அகிலன் கண்ணன்

அகிலன் கண்ணன் தமிழக எழுத்தாளரும், பதிப்பாளரும் ஆவார். இவர் எழுத்தாளர் அகிலனின் மகன் அகிலன் கண்ணன் ஆவார். மாணவப்பருவத்திலேயே 'தேன்மழை' இதழின் ஆசிரியர் குழுவில் இடம்பெற்றவர். தாகம் என்னும் பதிப்பகத்தின் நிறுவுநர்.

கல்வி

தனது பள்ளிக்கல்வியை கோபாலபுரம் மாநகராட்சி மேல்நிலைப்பள்ளியிலும் கல்லூரிக்கல்வியை சென்னை விவேகானந்தர் கல்லூரியிலும் பெற்றார்.

நூல்கள்

1. யந்திரங்கள் (சிறுகதைத்தொகுதி) 1992
2. சுட்டும் விழிச்சுடர் (சிறுகதைத்தொகுதி) 2006 திசம்பர்
3. நெஞ்சோடு (சிறுகதைத்தொகுதி)
4. புதிய பாதை (சிறுகதைத்தொகுதி)
5. பட்டாம்பூச்சி (சிறுவர் இலக்கியம்)
6. வேர்பிடிமண் (நீள்கதை)
7. வெற்றிப்பாதை: வள்ளுவர் வழியில் (கட்டுரை)
8. பழக்கத் தெரிந்துகொள்வோம் (கட்டுரை)
9. பதிப்பும் படிப்பும் (கண.முத்தையாவோடு இணைந்து)
10. அகிலனின் காசுமரம் - திரைக்கதை வசனம்

தொலைக்காட்சி

அகிலன் எழுதிய "நெஞ்சின் அலைகள் என்னும் புதினம் தொலைக்காட்சித் தொடராக உருவானபொழுது அதற்கு அகிலன் கண்ணன் திரைக்கதை, வசனம் எழுதினார்.

சிறப்புகள்

• தமிழ்நாடு அரசின் பாடநூல் நிறுவனம் வெளியிட்டுள்ள துணைப்பாடநூலில் இவரது சிறுகதை ஒன்று பாடமாக வைக்கப்பட்டுள்ளது.
• இவரது சிறுகதைகள் ஆங்கில, வங்க மொழிகளில் மொழிபெயர்த்து வெளிவந்துள்ளன.

விருதுகள்

• அகில இந்திய அளவில் சிறந்த பதிப்பாளர் விருது.
• ‘நெஞ்சோடு’ சிறுகதைத் தொகுப்பிற்கு லில்லி தெய்வசிகாமணி விருது. இந்நூல் பாரதிதாசன் பல்கலைக்கழகம் பாடமாக விளங்குகிறது.
• அழ.வள்ளியப்பா நினைவு பதிப்பாளர் விருது.

பரிசுகள்

• போதைகள் (தினமணி கதிர் 1989 சனவரி), திருஷ்டிப் பரிகாரம் (குமுதம் 2002 பிப்ரவரி) ஆகிய சிறுகதைகளுக்காக இலக்கியச் சிந்தனைப்பரிசு.
• சிறுவர் சிறுகதைத்தொகுப்பு ‘பட்டாம்பூச்சி’க்காக பாரத ஸ்டேட் பாங்க் இலக்கியப் பரிசு .

நடுவர்

• கல்கி, கோகுலம், பாரத ஸ்டேட் பாங்க், முதியோர் கல்வி இலக்கியப் போட்டிகள் பலவற்றிற்கு நடுவர்.

குடும்பம்

எழுத்தாளர் அகிலன் மகனான கண்ணன், தமிழ்ப்புத்தகாலய நிறுவுநரான கண.முத்தையா மகள் மீனாவை மணந்துள்ளார். இவ்விணையருக்கு அபிராமி, உமா என்னும் இரு பெண்மக்கள் உள்ளனர். க.அபிராமி எழுத்தாளர்; உமா ஓவியர்.

வெளியிணைப்பு

1. எழுத்தும் அனுபவமும் பிரிக்க முடியாததே! தினமலர் 2020-சனவரி-04
2. குழலினிது - சிறுகதை குங்குமம் 2021 அக்டோபர் 03