "Kendra Sahitya Academy Awards (Malayalam)". Public Relations Department, கேரள அரசு இம் மூலத்தில் இருந்து 24 May 2007 அன்று. பரணிடப்பட்டது.. https://web.archive.org/web/20070524212356/http://www.prd.kerala.gov.in/awards.htm.
- ↑ 11.0 11.1 "Lalithambika Antharjanam Smaraka Sahitya Award". 2019-02-07. http://www.keralaculture.org/lalithambika-antharjanam-award/580.
- ↑ "Kerala Sahitya Akademi Fellowship". 2019-02-07. http://www.keralaculture.org/distinguised-fellows/616.
- ↑ "Winners of Vayalar Award" (in en). 2019-02-07. http://www.keralaculture.org/vayalar-award/575.
- ↑ September 20; September 20, 1999 ISSUE DATE:; January 30, 1999UPDATED:; Ist, 2013 17:54. "S. Guptan Nair selected for prestigious 'Vallathol Samman' for 1999" (in en). https://www.indiatoday.in/magazine/signposts/story/19990920-s-guptan-nair-selected-for-prestigious-vallathol-samman-for-1999-824195-1999-09-20.
- ↑ "Guptan Guptan Nair award presented". தி இந்து. 7 February 2007 இம் மூலத்தில் இருந்து 2010-11-04 அன்று. பரணிடப்பட்டது.. https://web.archive.org/web/20101104060454/http://www.hindu.com/2007/02/07/stories/2007020722480300.htm.
- ↑ "Memorial for Guptan Nair sought". https://www.news18.com/news/india/memorial-for-guptan-nair-sought-444312.html.
- ↑ "Panmana Ramachandran Nair Selected for Guptan nair Award". 2019-02-08 இம் மூலத்தில் இருந்து 2019-02-09 அன்று. பரணிடப்பட்டது.. https://web.archive.org/web/20190209124502/http://www.currentaffairsonline.in/news.php?id=3191&news=Panmana%2520Ramachandran%2520Nair%2520Selected%2520for%2520Guptan%2520nair%2520Award.
- ↑ "Guptan Nair Award for Puthussery" (in en-IN). 2015-01-21. https://www.thehindu.com/news/cities/Thiruvananthapuram/guptan-nair-award-for-puthussery/article6807253.ece.
- ↑ "Guptan Nair award for K P Sankaran - Times of India". https://timesofindia.indiatimes.com/city/thiruvananthapuram/guptan-nair-award-for-k-p-sankaran/articleshow/67648134.cms.
மேலும் படிக்க
- S. Guptan Nair (1992). "Makers of Indian Literature". Kerala Sahitya Akademi. https://archive.org/stream/RamanPillaiC.V.GuptanNairS.SahityaAkademiMS/Raman%20Pillai%20C.V.%20Guptan%20Nair%20S.%20Sahitya%20Akademi%20%28MS%29_djvu.txt. "full text of the article on C. V. Raman Pillai"
- "Tribute to S Guptan Nair - An eminent Critic". 2007. http://sguptannair.blogspot.com/.