க. தா. லிங்கநாதன்
கந்தர் தாமோதரம்பிள்ளை லிங்கநாதன் (Kanthar Thamotharampillai Linganathan) இலங்கைத் தமிழ் அரசியல்வாதியும், மாகாண சபை உறுப்பினரும் ஆவார்.
| ஜி. ரி. லிங்கநாதன் G. T. Linganathan | |
|---|---|
| வவுனியா மாவட்டத்துக்கான வட மாகாண சபை உறுப்பினர் | |
| பதவியில் உள்ளார் | |
| பதவியேற்பு 11 அக்டோபர் 2013 | |
| தனிநபர் தகவல் | |
| அரசியல் கட்சி | தமிழீழ மக்கள் விடுதலைக் கழகம் |
| பிற அரசியல் சார்புகள் |
தமிழ்த் தேசியக் கூட்டமைப்பு |
| இனம் | இலங்கைத் தமிழர் |
வாழ்க்கைக் குறிப்பு
லிங்கநாதன் வவுனியா மாவட்டம் நெடுங்கேணியில் வேளாண்மைக் குடும்பம் ஒன்றில் பிறந்தவர். அன்றைய ஈழப்போர்ச் சூழலில் இவர் 1983 ஆம் ஆண்டில் தமிழீழ மக்கள் விடுதலைக் கழகத்தில் (புளொட்) சேர்ந்து ஆயுதப் போராட்டத்தில் இணைந்து கொண்டார்.[1]
அரசியலில்
பல போராட்ட அமைப்புகள் சனநாயக அரசியலுக்குத் திரும்பிய வேளையில் லிங்கநாதனும் 1994 ஆம் ஆண்டில் வவுனியா நகரசபைத் தலைவராகத் தேர்ந்தெடுக்கப்பட்டார். இரண்டாவது தடவையாகவும் நகரசபை உறுப்பினராகத் தேர்தெடுக்கப்பட்டார். பின்னர் சிறிது காலம் அரசியலில் இருந்து ஒதுங்கியிருந்தார்.[1]
லிங்கநாதன் 2013 வட மாகாண சபைத் தேர்தலில் தமிழீழ மக்கள் விடுதலைக் கழகத்தினால் பரிந்துரைக்கப்பட்டு தமிழ்த் தேசியக் கூட்டமைப்பின் வேட்பாளராக வவுனியா மாவட்டத்தில் போட்டியிட்டு 11,901 விருப்பு வாக்குகள் பெற்று வட மாகாண சபை உறுப்பினரானார்.[2][3] இவர் 2013 அக்டோபர் 14 ஆம் நாள் மாகாண சபை உறுப்பினராக புளொட் அமைப்பின் செயலாளர் முன்னிலையில் வவுனியாவில் பதவியேற்றுக் கொண்டார்.[4]
மேற்கோள்கள்
- ↑ 1.0 1.1 "வேட்பாளர் அறிமுகம்: ஜி.ரி.லிங்கநாதன்". வீரகேசரி. 6 ஆகத்து 2013.
- ↑ "PART I : SECTION (I) — GENERAL Government Notifications PROVINCIAL COUNCILS ELECTIONS ACT, No. 2 OF 1988 Northern Province Provincial Council". இலங்கை அரச வர்த்தமானி Extraordinary 1829/33. 25 செப்டம்பர் 2013. http://www.documents.gov.lk/Extgzt/2013/PDF/Sep/1829_33/PG%201763%20%28E%29%20%20I-%201%20%20%28P.C%29.pdf. பார்த்த நாள்: 2013-10-18.
- ↑ "PROVINCIAL COUNCIL ELECTIONS 2013 – Results and preferential votes: Northern Province". டெய்லி மிரர். 26 செப்டம்பர் 2013. http://www.dailymirror.lk/news/infographics/36078-provincial-council-elections-2013--results-and-preferential-votes-northern-province.html.
- ↑ "சித்தார்த்தன் மற்றும் ஜி.ரி.லிங்கநாதன் புளொட் அமைப்பின் செயலாளர் முன்னிலையில் சத்தியப் பிரமாணம்". தமிழ்வின். 14 அக்டோபர் 2013 இம் மூலத்தில் இருந்து 2013-10-17 அன்று. பரணிடப்பட்டது.. https://web.archive.org/web/20131017193704/http://www.tamilwin.com/show-RUmrzASYMYls0.html.