அலெக்சாந்தர் மெர்வர்ட்டு

அலெக்சாந்தர் மெர்வர்ட்டு

இயற்பெயர்/ அறியும் பெயர்	அலெக்சாந்தர் மெர்வர்ட்டு
பிறந்ததிகதி	1884 மண்ஹேஈம்
இறப்பு	23 மே 1932
பணி	மானிடவியலர்
கல்வி	முனைவர்
பணியகம்	Kunstkamera
கல்வி நிலையம்	ஐடல்பேர்க் பல்கலைக்கழகம்

அலக்சாந்தர் மிக்கைலோவிச் மெர்வர்ட்டு (உருசியம்: Александр Михайлович Мерварт) (1884 - 1932), உருசிய நாட்டு இந்தியவியலாளர், மொழியியாளர், மற்றும் திராவிடவியலாளர் ஆவார். உருசியாவின் முதல் திராவிட மொழியிலாளர் இவர் என்பது குறிப்பிடத்தக்கது.

இவர் 1913 ஆம் ஆண்டில் மனிதவியல் மற்றும் இனவியல் துறையின் இந்தியக் கிளையின் தலைவராக நியமிக்கப்பட்டார். 1914-1918 ஆண்டுகளில், இவரும் இவர் துணையும் தென்னிந்தியா. இலங்கை, மலேசியா, சிங்கப்பூர், இந்தோனேசியா ஆகிய நாடுகளுக்கு சுற்றுப் பயணம் மேற்கொண்டனர், தென்னாசியா மற்றும் தென்கிழக்காசியா தொடர்பான கலை மற்றும் பண்பாட்டு பொருட்களை சேகரித்தனர். லெனின்கிரேடு நகருக்கு திரும்பியபின் லெனின்கிரேடு மாநில பல்கலைக்கழகத்தில் ஆசிரியராகப் பணியாற்றினார். இவர் உருசிய நாட்டுப் பல்கலைக்கழகத்தில் தமிழ் மொழிப் பாடத்தை முதன்முதலாக அறிமுகப்படுத்தினார் என்பது குறிப்பிடத்தக்கது. 1926-1929 ஆண்டுகளுக்கிடையான காலகட்டத்தில் இருபது அறிவியல் ஆய்வுக் கட்டுரைகளை வெளியிட்டார்.